Saturday, June 28, 2008

هييييييييييييه واجب


هذا الواجب من الجميله رحاب

بس ايه واجب على حق

منا طول عمرى بدى واجب للعيال وبعاقبهم لو معملهوش

معلش بقى يا رحاب

انا اتأخرت فى عمايل الواجب

اوعى تضربنى اقول

وقفنى طول الحصة وبلاش تضربنى
علشان ايدى هتوجعنى


السؤال الاول : أذكر اسم من طلب منك حل هذا الواجب؟

طلبته منى رحوب صاحبه مدونة فى حب الله

ويااااااارب اعرف اعمله



السؤال التانى : أذكر القوانين المتعلقة بهذا الواجب؟

هو قانون واحد مشهور عند كل الناس

if you want happy

ارمى الكتاب وصلى على النبى


السؤال الثالث : تحدث عن ستة أسرار قد لا يكتشفها من يقابلك للمرة الأولى؟

1) ممكن اى حد يتخم فيا ويفتكرنى هادية بس مجرد ما اتعود عليه يعرف الحقيقة المرة

2) بيبان عليا انى جريئة ومش بيهمنى حاجة بس أنا من جوايا ببقى خايفة جدا جدا

وبحاول اتماسك علشان ميبنش أى نقطة ضعف ليا

3) ناس كتير بتفتكر أن دماغى طئه وانى مبعرفش اتكلم جد

بس لا

أنا اه بحب الهزار بس برضه وقت الجد جد ولما حد يتكلم معايا فى موضوع بيلاقى واحده تانية

غير رودى المرووشة

4) صدقاتى المتعددة تعطى انطباع انى حبيت كتير قوووووووى

بس انا فى الحقيقة محبتش فى حياتى كلها الا مرة واحده

وكانت احلى سنه قضيتها فى حياتى كلها
5) انا ممكن انصح الناس كلها لكن معرفش انصح نفسى
ومتردده فى أى حاجة تخصنى لأنى بخاف قوى من الفشل
6)لما بحط حاجة فى دماغى بعملها أيا كانت الحاجة دى
وأيا كانت نتائجها ولما بتكون نتيجة افعالى خطأ
بقعد اقول لنفسى احسن علشان مأخدتيش بالك من كذه وكذه وكذه
لكن لو نتيجة افعالى حاجة كويسة يااااااااااااه على الفرح والظئططه اللى ببقى فيها



السؤال الرابع والاخير : حول هذا السؤال الى ستة مدونين

وأذكر اسماءهم مع روابط مدوناتهم فى موضوعك؟

اممممممممممممممممممممم

استنوا كدة لما افكر

بصوا احسن حاجة

اول سته مدونين يعلقوا عندى ليهم الواجب ده هديه

سوفنير يعنى

والنبى قبل الهدية

23 comments:

فى حب الله said...

طبعاً هيبقي صعب اني احل الواجب ده تاني بس بجد ردودك جميله وجعلتنا نعرف شخصيتك

اما بالنسبه للصدقات الكتير إلى الناس بتفتكر ان احنا مدام عندنا صداقات ياما يبقي عشنا تجارب حب كتير جداً الناس دى مش فاهمه ان ساعات الصديق او الصديقه بيبقوا افضل من 100 حبيب لان الصديق الوفي نادر الوجود

وشكراً على استجابتك والقيام بحل الواجب

HERO said...

ياسلام على الاجابات النار دي لا باسم الله ما شاء الله دبلوماسية
بس هو سؤال اشمعنى رقم 6 اللي مسيطر على الاسئلة دي كلها يعني
وعجبني المثل الشعبي بتاع ارمي الكتاب وصلي على النبي لأني فعلا محتاج اعمل كده جامد

تحياتي

Anonymous said...

نسيتى يا رودى تقولى
انك عصبيه جدا
وانك لما بتزعلى وتتعصبى
بيبقى عليكى رفعت حاجب
بتبقى زى العسل فيها
وبتبقى عنيكى جميل جدا
من الاخر بتبقى زى القمر يعنى

حماده

»-(¯`shahd´¯)-»* said...

ردودك شقية اوى وجريئة اوى
بس نسيتى حاجة ان اللى بيعرفك يعرف انه معرفكيش
ايه الكلام ده
قصدى ان اللى يشوفك اول مرة يقول انك متكبر و....
بس بعد ما يعرفك تتطضح الرؤية.
مرسيى على السيفونير ده
ملحوظة:
انتى عرفة انى بحب رقم 8 طب متزحزحيهم ل8

حـــــدوتـــــة said...

السلام عليكم

ايه يا باشا الاجابات الجامدة دى
بس انتى كده بتدبسينى تانى فى الواجب ده
انا هربت من رحاب ومعملتوش
اصل انا معملتش واجب من وانا فى تانية اعدادى
عموما انا هتصرف

سلالالالالالالالالالالالالالالالالالام

الفراشة الصغيرة said...

فى حب الله
اكيد طبعا صعب انك تعملى الواجب تانى
لان صراحه كنتى نمرةواحد فى الاولانى

واكيد طبعا مفيش احلى من الصداقه على الاقل فهى بتدوم
مهما حصل بين الصدقين

الفراشة الصغيرة said...

هيرو
مش عارفه تصدق اشمعنى رقم سته ده
عموما يا سيدى لو عايز تزود
فالرزق يحي الخفيه
زود يا عم براحتك
اما عن المثل فى من الامثال دى كتير
اكيد هنزلهالكم فى بوست قريب

الفراشة الصغيرة said...

حماده
ميرسى كتير على المجامله دى
اما بالنسبه ليا وانا عصبيه
فانا عارفه ان شكلى بيبقى وحش
مش حلو زى ما بتقول
بس لو انت شايفه حلو يبقى براحتك
بس خليك فاكر انك كدة بتدبس
لانك كدة بتعاكسنى
وقدامك حل من اتنين يا اما تجيب حضره الظابط
يا اما تجيب المأذون
وانا ارجح تجيب المأذون
ههههههههههههههههههه

الفراشة الصغيرة said...

شهد الحب
ماشى يا سمسمه
بقى انا شقيه فى رودودى
خلاص يا ستى قولى اللى انتى عايزاه
ولو على الاسرار فمنى ليكى قولى ثمانيه
حتى على الاقل تكونى كسرتى
قانون الواجب ده
بس ابقى ادفعى بقى المخالفه
هههههههههههههههههه

الفراشة الصغيرة said...

حدوته
انا معنديش ولاد يقولولى
مبنعملش الواجب
انت متعرفش انا بعمل ايه فى العيال فى الفصل ده انا بعلقهم
اما اشوف بقى يا حامد هتعمله ولا
انت عارف لو معملتوش
هتاخد فصل اسبوع من مدونتى
هههههههههههه
وكمان هحرمك من الميراث

ماء تشرين said...

الحمد لله نفدت
عارفه يارودى انت بجد حد كويس اوى وطيبه اوى على عكس البيبان وانا يمكن اول مره بقولك ويمكن محدش بيحس بكده غير البيقرب منك اوى

الستة بتوع صيدلة said...

لذيذ اوى الواجب ده

وطبعا رقم 6 لازم يسيطر
امال ايه

bREAK

الفراشة الصغيرة said...

ماء تشرين
ميرسى يا منونه على كلامك الجميل ده
بس على فكرة انت اه
نفدتى من التاج ده
بس ليك واجب كتيييييير قوى عندى

الفراشة الصغيرة said...
This comment has been removed by the author.
الفراشة الصغيرة said...

السته بتوع صيدله
شوفتى بقى يا بريك
انا بحبك قد ايه
حتى لما حبيت اتكلم عن اسرارى
اتكلمت فى ست نقاط
ده علشان خاطركم انتم بس
اى خدمه
وش بيغمز

PrInCeSS BeRy said...

هاى يا عثل اجاباتك حلوة اوى ودمها خفيف وشكلك شقية وربنا يوفقك

الفراشة الصغيرة said...

بيرنسيس بيرى
يا نهار ابيض
انتى عارفه الكلمه
دى اتقلتلى من كام حد
مع انى للعلم بالشىء معنى اسمى
الهدوء والسلام
الهدوووووووووووء
ماشى يا جماعه
وكل ما اقول لحد كده يقولى انتى اساسا
عنيكى كلها شقاوه

blue-wave said...

بجد شخصيه عسوله جدا
تحياتى فى اول زيارة

Anonymous said...

ازيك يا رودى على فكره ردودك حلوه اوى وفعلا الى بيشوفك اول مره بياخد انطباع عنك بس فعلا بيتغير لما يقرب منك ويعرف ان انتى طيبه وعسوله اوى وزى كده ما بيقولوا ان احنا مش بنعرف اللى قدمنا غير لما نعشره

الفراشة الصغيرة said...

د/عمرو فاروق
اولا: ميرسى كتير على الزياره الحلوه دى
ثانيا : انت الاعسل والاحلى والله


ويارب مدونتى تكون عجبتك
وتزرونى باستمرار

الفراشة الصغيرة said...

وساااام
ميرسى ليكى يا بوسى

فى مثل يقولك تعرف فلان اه عشرته لا
يبقى متعرفهوش

Unknown said...

تحياتي ليكي
بجد شخصيتك جميلة

ي أول زيارة و لكن لن تكوت الأخيره ان شاء الله

ياسمين

نوته و قلم

الفراشة الصغيرة said...

عاقله على ارض الجنون

ميرسى ليكى يا قمر
على مرورك الكريم
ويارب تزورنى دايما