Friday, July 18, 2008

happy candles


اولا: اعتذر لكل قرائى الأعزاء عن التأخير

بس معلش سماح اصل النت كان فاصل بقاله اسبوعين وجه يوم واحد وفصل تانى


ثانيا : انهارده فى مناسبه سعيده جدا

الا وهى عيد ميلاد مدونتى العزيزة


والحمد لله ان الشركة ظبتتنى وجابت النت

احب اقول لمدونتى

كل سنه وانتى متألقة



كل سنة وانتى متجدده



ثالثا : عايزه بقى اقولكم انا ازاى دخلت عالم التدوين


"عارفين المقوله بتاعت فرويد اللى بتقول "الانسان مكبر مسير


اهوه هو ده اللى حصلى بالظبط


انا كنت اول مرة اسمع عن عالم المدونات كان من هشام



صاحب مدونة الثائر دائما



وايامها كان هو برضه لسه فاتح مدونته جديد



وكنت دايما ادخل عنده واتابع المدونات من خلال مدونته



فكنت لما بكتب تعليقى كنت لازم اكتب اسمى فى الاخر


فكان الموضوع ده حازز فى نفسى قوى



الناس كلها اسمها مكتوب فوق بالازرق


وانا الوحيده اللى اسمى بيتحط تحت


لالالالالا والف لا



انا لازم اسمى يكون فوق زيهم


وقعدت رودى عبقرينوا تفكر طب اعمل الحركة دى ازاى



ااااااااااااااااااه


يبقى لازم اسجل نفسى فى بلوجر


وفعلا عملت من فوق فى المدونه تسجيل


وكل ده انا فاكرة انى بسجل اسمى فقط



وفجاه لا بيه ولا عليا


الاقى نفسى عملت مدونة


يا دى النيله



مدونه ايه يا رودى اللى عملتيها دى


طب وانتى هتكتبى ايه ان شاء الله


شكلى كده اتدبست


وقعدت افكر طب هتكتبى ايه


ومفيش حاجة جايه فى دماغى


لا لا منا لازم اكتب


ماهو مينفعش رودى بعبقريتها متعرفش تكتب حاجة


لحد ما ربنا هادانى الحمد لله فى النهايه وكتبت اول موضوع ليا



"الشعور بالامان"

وبدات انتظر رد الفعل

وفرحت قوى لما لقيت التعليقات على اول بوست

كانت كتير

بدات احس باحساس الفلاح اللى زرع زرعه ومتستنى الحصاد

ومن ساعتها وانا بكتب فى المدونه

وبفرح بأى كومنت يجيلى

حتى ولو كان بيقولى حاجة مش عجباه فى البوست اللى انا كتباه

بفرح لما الاقى اصحابى المدونين متبعنى

بفرح لما الاقى حد جديد دخل وبيعززنى

بفرح لما الاقى الكومنتات كتييييييييييير

بقولكم ايه
بمناسبة الكومنتات

انا عايزه بقى كومنتات ايه

كتيييييييييييييييييير قوى

بس مش علشان انا اللى افرح المرة دى

علشان مدونتى العزيزة هى اللى تفرح

18 comments:

di el2mr said...

كل سنه ومدونتك طيبه
وكل سنه وانتى دايما معانا
ومنوره المدونات كلها
وبجد وحشتينا

فى حب الله said...

كل سنه ومدونتك متألقه دائماً حلو قوى النيو لوك الجديد ده ويارب دائماً تكوني سعيده وبخير ان شاء الله

حـــــدوتـــــة said...

السلام عليكم

فراشتى الصغيرة
كل سنة ومدونتك بنجاح وتألق وانتشار
وعقبال عيد ميلادها المئوى

سلالالالالالالالالالالالالالالالالالالالالالام

الفراشة الصغيرة said...

i need a loan
ميرسى كتير لزيارتك
ويارب تحب مدونتى باستمرار

الفراشة الصغيرة said...

ضى القمر

وانتى طيبه يا شيمو يا جميله
بجد وحشتونى قوووووووى
وربنا يخليكوا ليا
يا رب

الفراشة الصغيرة said...

فى حب الله
بجد عجبك النيو لوك
طب الحمد لله
المهم انتى وحشتنى جدا
ومعرفتش ادخل على مدونتك لما عملت النيو لوك ان شاء الله هضيفكم تانى عندى
علشان مقدرش على بعدكم

الفراشة الصغيرة said...

حدوته

ميرسى ليك كتير يا حامد
ويارب السنه الجديده
فى مدونتى اكتب حاجات
تعجبكم ان شاء الله

Anonymous said...

كل سنه ومدونتك طيبه وانتى طيبه بس كنتى قولى وكنا عملنلها عيد ميلاد فى المدرسه عشان تفرح اكتر

momken said...

كل سنه وانتى طيبه
وعقبال متين سنه تدوين وابداع

تحياتى

الفراشة الصغيرة said...

وسام
ماشى يا حبيبت قلبى
تتعوض يعنى واحنا لسه فيها
نبقى نعمل بكرة عيد ميلادها
وبعدين فين هديتها لو سمحتى
هى بتقولك عايزة لعبت اونو
زى ما صاحبه المدونه بتلعبها فى المدرسة

الفراشة الصغيرة said...

momken
وانت طيب
ميرسى كتير لمرورك الكريم
ويارب تكون مدونتى عجبتك
وتزرونى باستمرار

blue-wave said...

الف شكر لأحلى صدفه جابتلنا احلى مدونه(بكسر الواو)
كل سنه ومدونتك بخير وانتى منوراها دايما بأحلى بوستات

الفراشة الصغيرة said...

blue_wave
ميرسى كتيييييييير يا د/عمر
ويارب ربنا يقدرنى
اكتب حاجات تعجبكم
ان شاء الله
وبجد المدونه فتنتلى وفالتلى
انها فرحانه جدا
وبتشكركم كلكم

marmar said...

انا اول مره اشوف البلوج بتاعك وبجد عاجبنى جدا

وحابه اقولك كل سنة ومدونتك دايما متالقه وتكون فالقمه

break said...

كل سنة و بلوجك طيب
و عقبال مليون سنة فى التدوين

واحنا بنفرح اوى لما بندخل عندك
:)

الفراشة الصغيرة said...

مرمر
ميرسى كتير لتشريفك فى مدونتى
واتمنى انها تعجبك باستمرار
وتزورنى دايما يا مرموره

الفراشة الصغيرة said...

بريك
ايه يا بنتى فينك واحشانى جدا
وانا كمان بفرح اكتر
لما بتشرفوا مدونتى
ميرسى يا قمر على زيارتك

Anonymous said...
This comment has been removed by a blog administrator.