Saturday, June 14, 2008

الحب أو الزواج


الحب أو الزواج

صعب قوى أنك تشيل الألف من حرف ( أو) ونخليها

الحب و الزواج

تحس انها معادله صعب جدا انك تحققها

وكتير قوى من بنات اليوم بيقولولى

(يا بنتى الحب حاجة والجواز حاجة تانية)

بس حتى هذه اللحظه لم اقتنع بتلك المقولة

ولم اقتنع بأن الحب كلام افلام


صحيح أن شباب هذا اليوم مرووش حبتين
ومش بيتحمل مسئولية

وبيفضل يحب ويهيم على وجه فى الحب كتير

الا انه عندما يصل به الحب الى الزواج

تبدأ اجراس ناقوس الخطر فى الدق

وتجده يفكر مليون ألف مرة

قبل اتخاذ هذا القرار

بل وتجده يظهر كل عيوب الحبيب امامه

بدون اى مميزات أو أولويات

حتى يصل به المطاف الى نهاية هذه القصة الجميلة

بنهايه مؤلمة لعينة


ومع كل ذلك لسه عندى أمل

ولسه مؤمنة بأن الزواج بدون حب خطأ كبير

وأن الزواج هو الترجمة النثرية لقصيدة حب جميلة




37 comments:

Anonymous said...

الحب نهايتة جواز
ولكن بيبقي الحب مستمر حتي نهاية العمر
ولكن للاسف ليس هناك حب صادق فى هذا الزمن
للحب اكتر من اسم
اولا تضحية ولكن للاسف صعب تلاقي حد فى الزمن دة انة يضحي من اجل حد
عندما تحب شخص وتتمسك بية وعندما يدخل الموضوع فى الجد اللي هو الزواج وفجاءه تتفاجأ انه كان كل اللي بيحصل دة علشان يغض شخص بيحبة ولا يحس بيه
يبقي هنا يموت القبل وتبقي الكرامة

لحظة كئيبه فيها مشاعرنا صابها كل الأرهاق0000
نظرة فرح تحولت في لحظة نظرة أخفاقي

رغم اللي أنكسر وانتثر باقي على الميثاق0000
ولكن ينتثر دمي ولااشوف بعينك نظرة أشفاقي


وأحذرك بتنكسر تحت رجلي للمحبة ألف ساق000
يموت قلبي مابعت كرامتي في بعض الأسواقي

Anonymous said...

الحب نهايتة جواز
ولكن بيبقي الحب مستمر حتي نهاية العمر
ولكن للاسف ليس هناك حب صادق فى هذا الزمن
للحب اكتر من اسم
اولا تضحية ولكن للاسف صعب تلاقي حد فى الزمن دة انة يضحي من اجل حد
عندما تحب شخص وتتمسك بية وعندما يدخل الموضوع فى الجد اللي هو الزواج وفجاءه تتفاجأ انه كان كل اللي بيحصل دة علشان يغض شخص بيحبة ولا يحس بيه
يبقي هنا يموت القلب وتبقي الكرامة

لحظة كئيبه فيها مشاعرنا صابها كل الأرهاق0000
نظرة فرح تحولت في لحظة نظرة أخفاقي

رغم اللي أنكسر وانتثر باقي على الميثاق0000
ولكن ينتثر دمي ولااشوف بعينك نظرة أشفاقي


وأحذرك بتنكسر تحت رجلي للمحبة ألف ساق000
يموت قلبي مابعت كرامتي في بعض الأسواقي

HERO said...

مين قال او ؟؟
الحب لو حقيقي وصادق النهاية المنطقية ليه هي الجواز طبعا ومفيش غير كده
لكن شباب الايام دي بيدور على الصحوبية والخروج والعلاقات ولما يجي وقت الجواز يبدأ يفكر بعقله مش بقلبه

تحياتي

خواطر رئيس شاب said...

يقال ان الحب اللى بيكون بعد الجواز بيبقى اقوى من الحب اللى قبل الجواز

والله اعلم

ماء تشرين said...

انا بقه يارودى هرد عليكي بكلام راجل
شرقي زاى كل الرجاله الموجودين دلوقتى

قصص الهوى قد أفسدتك .. فكلها
غيبوبة .. وخرافة .. وخيال
الحب ليس رواية شرقية
بختامها يتزوج الأبطال
لكنه الإبحار دون سفينة
وشعورنا أن الوصول محال
نزار قبانى

وده انا مؤمنه بي جدا وفي راى انو البنت لازم تحط الزواج قبل الحب فى اولويتها وكل العملو كده هما الي نجحوا في حياتهم العاطفيه
اتمنى ان يسبق عقلى قلبي يوم او يتفقان

الفراشة الصغيرة said...

امير الدموع
انا عارفه انى جيت على الجرح عندك
وان كل كلامك ده على
اساس تجربه مريرة
بس هنعمل ايه
معلش
المشكله الاكبر
انك بعد ما تتعود على حياتك
خلاص وبعده عنك
يظهر تانى ولا اكنه عمل حاجة
ساعتها تعمل ايه

الفراشة الصغيرة said...

هيرو
ايوة هو ده لب الموضوع
ان فعلا انهم بقى بيثصحبوا
على اساس ان دى اقصر الطرق
لكسب ثقه اللى قدامك
بدون مراعاه اى مشاعر
للطرف الاخر اكنه المفرض يرضى بالامر الواقع دايما
بيحبنى انهارده يبقى خلاص اوك
نسينى خلاص اوك
عايز يرجعلى خلاص اوك
على اساس زرار
بتتك عليه
بيشتغل لوحده حب لا متحبش

الفراشة الصغيرة said...

خواطر رئيس شاب
مش دايما يا ريس
لان ده بيبقى اسمه تعود
وعشرة بينهم واولاد بتزود العلاقه دى
لكن حب بمعنى حب لا
واعرف ناس كتير كدة
قالولى ان اللى بعد الجواز
ده مش حب
ده تعود

الفراشة الصغيرة said...

ماء تشرين
لاول مرة يا بت منمن
تقولى كلام حلو ويدخل الدماغ
من غير جدال كتير
وحلوه قوى كلمات نزار
بس زى ما قولت
الحب ده زى القدر
مينفعش اننا نوجه
هو انسان بيجيلك فى وقت
انتى مستعده انك تحبى
فتلاقيه قدامك بمواصفات شبيه من اللى انتى عايزاه فتلاقى نفسك اتعلقتى بيه وحبيته من غير ما تحسى

ويوم ما يبعد عنك تحسى
انك هتموت من غيره
بس فى النهايه
محدش بيموت من الحب

»-(¯`shahd´¯)-»* said...

محدش بيموت من الحب
عبارة قوية
بس بجد فعلا صح
الحب فى زمنا ده غير الحب بتاع زمان
وعن تجارب
الحب بعد الارتباط سواء "خطوبة او زواج"
يدوم وافضل من الحب قبل الزواج
الحب قبل الجواز مليان بالاحلام الوردية
لكن اول ما يدخل فى الجد يبدا يقل نتيجة لضغوط الحياه.
يارب ارزقنا الزواج الصالح

فى حب الله said...

بصي يا قمر
أولاً هو فيه جواز بدون حب بيكون ناجح جداً عارفه ليه لان اكيد في حب مش بعد الجواز لا قبل الجواز يعني الشاب أو الفتاه لما بيتقابلوا لأول مره علشان يتعرفوا فى الجواز التقليدى لو هو او هي ما حستيش بحاجه من ناحيته مكنش الجواز تم يعني بمعني اصح الكيمياء بتاعتهم اتركبت على بعضها يعني تفاعلت وبه ديه كانت او خيط فى الحب ومن غيرها ميبقاش فى جواز
ثانياً الجواز إلى عن حب
وده موجود وانا بأييد ان يكون فى مشاعر قبل الجواز علشان تكمل السعاده والحياه يبقي لها معني تاني عارفه ليه لان احسن ايام الانسان بيعيشها الايام إلى بيكون فيها عايش فى قصه حب جميله معلش اصل انا عيشتها قبل الجواز فعلشان كده عايشه الدور شوية
ربنا يارب يا قمر يكمل لك سعادتك وتلاقي الانسان إلى يستاهل انه يكون يشريك حياتك وتحسي معاه من اول نظرة بالحب وتقولي هو ده فارس احلامي حبيب قلبي وحبيب ايامي
اسفه اذا كنت طولت عليكي شوية بس الموضوع جميل فعلاً

di el2mr said...

الطبيعى ان الحب يكون نهايته الجواز
لكن الايام دى متلاقيش كدا خالص

تلاقى الطبيعى ان الحب نهايته مفيش
نهايته فراق
وتلاقى البنت قبل الولد عارفه كدا

لكن برضو انا معاكى ان جواز من غير حب هيبقى صعب قوى ومش هقول مستحيل لانه بيحصل

لكن حب من غير جواز بقى دة اللى بقى طبيعى فى زمان الابيض الجميل دااااااا

ربنا يهدى كل البنات والولاد

PrInCeSS BeRy said...

ازيك يا فراشة معالجة حلوة اوى لموضوع محير لان بعض الناس تقول فعلا ان الحب حاجة والجواز حاجة وخصوصا عند الشباب اما بالنسبة لنا كبنات طبيعى الحب يكون نهايتة جواز بس فى اى حال من الاحوال الحب هوة محصلة اى شىء حلو فى الدنيا تحياتى

الفراشة الصغيرة said...

شهد الحب
اللهم امين يا سمسمه
يا رب يرزقنا كلنا بالزوج الصالح اللى نحبه ويحبنا ويراعى ربنا فينا

الفراشة الصغيرة said...

فى حب الله
كلام صح قوى يا رحاب
بس ده بيختلف من بنت للتانيه
يعنى صحابى اكترهم اتجوز جوازه صلونات
لكن انا جربت الموضوع ده
متقبلتش فكرة انى فى واحد قدامك وهيبقى ده زوج المستقبل
كنت ببقى متنحاله ومش متخياله
وكنت مبعرفش احس انى بتكلم براحتى
فعلشان كدة
انا مقدرش اتجوز من غير ما احب الاول

الفراشة الصغيرة said...

ضى القمر
ايه يا بنتى فينك
وحشتينى كتيير قوى
ويارب يا ختى
ربنا يهدى كل البنات والبنين
ويجيبه عيال حلويين مقطقطين

الفراشة الصغيرة said...

يرنسيس بيرى
ميرسى كتييير يا قمر لمرورك الكريم
وياريت تزرونى دايما
وتعلقى التعليقات الحلوة دى دايما

حـــــدوتـــــة said...

السلام عليكم
شوفى يا ست الكل
الحب ده شىء جميل اوى
بس مش هو اساس الجواز
ولا هو اهم عنصر لنجاحه
بعد الجواز بيبقى فيه عشرة وعيش وملح
وده بيبقى تأثيره اكتر من الحب

سلالالالالالالالالالالالالالالالالالالالالالالالالالام

safa7_karmooz said...

بصى يا فراشة يا صغننه ...حلو الاسم ده...

الاتنين دول لوكشة واحده...لازم يجوا مع بعض...ولو بقى فيه جواز...من غير حب مش هيبقى جواز...ومش هيعرفوا يعيشوا مع بعض...دى كده مصلحة او طفشان...

لان الجواز ده طبعا مش حاجه سهلة فعشان كده اغلب الناس بتطلع القطط الفطسانه فى اللى قدامها...بس انا متعود اطلع القطط الفطسانة فى امكانيات الجواز الحالية :D

عشان كده قررت مش اتجوز... :D

أية عفيفي said...

الى بحسه ان 99% من الشباب بيتسلى

ماحدش يزعل منى

بس نادر جدا جدا جدا انى الاقى قصه حب تنتهى بالجواز

_ده لو لقيته_والموضوع ده ماشفتهوش غير مره واحده انما الباقى لا

وانا افضل اما يبقى العقل يبفكر وبعديه القلب

اما الاتنين مع بعض بس باتزان

او _الواحد يرح ولا يتجوز ولايحب احسن_0

تحياتى

زى الهوا said...

انا رأيى زى رأيى خواطر رئيس شاب , الحب اللى بعد الجواز قوى جداااااااا , هيشوفك بعيوبك , وانتى حلوة ووانتى وحشة ,وانتى صاحية من النوم وانتى خارجة , وانتى هتشوفيه وهوه شقيان وتعبان ووهوه مفرفش ومبسوط , حب اصدق مش معتمد على التزيين والتجميل

الفراشة الصغيرة said...

حدوته
برضه دى وجهه نظر صح
بس المشكله ان فى احيان كتير
بتلاقى مفيش تفاهم بين الاتنين وان السكوت اسلم الطرق للاستقرار الزوجى
وساعتها هيصابوا بحاجة اسمها
الخرس الزوجى

الفراشة الصغيرة said...

سفاح كرموز
صراحه احسن حاجة عملتها
يعنى هما اللى اتجوزا اخدوا ايه
غير وجع القلب
وعيال تقرفهم وتقولهم
بابا عايز كراسه
بابا عايز مصروف
بابا عايز وعايز وعايز
يا عبنى يا بنى
تصدق صعبت عليا
ههههههههههه

الفراشة الصغيرة said...

ابتسامه حياه
ليه كدة بس
مش عايزه

الشباب يحب ولا يتجوز ولا حاجة خالص
اومال يعمل ايه طيب

الفراشة الصغيرة said...

زى الهواا
قصدك بقى يدبس بقى
هههههههههههه

يعنى معندوش وقت للاعتراض
هو قدرة كدة
طب يبقى عنده خلفيه مسبقه برضه
بدل ما يتصدم كدة
واحتمال يجراله حاجة
ولا يموت فيها

Alkomi said...

هو فرنسا بيروحولها منين

ادم المصرى said...

اهنيكى على البوست

ولكن الوقت لا يسمح لهو ولا يسمح لى شبابنا ليه ولا لى فتياتنا ليه ولا لى اى مخلوق انهردا كل شب بيفكر اذاى يصرف على نفسو ويجيب هدوم ومبيل ويظبط نفسو ذى باقى الشباب والبنات بردو دى حالات خاصه طبعا ظروف البلد تجبر الشاب انو يكون حبو لى حببتو ناقص وهنا ييجى الوداع الوداع المؤلم جدا لى الطرفين الشباب عمرهم مكانو بيحبو الفسح والصداقه وبس اى شب فى مصر يتمنا لو يجوز ويعيش ذيو ذى اى واحد تانى لكن بجد انا حزين لكل شببنا جدا جدا وندمان على حال بلدنا الهما صبرنا على ما ابتليتنا به من رحمتك اتمنا........ زيارت مدونتى

الفراشة الصغيرة said...

محمد الكومى
تمشى كدة على طول على طول
لحد ما تلاقى عماره
لحد ما الاقى عماره
تدخل يمبنك وشمالك
شارعين وفى التالت تكسر
شارعين فى التالت اكسر
على اليمين واخد بالك
وتمشى على طول تتمخطر
وامشى على طول واتمختر
تفضل كده تمشى وتلف
وتخش من مطرح ما طلعت
ولما تلقى مقلة لب
تعرف بانك وهت وضعت

ههههههههههههههههههه
يلا اى خدمه
حد تانى عايزنى اتوهه

الفراشة الصغيرة said...

ادم المصرى
ميرسى بجد يا ادم على الزياره الحلوه دى
ويمكن عندك حق فى ان شباب اليومين دول
مغلوب على امره
مش غالب عليه
اتمنى ان المدونه تكون عجبتك
ونزورنى باستمرار

فى حب الله said...

فراشتي الصغيره ليكي عندى واجب بقي ايه حكايه ياريت تدخل عندى وتستلميه وربنا معاكي بقي

بيتنا القديم said...

جميييييييييييييييييييل

بساطة الموضوع ورشاقة الطرح

تدل على قدرات رائعة في توصيل الهدف

"شباب هذا اليوم مرووش حبتين

ومش بيتحمل مسئولية"

دي اوفر شوية...!!

(:

الفراشة الصغيرة said...

فى حب الله
ايه يا رحوبه
هو اللى انا بعمله فى العيال
فى المدرسه هيطلع عليا
ماشى هعمل الواجب
وهجيبه تصحيحه بس يارب
اخد عشرة من عشرة

الفراشة الصغيرة said...

بيتنا القديم
سمسم فينك يا بنى
وحشتنا والله ميرسى كتير لكلامك
بس لو فكرت ففى شباب اليومين دول وتصرفاتهم تحس انه مش عارف هو عايز ايه
ومش بيقدر بتحمل مسئوليه الجواز
انا مش بقول كلهم بس الغالبيه كدة

حـــــدوتـــــة said...

السلام عليكم

انا عرفت من مصادر موثوق فيها
ان كان فى لب جايلى من مطروح وانتى كلتيه
عموما بالهنا والشفا احنا مش هنخسر بعض عشان ربع لب ابيض
بس كنت فاكر ان اللى بينا اكبر من كده
مكنش العشم يا رودى

سلالالالالالالالالالالالالالالالالالالالالالالام

Mohamed Hesham Safa said...

كلامك مظبوط ... مش معنى ان معظم الناس بتعمل حاجة ان هي دي الحاجة الصح ...

الجواز بدون حب ممكن يكون ناجح ، ممكن ييجي الحب بعد كده ... لكني شخصيا أرفض ذلك .

للأسف الشديد نحن الذين نغرس تلك الافكار في نفوس أبناءنا مما يجعلهم مفتنعين فعلا ان الحب حاجة والجواز حاجة تانية خالص ، لذلك فإن الشاب عندنا يحب (أو بتظاهر) الكثير من الفتيات ، أو يحب فتاة واحدة متغاضيا عن اختلافات كثيرة بينه وبينها وغير محاولا لتصحيح تلك الخلافات من أساسه ، فهو عندما يفكر في الزواج تكون حبيبته تلك هي أول من ينحيها جانبا من قائمته ، فهو يختار حينها فتاة لا يعرفها عادة ظنا منه أنه ليس لها تجارب (وأنا مش فاهم ايه المشكلة في التجارب) وأنها قادرة على تحمل مسئولية البيت ... لذلك فهو يظلم نفسه أولا قبل حبيبته وزوجته ...

كذلك بالنسبة للفتيات ...

لكن الحب موجود ... وبيجيي لوحدهمش لازم ندور عليه .

شكرا ... بوست جميل

والسـ ختام ــلام

الفراشة الصغيرة said...

حدوته
هههههههههههههههه
معلش يا حدوته بقى تعيش وتاخد غيرها
وبعدين انا مكلتهوش لوحدى
هى والله اكلت معايا
كنا بنتسلى فيه عقبال ما نوصل المدرسه
يعنى ما نتسلاش يا حامد
تيجى دى برضه
ههههههههههه

الفراشة الصغيرة said...

محمد هشام
ميرسى كتير لزيارتك
بس كنت عاوزه ازود حاجة على اللى انت قولته بالنسبه للولد لما ياخد بنت جوزاه صالونات على اساس ان مالهاش تجارب هو الموضوع مش كدة خالص هى الفكرة انه ميعرفش ده
ويمكن البنت دى تكون عملت كل حاجة فى حياتها وعيشتها بالطول والعرض ومقلتلوش وتلاقيه ميعرفش عنها ربع اللى كان يعرفه عن حبيبته
ده ليه
علشان يجوز بنت معرفهاش قبل كدة
مش ده تخلف والنبى