Wednesday, December 31, 2008

عام رحل


عامٌ من الحزنِ أبكى السهلَ والجبلا


وقرَّحَتْ كفُّهُ الأكبادَ والمُقَلا


لمْ يَنْجُ من كيده قلبٌ ولا رئة


تقاسما إرثه: الأحزانَ والعلا


حتى سفحْنا على أعقابنا دمَنا


سفاهةً جمعَ الأوراقَ وارتحلا


ما قيمةُ المرءِ في عصرٍ يعيشُ به


إذا انحنى راسُه في عُرْسِه خجلا


عام تولى يجُرُّ الخزي والفشلا


ولمْ يلِدْ مُنْيةً تُرضي ولا أملا


أهدافُ أمتنا العُظمى لفرقتنا


تطايرت منه في آفاقها وجلا


وجاء في إثرِه عامٌ يداعبا


في يوم ميلاده يُهدي لنا القبلا


نخافُ إن ضيَّعَتْ أحلامنا غدنا


أن يضرب الناسُ للحمقى بنا مثلا


أحــمــد ســا لــم بــاعــطــب

Thursday, December 11, 2008

الحب


ماهو الحب يا سيدى؟؟


لا أعرف


....لكن سلطانه قاهر



كــــالــــيــــبـــــو

Tuesday, December 2, 2008

وحدتى


تقتلنى وحدتى

وتؤلمنى كأبتى

ومازلت أبحث عن أشياء

لا وجود لها الا فى خيالاتى

وكأنها أصبحت مثاليات

لا أساس لها فى الوجو
د

ولكن

هذه أنا

وهذه حياتى

أخترت أن اعيشها

كيفما تكون

Monday, November 3, 2008

دعهم يرحلون


يا ترى



ماذا حدث لك يا قلبى ؟



هل انجرحت ؟



أم تعبت ؟ ام ماذا جرى ؟



هل توقف قلبى عن الدق ؟



ام تعب عقلى من الفكر



أم تاهت عينى فى دنيا ايناسها زائفيين



حتى اصبحوا تافهيين



دعهم يا قلبى يرحلون



كما رحل الأخرون






دعهم وشأنهم



فما بقى من حياتى



يستحقه ناس أخرون



ناس يعرفون قيمة الحب



وقيمة العشق وقيمة الجنون






دعهم يرحلون وتماسك



انى أعرف انهم لا يستطيعون مداواه جراحك



فقد اصابوا اضعف جزء منك



ثم تركوك تنزف وحيدا






دعهم وشأنهم



فما زال قلبك يتألم



لفراقهم



فدعهم وتأكد ان رحيلهم



سيكون بداية لك



وبداية لقلبك



وبداية لعهد جديد






Tuesday, October 21, 2008

لكل حب كبرياء


أطرب اليا وتجلى

فأنا مازلت أتمنى

أن أصبح عشيقة قلبك

أن يصبح لهوايا شروعا

أن تصبح أنت يا حبيبى

كل ما لديا بالكون

فعشقى شىء لا يتكرر

وحبى شىء لا يفسر


لازالت ايامى بدونك

كشجرة تتطير بها الرياح

لازلت ايامى حبيبى

تدور وتهوى بالكاس


فحبى لك حبا ابدى

حب يتخلل فى دمى

حب يأخدنى من حالى

ويشعرنى بحالة توهان


حبيبى حبيبى

أسمعنى

لازالت عينى تدمعنى

لازال قلبى يقطعنى

ومشاعرى لك بلا سواحل


وموقفى فى الحب

لا تقبله القبائل

وعلى الرغم من حبى لك
وعلى الرغم من عشقى لقلبك
فأنا لا أنظر يوما للوراء

فقد علمنى قلبى يا حبيبى
ان لكل حب كبرياء

Thursday, October 9, 2008

رسالة الى شعب مصر


المرسل


أسرة أصابها الشلل بجريمة ضابط شرطة


*************************


الى كل أب وأخ ... الى كل رجل وامرأة


الى كل مصر ... الى أصحاب الضمائر الحية




أكتب اليكم رسالتى هذه بلسان الحال بعدما أصابنا الشلل الكامل


حين أصيب عائل أسرتنا بشلل رباعى بفعل ضابط


اسمه "السيد محمد السيد " نائب مأمور قسم مينا البصل




(فى اليوم الأول فى الدراسة ذهبنا أنا وزوجى وابنتى مريم (أربع سنوات - أولى حضانة


الى مدرسة الجزيرة التى حصلت ادارتها على حكم قضائى باعادة فتحها بعد أن أغلقها محافظ الأسكندرية


فوجئنا بجحافل الأمن المركزى وقفت حائلة بين دخول الأطفال الى مدرستهم


وحاولوا ابعادنا بالسب والشتائم وبالضرب الذى لم يسلم منه رجل ولا طفل ولا امرأة




أخذوا ابنتى مريم من والدها " حماده عبد اللطيف " ورموا مريم


على الرصيف وانهال الضابط " السيد محمد السيد " على زوجى ضربا شديدا


على رقبته بالبيادة ومعه أربعة من العساكر وحمادة يقول لهم :" حرام عليكم أنا


حاسس ان ظهرى اتكسر "والضابط يقول لعساكره :" موتوا ابن الكلب ده " .. يصرخ الأطفال .. تبكى مريم .. تصرخ


النساء .. ويشتد ضربهم لزوجى حتى سقط مغشيا عليه .. اختفى زوجى .. حاولنا السؤال .. حتى علمنا


أنهم حملوه الى المستشفى وعلمنا أن زوجى أصيب بقطع فى النخاع الشوكى


وأصيب بشلل رباعى شلت به حياتنا




أكتب اليكم أخاطب ضمائركم .. رجولتكم .. نخوتكم .. أن تعاونوا مريم وأخواتها


فى الوقوف ضد الظالم الذى ضرب زوجى حتى أصابه بالشلل


لا أظنكم ترضون الظلم .. فالظلم ظلمات يوم القيامة .. ولأن الساكت عن الحق


شيطان أخرس .. ولا أتوقع منكم السكوت .. بل أتوقع الدفاع عن الحق




************************************************


هذه الرسالة كما كتبها السيدة /نصرة عبد الودود على . زوجة الضحية " حمادة عبد اللطيف " والتى


: أرسلتها الى وسائل الاعلام المختلفة ونحن نطالبكم


الدعاء لهذه الأسرة ولعائلها بالشفاء والدعاء على الجانى الجرم -


التضامن مع الأسرة ورفع القضايا حتى ينال الجانى جزاءه -


نشر هذه الرسالة بكل الوسائل المتاحة -

ونحن بدورنا نتعهد باتخاذ كافة الاجراءات والوسائل القانونية والبرلمانية و الحقوقية و الشعبية*


..حتى لا يفلت الجانى المجرم من العقاب والمحاكمة


وللتضامن مع أسرة " حمادة عبد اللطيف " يرجى زيارة المواقع أدناه


Amalommah.net

Sarkhet-watan.blogspot.com


*****************

هذه الرسالة توزع فى شوارع اسكندرية لعل تسترد هذه العائلة حقها

أرجو المشاركة فى حل هذه المأساة

ومعاونة هذه السيدة
الفراشة الصغيرة رودى

Friday, October 3, 2008

ربنا على المفترى



طبعا هتقولولى يا ساتر يا رب مين المفترى هقولكم





أولا : المفترية الكبيرة "الكابو" شيماء مهدى صاحبة مدونة حنين و أحمد





الناس كلهم بيبعتوا تاج واحد لكن شيماء كرامها زايد حبتين





بتبعت تاجين ربنا على المفترى





لاومش كفاية هى





تظهرلك كمان المفترية التانية أمنية صاحبة مدونة ماء تشرين بتاج علية





استنوا علشان تعرفوا قد ايه انا غلبانة لقيت المفترية الثالثة رحاب صاحبة مدونة فى حب الله بعتالى تاج





بس انا قررت مردش على اخر تاج عارفين ليه





لسبب بسيط جدا انه مكرر وهو نفس التاج اللى بعتاه امنية





عموما ربنا على المفتري





والله لربيكم وهتشوفوا الوش التانى يا مفتريين





عموما علشان تعرفوا انى طيبة مش هزعلكم وهرد على التاج





وابعته لعشرة اقرفهم فى حياتهم





بس يارب ميدعوش عليا





يلا استعنا على الشئة بالله





-----------------





التاج الأول


*******


بدأت تدون من امتى ؟ودخلت العالم ده ازاى ؟


يوليو 2007 , ودخلت العالم ده بالصدفة وافتكر انى حكيت ازاى دخلت العالم ده قبل كده للى متابع مدونتى




اية كان انطباعك فى البداية ؟


صراحه كنت ببقى فرحانه قوى لما الاقى مدون جديد دخل عندى وكتب تعليق يعزز فيه كتابتى او وجه نظرى


وكنت فرح اكتر لما الاقى حد حب مدونتى وبقى زائر ليها باستمرار







مين اكتر واحد بتهتم بتعليقة على بوستك الجديد ؟


ياااه ناس كتير قوى خايفه اقول حد وانسى حد


انا بحب اى تعليق يكون بناء مش هادم حتى لو كان من شخص مجهول




مين اتعرفت علية من خلال المدونة ونفسك تتعرف علية فى الحقيقة ؟



رحاب صاحبة مدونة فى حب الله


دكتور عمرو صاحب مدونة كلام من القلب


الستة بتوع صيدلة


حامد صاحب مدونة حدوتة




اية اكتر حاجة اتعلمتها من عالم التدوين ؟


ان الصمت اجابة بارعة لا يتقنها الكثيرون




اية اكتر حاجة كرهتها ؟


ان فى ناس كتير بتكتب كلام حلو حتى لو مش مؤمنه به لمجرد انها تعجب الناس


أو انا تفرقع فكرة علشان مدونتها تبقى حديث المدونات حتى لو كانت بتنشر افكار غلط


واللى يغيظك اكتر لما يجى تعليقات على التدوينة دى تقوله انه صح وبيفكر صح


زى مدونة لقيت فيها المدون بيعلن انه علمانى وانه عايز الناس تتناقش معاه بالعقل والمنطق مش بالحديث والقرأن


وكان مضايق قوى لما حد يكتبله ايه قرانيه


المشكلة الاكبر بقى ان فى ناس كانت متفقة معاه ومش عارفة استفادوا ايه


عموما ربنا يهديهم




ممكن تدى مثال عن اللى انت بتحلم تلاقية ؟


ان الدنيا تفضل لسة بخير




حاسس أن التدوين له تأثير ؟


اكيد اختلفت 180 درجة بعد ما دخلت عالم المدونات




طيب كلمة أخيرة ؟


كل سنة وانتم طيبين


ومحدش يبعتلى تاجات تانى




أوجه التاج ل ؟


خلى اجابة السؤال ده فى الاخر علشان الدعوة تبقى واحده


هييييييييييييييييه خلصنا من الاول




--------------------------------------


التاج الثانى


*******


أذكر 5 أحلام على الاقل تخص ماضيك وتحلم فيها بالتغيير أشياء ماذا ستعدل وماذا ستترك ؟


هو كان اكتر حلم عندى وانا فى الثانوى انى ادخل كليه تربية واكون مدرسة واشتغل وانفع العيال


لكن دلوقتى انا موافقة على النص الاولانى منه لكن الشغل يكون فى مكان تانى غير اللى انا فيه




أذكر 5 أحلام على الأقل تخص مستقبلك ؟


1- ان اكون مدرسة ناجحة متميزة فى شغلى


2- ان اكون ام وزوجة صالحة


3- انى اعمل كل ما يرضى الله سبحانة وتعالى


4- انى افتح حضانة واكون مسئوله عنها واعمل كل الافكار الجديدة اللى فى دماغى


5- انى اعمل حج او عمره




أذكر شخصين على الاقل متواجدين فى حياتك حاليا كنت تود وجودهم قبل الان بزمن ؟


أمنية ومحمد




أذكر شخصين على الاقل غير متواجدين فى حياتك حاليا كنت تود وجودهم الان او فى حياة أولادك مستقبلا ؟


ابى رحمه الله اكتر انسان كان نفسى يكون معايا دلوقتى




لمن تهدى هذا التاج ؟


ما قولنا خلى اجابة السؤال ده فى الاخر




وادى التانى خلصنا منه نخش على التالت


---------------------------


التاج الثالث


*******


س1- الحالة الجسمانية بمعنى هل سيادتك تتمتع صحة جيدة ولا الأخ صاحب مرض ؟


الحمد لله الصحة فل وعال العال




س2 - الحالة العقلية بمعنى هل تشعر ان عقلك يعمل ولا حضرتك مفسى دماغك ؟


هو حتى الأن يعمل والحمد لله ممكن بكرة يفسى المهم معاك بقى منفاخ ننفخه




س3 - الحالة الاجتماعية بمعنى هل علاقتك بمن حولك جيدة ولا عامل مشاكل مع طوب الأرض ؟


بص بقى انا من ناحية المشاكل مش بحبها بس اختلاطى بالناس ده يقف على الحالة المزاجية يعنى انا بحب الهزار والضحك الكتير بس لما يكون مزاجى ومودى وحش تلاقينى ببعد عن الناس بطريقة غريبة حتى مش بحاول احتك بحد ولا اتكلم مع حد علشان ميبقاش دمى تقيل




س4 - الحالة العاطفية مش محتاجة تفسير ومش عايز استعباط ؟


بحب طبعا هو فى أحلى ولا أجمل ولا ألطف من الحب


طبعا بحب ماما وبحب اخواتى وبحب اصحابى فى حد يكره الناس الحوه دى




س5 - الحالة الروحية بمعنى هل علاقتك بربنا كويسة ولا الكلام على أبو لهب ؟


الحمد لله انا راضية عن علاقتى مع ربنا وخصوصا بعد رمضان ده


لانه كان نقطة تحول فى حياتى بس ربنا يتقبل منى ان شاء الله




الخمس اسئلة اللى جاية دى اسئلة متنوعة من اختيار العبد لله واللى هو فى نفس الوقت منه لله


الأول : اكتر عيب فيك ونفسك تتخلص منه ؟.


انى لما اخد قرار امشى فيه للاخر حتى لو قابلتى اى عقبة متوقفنيش وافضل عند قرارى ومرجعش فيه




الثانى : اية الحاجات اللى عملتها وندمت انك عملتها قوى ؟


مبحبش كلمة ندم دى خالص لانها بتخلينا تقول لو مكنتش عملت كذه كان حصل كذه و"لو" دى من عمل الشيطان


فدايما لما بعمل حاجة حتى لو كانت غلط مش بندم وبقول اكيد ربنا له حكمه فى ده وحتى لو انا غلطت فاكيد استفدت من غلطى




الثالث : اية الحاجة اللى لسة معملتهاش وهتموت وتعملها ؟


انى اعمل حج او عمرة وازور المسجد النبوى


نفسى قوى من ايام الكليه انى اطلع ربنا يكتبهالى عنده ان شاء الله




الرابع : اكتر دعاء بتقولة وبتردده دائما ؟


اللهم انك عفوا كريم تحب العفو فاعفوا عنى


يارب يا مقلب القلوب ثبت قلبى على دينك




خامسا : لو عرفت انك هتموت دلوقتى وقالولك اخر حاجة نفسك فيها اية ؟


انى ادخل الجنة




اهدى التاج الى ؟


طبعا انا قولت فى الاول حهديه لعشرة اول تلاتة هيجاوبوا على نصه الاولانى لانهم جاوبه على التاج الاخير وهم


ماء تشرين


حدوتة


فى حب الله


اما باقى العشرة هيجاوبوا اجبارى


كلام من القلب


سفاح كرموز


الستة بتوع صيدلة


ضى القمر


طهقانة


عاقلة على ارض الجنون


سنو وايت


شوفتوا بقى العدية بتاعتكم حلوة ازاى


كل سنة وانتم طيبين

Sunday, August 24, 2008

يا سجارة يا سجارة ايه فيدتك



يا سجارة انتى ايه فيدتك


ومين وليه احنا بنشربك


قال ايه عشان نفسين هوا


ولا عشان نكون سوا


دى السجارة دى بتظبط الدماغ


دماغ ايه هو انت اصلا بقى فيك دماغ


يا بنى انت وهو دى فرصتك


تخلص من كل الهم ده


رمضان اهوه قرب على الأبواب


وممكن تبطل السجارة والهباب


مش هقول علشان فلوسك


بتروح فى الهوا


ولا هقولك اى كلام


بس هقولك انها سموم


وبتدمر بيها صحتك


وهتعمل ايه يوم الحساب


لما تكون بين ايد ربنا


هتقوله معلشى اصل مكنتش قادر


أبطل هبوا السجارة


خلى عندك اراده بقى


وحاول بس حاول


انك تبطل السجارة


وان شاء الله ربنا هيقدرك


وتخلص من قرف السيجارة


شوف حتى ربنا قال ايه




عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هروله )
.رواه البخاري و مسلم

بقولكم ايه
رمــضـــان كـــــريـــم

Monday, August 11, 2008

ما هذا....؟


ما هذا يا حبيبى

أتحب احداّ سواى


فقلبى ينزف من حبك

أنا لا اعرف ما الذى دهاك


أتراقص امرأة غيرى

وأنا الذى أحلم بلقاك


وتجعلها حبيبة قلبك

وأنا الذى كنت فى الخيال


أتحتضن حبيبة غيرى

وتأخذها لشواطىء الرمال


أتجعلنى امرأة فى لحظة

وتكسرنى باعصارك الجبار


فأنا بائسة يا حبيبى

لقد تحطمت كل الأمال


وكانت اشرعتى مفتوحة

فأصبحت الأن اطلال


وكانت أمانيا مرسومة

فراحت كلها الى المحال


لقد كنا قلب واحد

والان أصبحنا

بقايا حب
ضاع فى الخيال

Monday, August 4, 2008

علمنى حبه


نعم تعلمت منه

كيف يكون الحب ؟

وكيف نشعر بدقاته ؟

كيف نحنوا اليه ؟

وكيف تكون همساته ؟

كيف تتلاقى ارواحنا ؟

وكيف نعيش حياتنا ؟

كيف يتوه العقل فى مسارات ؟

ليبدأ القلب فى غلى الجمارات

لحبيب هو جزء منى

يعشقه القلب ويغنى

كيف يتوه الكلام فى السطور ؟

وكيف تكون لهفات الحب فى العيون ؟

كيف نعزف على اوتار قلوبنا ؟

لتخرج لنا أجمل السمفوينات

فقد علمنى حبه

كيف تتلاقى العيون ؟

لترسم أجمل الصور

كيف تتلاقى الشفاه ؟

لتتذوق طعم القبلات

وكيف تثور الحياه ؟

لأنها تريده هو

Saturday, August 2, 2008

?هل انت صديق حقيقى



:أجب على الاسئلة التالية

***************

لتكتشف هل أنت صديق حقيقي؟



1- ( أترفض أن تلعب معه لعبة لم تخترها بنفسك؟ (نعم) (لا

2- (عندما لا يكون لديه رغبة فى الكلام اتعرف كيف تصمت؟ (نعم) (لا



3- (أتحافظ دائماَ على مواعيدك معه؟ (نعم) (لا



4- (عندما تشاركة فى شيئ ، أتعطيه الجزء الأكبر أو الأفضل؟ (نعم) (لا



5- (عندما تود تقديم هدية إليه ، أتعرف ماهى الاشياء التى يحبها؟ (نعم) (لا



6- (أتجد لذة في رواية الأسرار التي يأتمنك عليها؟ (نعم) (لا



7- (تزعل لو غلبك فى لعبه ما ؟ (نعم) (لا


8- (لو كنت اشطر منه في ممارسة لعبة ما ، هتسيبه يتغلب عليك أحياناَ؟ (نعم) (لا


9- (هل تقول له فيما بعد إنك تعمدت التساهل معه ليتغلب عليك؟ (نعم) (لا



10- (هل تعطيه بصفاء نيه الأشياء التي تحبها وتحرص عليها كثيراَ؟ (نعم) (لا


11- (هل تغضب أحياناَ عندما يحاول أن يضايقك؟ (نعم) (لا


12- (هل تجد لذة في تقديم هدية إليه ، تفوق لذة الحصول على هدية منه؟ (نعم) (لا



13- (هل تدافع عنه حتى لو كان على خطأ؟ (نعم) (لا



14- (هل تصارحه فيما بعد بأنه كان على خطأ؟ (نعم) (لا

*****************************************

النتيجة

------

احسب نقطة واحدة لكل جواب "نعم"عن الأسئلة : 2 و 3 و 4 و 8 و10 و12 و13 و14



واحسب نقطة واحده لكل جواب "لا" عن الأسئلة : 1 و 6 و 7 و 9 و 11


. واجمع النقاط التي سجلتها ، ثم اختار الشريحة وانا هقولك هل انت صديق حقيقى ام لا



الشريحة الاولى : إذا جمعت أكثر من 10 نقاط


الشريحة التانية : إذا جمعت بين 5 نقاط و10

الشريحة الثالثة : إذا جمعت أقل من 5 نقاط

اهوه فى احلى من كده بلا ثانوية عامة بلا كلام فارغ

يقعدوا طول السنة يذكروا علشان 410 درجة

انا اهوه مخليا الشرايح اخرها عشر نقط

اى خدمــــــــــــــــــــة

هذه اللعبه وجدتها وعجبتنى قوى**

هنجاوب بامانه ومن غير خم ماشى

انا عارفه شغل النصب ده

ويا رب تطلعوا كلكم اصدقاء حقيقين

وتقفوا مع بعض دايما فى وقت الشده

Saturday, July 26, 2008

قلة أدب ..!!؟


قرأتُ في القُرآنْ :

" تَبَّتْ يدا أبي لَهَبْ "

فأعلنتْ وسائلُ الإذعانْ
:

" إنَّ السكوتَ من ذَهَبْ "

أحببتُ فَقْري .. لم أَزَلْ أتلو :

" وَتَبْ

ما أغنى عَنْهُ مالُهُ و ما كَسَبْ "

فصُودِرَتْ حَنْجَرتي

بِجُرْمِ قِلَّةِ الأدبْ

وصُودِرَ القُرآنْ

لأنّه .. حَرَّضَني على الشَّغَبْ




احـــمــد مــطـــــر

Friday, July 18, 2008

happy candles


اولا: اعتذر لكل قرائى الأعزاء عن التأخير

بس معلش سماح اصل النت كان فاصل بقاله اسبوعين وجه يوم واحد وفصل تانى


ثانيا : انهارده فى مناسبه سعيده جدا

الا وهى عيد ميلاد مدونتى العزيزة


والحمد لله ان الشركة ظبتتنى وجابت النت

احب اقول لمدونتى

كل سنه وانتى متألقة



كل سنة وانتى متجدده



ثالثا : عايزه بقى اقولكم انا ازاى دخلت عالم التدوين


"عارفين المقوله بتاعت فرويد اللى بتقول "الانسان مكبر مسير


اهوه هو ده اللى حصلى بالظبط


انا كنت اول مرة اسمع عن عالم المدونات كان من هشام



صاحب مدونة الثائر دائما



وايامها كان هو برضه لسه فاتح مدونته جديد



وكنت دايما ادخل عنده واتابع المدونات من خلال مدونته



فكنت لما بكتب تعليقى كنت لازم اكتب اسمى فى الاخر


فكان الموضوع ده حازز فى نفسى قوى



الناس كلها اسمها مكتوب فوق بالازرق


وانا الوحيده اللى اسمى بيتحط تحت


لالالالالا والف لا



انا لازم اسمى يكون فوق زيهم


وقعدت رودى عبقرينوا تفكر طب اعمل الحركة دى ازاى



ااااااااااااااااااه


يبقى لازم اسجل نفسى فى بلوجر


وفعلا عملت من فوق فى المدونه تسجيل


وكل ده انا فاكرة انى بسجل اسمى فقط



وفجاه لا بيه ولا عليا


الاقى نفسى عملت مدونة


يا دى النيله



مدونه ايه يا رودى اللى عملتيها دى


طب وانتى هتكتبى ايه ان شاء الله


شكلى كده اتدبست


وقعدت افكر طب هتكتبى ايه


ومفيش حاجة جايه فى دماغى


لا لا منا لازم اكتب


ماهو مينفعش رودى بعبقريتها متعرفش تكتب حاجة


لحد ما ربنا هادانى الحمد لله فى النهايه وكتبت اول موضوع ليا



"الشعور بالامان"

وبدات انتظر رد الفعل

وفرحت قوى لما لقيت التعليقات على اول بوست

كانت كتير

بدات احس باحساس الفلاح اللى زرع زرعه ومتستنى الحصاد

ومن ساعتها وانا بكتب فى المدونه

وبفرح بأى كومنت يجيلى

حتى ولو كان بيقولى حاجة مش عجباه فى البوست اللى انا كتباه

بفرح لما الاقى اصحابى المدونين متبعنى

بفرح لما الاقى حد جديد دخل وبيعززنى

بفرح لما الاقى الكومنتات كتييييييييييير

بقولكم ايه
بمناسبة الكومنتات

انا عايزه بقى كومنتات ايه

كتيييييييييييييييييير قوى

بس مش علشان انا اللى افرح المرة دى

علشان مدونتى العزيزة هى اللى تفرح

Saturday, June 28, 2008

هييييييييييييه واجب


هذا الواجب من الجميله رحاب

بس ايه واجب على حق

منا طول عمرى بدى واجب للعيال وبعاقبهم لو معملهوش

معلش بقى يا رحاب

انا اتأخرت فى عمايل الواجب

اوعى تضربنى اقول

وقفنى طول الحصة وبلاش تضربنى
علشان ايدى هتوجعنى


السؤال الاول : أذكر اسم من طلب منك حل هذا الواجب؟

طلبته منى رحوب صاحبه مدونة فى حب الله

ويااااااارب اعرف اعمله



السؤال التانى : أذكر القوانين المتعلقة بهذا الواجب؟

هو قانون واحد مشهور عند كل الناس

if you want happy

ارمى الكتاب وصلى على النبى


السؤال الثالث : تحدث عن ستة أسرار قد لا يكتشفها من يقابلك للمرة الأولى؟

1) ممكن اى حد يتخم فيا ويفتكرنى هادية بس مجرد ما اتعود عليه يعرف الحقيقة المرة

2) بيبان عليا انى جريئة ومش بيهمنى حاجة بس أنا من جوايا ببقى خايفة جدا جدا

وبحاول اتماسك علشان ميبنش أى نقطة ضعف ليا

3) ناس كتير بتفتكر أن دماغى طئه وانى مبعرفش اتكلم جد

بس لا

أنا اه بحب الهزار بس برضه وقت الجد جد ولما حد يتكلم معايا فى موضوع بيلاقى واحده تانية

غير رودى المرووشة

4) صدقاتى المتعددة تعطى انطباع انى حبيت كتير قوووووووى

بس انا فى الحقيقة محبتش فى حياتى كلها الا مرة واحده

وكانت احلى سنه قضيتها فى حياتى كلها
5) انا ممكن انصح الناس كلها لكن معرفش انصح نفسى
ومتردده فى أى حاجة تخصنى لأنى بخاف قوى من الفشل
6)لما بحط حاجة فى دماغى بعملها أيا كانت الحاجة دى
وأيا كانت نتائجها ولما بتكون نتيجة افعالى خطأ
بقعد اقول لنفسى احسن علشان مأخدتيش بالك من كذه وكذه وكذه
لكن لو نتيجة افعالى حاجة كويسة يااااااااااااه على الفرح والظئططه اللى ببقى فيها



السؤال الرابع والاخير : حول هذا السؤال الى ستة مدونين

وأذكر اسماءهم مع روابط مدوناتهم فى موضوعك؟

اممممممممممممممممممممم

استنوا كدة لما افكر

بصوا احسن حاجة

اول سته مدونين يعلقوا عندى ليهم الواجب ده هديه

سوفنير يعنى

والنبى قبل الهدية

Saturday, June 14, 2008

الحب أو الزواج


الحب أو الزواج

صعب قوى أنك تشيل الألف من حرف ( أو) ونخليها

الحب و الزواج

تحس انها معادله صعب جدا انك تحققها

وكتير قوى من بنات اليوم بيقولولى

(يا بنتى الحب حاجة والجواز حاجة تانية)

بس حتى هذه اللحظه لم اقتنع بتلك المقولة

ولم اقتنع بأن الحب كلام افلام


صحيح أن شباب هذا اليوم مرووش حبتين
ومش بيتحمل مسئولية

وبيفضل يحب ويهيم على وجه فى الحب كتير

الا انه عندما يصل به الحب الى الزواج

تبدأ اجراس ناقوس الخطر فى الدق

وتجده يفكر مليون ألف مرة

قبل اتخاذ هذا القرار

بل وتجده يظهر كل عيوب الحبيب امامه

بدون اى مميزات أو أولويات

حتى يصل به المطاف الى نهاية هذه القصة الجميلة

بنهايه مؤلمة لعينة


ومع كل ذلك لسه عندى أمل

ولسه مؤمنة بأن الزواج بدون حب خطأ كبير

وأن الزواج هو الترجمة النثرية لقصيدة حب جميلة