Wednesday, January 28, 2009

المرء يجمع والزمان يفرق


المرء يجمع و الزمـان يفـرق ويظل يرقع و الخطوب تمـزق


ولأن يعادي عاقـلا خيـر لـه من أن يكون له صديـق أحمـق


فارغب بنفسك أن تصادق أحمقا إن الصديق علي الصديق مصدق


وزن الكـلام إذا نطقـت فإنمـا يبدي عيوب ذوي العقول المنطق


ومن الرجال إذا استوت أحلامهم من يستشار إذا استشيرفيطـرق


حتـى يجـول بكـل واد قلبـه فيري ويعرف ما يقـول فينطـق


وإن امرؤ لسعتـه أفعـي مـرة تركته – حين يجر حبل – يفرق


ما الناس إلا عامـلان ، فعامـل قد مات من عطش.وأخر يغرق


والناس في طلب المعاش وإنمـا بالجد يرزق منهم مـن يـرزق


لكنـه فضـل المليـك عليـهـم هـذا عليـه موسـع ومضيـق


لو سار ألف مدجج فـي حاجـة لـم يقضهـا إلا الـذي يترفـق


إن الترفـق للمقـيـم مـوافـق وإذا يسافـر فالترفـق أرفــق



صالح بن عبد القدوس

Thursday, January 22, 2009

عيد ميلاد رودى




مر من عمرى عام واليوم قد اتممت السنه الرابعه والعشرون من عمرى




ولكن قبل أن ابدأ سنه جديدة فى حياتى




أود أن أوجه بعض الكلمات لبعض الناس الهامة فى حياتى




لم يكن شكر لهم أكثر من انه حبا لهم




أمى : أحلى واعظم واجمل أم فى الدنيا معتقدش انى فى ام فى حنيه وطيبة امى عليا انا واخواتى




بحبك بحبك بحبك قوووووى يا أمى ربنا يديكى الصحة والعافيه يا رب




أخواتى (مصطفى ومحمد ) أحلى اخيين وأحن قلبين عليا بالرغم من رزالتهم لما يعملوا دويتوا ويتفقوا هما الاتنين عليا




ويقعدوا يناكفوا فيا لكن أعمل ايه بقى اخواتى ولازم احبهم معلشى هعصر لمونتين على قلبى وأحبهم بس يبطلوا غلاسه عليا




أمنية : حبيبت قلبى بجد ربنا يخليكى ليا على الرغم من اننا مختلفين دايما فى وجهات النظر الا انى شايفه اننا بنكمل بعض




يعنى المدرسة متبقاش مدرسة من غيرنا ومن غير المناكفه بتاعتنا للمدرسين ومزاول مستر ناصر ونورا ولا الواد احمد سالم




ولا فاكرة الواد محمد لما كنا بنشتغله كتير السنه اللى فاتت وبعد كده نقوله دى كدبه ابريل هههههه يا عينى زمانه بيدعى علينا دلوقتى




بجد يا منمن انتى احلى انسانه عرفتها ربنا ميحرمنيش منك وبوسه منى ليكى هديه




شوفتى بقى يعنى عيد ميلادى وانا اللى اديكى الهديه يلا طول عمرك طيبه يا رودى وقلبك كبير




وسام : صديقه عمرى عشرة 11سنة معلشى يا بوسى عارفة انى قصرت فى حقك ومتصلتش بيكى يوم عيد ميلادك




بس انا والله كنت محنة وكنت تعبانة خالص احلى حاجة بقى لما متصلتش بيها يوم عيد ميلادها قعدت يومين كده وراحت متصله بيا قال يعنى


علشان تهزقنى وتبهدلنى على عدم الاتصال بيها لقتنى تعبانه وبحكيلها على التعب اللى كنت فيه وجلسات العلاج الطبيعى لقيتها راحت معيطه




وانا قاعده اهدى فيها يعنى بدل ما هى اللى تواسينى بقيت انا اللى بسكيتها هههههههه هم يبكى وهم يضحك




بس الحمد لله على كل شىء وبجد يا بوسى انتى صديقة متتعوضش معايا على الحلوه والمره ربنا يخليكى ليا يا قمر




شيماء : أختى وجارتى وصحبتى وانتيمتى وكل حاجة يمكن كنا مع بعض فى اعدادى وفى ثانوى فى مدرسة واحده وطول عمرنا جيران




لكن متصحبناش الافى الكلية بالرغم من اختلاف الاقسام لدرجة ان الجيران بقوا مستغربين طول عمرنا جيران وعمرنا ماكنا صحاب




اشمعنى اتصحبنا دلوقتى الله اعلم بس اقول على حاجة يا شوشو انتى احلى واجمل صاحبه




ايناس : الطف وأظرف صديقة قبلتها فى حياتى مش ممكن استحالة اقعد معاها وابطل ضحك فيها كاريزما جميله كده فى وشها يخليك تشعر




بانك مبسوط ربنا يكرمك يا بت يا نوسه بعريس حليوه كده بدل المنيل على عينه سيد خطيب الاولانى والنبى حد يجوز واحد اسمه سيد




طب كنتى هتدلعيه ازاى ده وصراحه دودى اللى كنتى بتقوليهاله دى مكنتشى لاقيه عليه يلا اهوه راح لحاله




المهم بقى




والان




سوف ازف اليكم نبأ




سعيد




انا




هكمل




24






سنه




ااااااااااااااااااااااااااااااااااه






بالله عليكم محدش منكم عنده عريس




بجد شكلى بقى وحش قووووى




هههههههههههههههههههههه






كل سنه وانتم طيين




مش هوصيكم على الهدايا






مش هقبل اقل من سولتير والماظ




دباديب بقى وكلام فارغ انا مش عايزة


Monday, January 12, 2009

بر الأمان

كنت احتاج الى وقت كافى للتفكير
فى كل ما يدور حولى
وأن اصبر على محنتى

وأن أبحث فى أوراقى القديمة
لأعيد حساباتى مرة اخرى


و أنظر بمرأتى بتمعن
لكى تظهر لى الحقائق كلها أمامى





وحينما ظهرت ليا الحقائق
أحسست بأنى قد تحليت
بكل ماهو جميل
وأن نفسى قد عادت لى مرة أخرى




فأخدت أضمها بقوة
حتى لا تفلت من يدى
حينها شعرت بدفىء حبى لها
وأن ليس لى نفس غيرها




أدركت حينها أنى قد تصالحت معاها
ووصلت بها الى بر الأمان
الحمد لله



Friday, January 2, 2009

اياك والمكر يا انسان



ما أبشع ان يمكر الانسان ويتعامل مع الناس بالمكر , المكر مع الزوجة , المكر مع الأصحاب, المكر مع الزملاء بالعمل



اعتقادا أن ذلك سوف يوصله الى ما يريد وربما يرى مكره يخيل على الخلق
فيتعامل كذلك مع الخالق


وهذا سيؤدى بك أيها الانسان الى الهلاك والعذاب والنار




(ويقول الله تعالى : (وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ)(الأنفال: من الآية30


ويقول الرسول


"عليه أفضل الصلوات وأزكى التسليم: " المكر والخديعة والخيانة في النار


(رواه الحاكم وصححه الألباني)


------------------------------------------------------------

ومن أكثر صورالمكر



************

شاب يواعد فتاه ويستدرجها بكلامه الجميل

(والله بحبك ومقدرش استغنى عنك انتى عارفه انك فى قلبى ...الخ الخ)




وطبعا الشباب بيعرف يلحن حلو قوى طبعا مش كله بس كتير بقى كده



المهم ويقعد يحلفلها بأيمانات المسلمين انه لا يريد الا الزواج منها والبت زى الهبلة تصدقه



كل ده ليه علشان يعلقها به وتصدقه وممكن فى بعض الاحيان لو وصل الى مراده


نبذها ورماها مثل غيرها اما يخاف هذا أن يمكر به الله


-------------------------------------------------


شخص يتحايل على أكل الربا، وأخذ الرشا، وأكل أموال الناس بالباطل


وهو يعلم أنه حرام ثم ترى المسبحة لا تفارق يده أو درج مكتبه



وربما يتصدق بنذر من هذا الحرام يظن أنه يرضي به ربه... بمن تمكر؟

--------------------------------------------------

وستجد من يشكو قسوة قلبه.. ثم يذهب ليشاهد المواقع الخليعة ويشتري الاسطوانات البائسة..


ثم يزعم أنه يريد أن يلين قلبه من قسوته، سبحان الله!! من تخادع؟



بالله عليك ألا تعلم أن الله عالم بسرك ونجواك، ويراقب خلجات قلبك وأسرار نفسك؟



وأعظم من ذلك أن تُوغِل في المعاصي ثم تتقرب الى الله ببعض الطاعات تظن أن هذا مقابل ذاك



، وأن الحسنات يذهبن السيئات؛ فتحتال ببعض العلم على التجرؤ على المعصية وأنت تعلم أنك مخادع .


فمن أقبح الذنوب يا انسان التي قد أعد الله لها الجزاء العظيم، الإصرار على الذنب



ثم يصانع صاحبه باستغفار، وصلاة، وتعبد،



وأعظم الخلق اغتراراً، من أتى ما يكرهه الله، وطلب منه ما يحبه هو



لكن بمن تمكر، ومن تخادع؟ أما تخاف عقوبة المعاصي، وثارات الذنوب،

وعواقب القبائح؟ أم غرك إمهال الله لك؟..



فاحذر فقد يكون ذلك مكرا، فكم من مغرور بإمهال العصاة لم يمهل


.


إن بعض الناس يغتر بطول ستر الله له


، وبتأخر العقوبة على الذنب، أو بتتابع نعم الله عليه، ودوام العافية بسلامة المال والبدن،

فيظن أنه مغفول عنه أو أنه مسامح



، وما يدري أن العقوبة بالمرصاد وأنها ـ وإن تأخرت ـ لابد آتية.. ومن تأمل أفعال الباري سبحانه،



رآها على قانون العدل، وشاهد الجزاء مرصداً، ولو بعد حين.. فلا ينبغي أن يغتر مسامح، فالجزاء قد يتأخر



. ولا يخلو العاصي من عقوبة معجلة قبل المؤجلة



ولكن المذنب لا يحس لضعف البصيرة وقلة الفكر أو موات القلب،



وربما كان العقاب العاجل معنوياً كما قال بعض أحبار بني إسرائيل: يا رب كم أعصيك ولا تعاقبني ؟


فقيل له: كم أعاقبك وأنت لا تدري، أليس قد حرمتك حلاوة مناجاتي؟


واخيرا


اياكم والاغترار فان الله شديد العقاب غفور رحيم





اسال الله ان تكون رسالتى وصلت الى جميع الشباب ولا حول ولا قوة الا بالله عليه العظيم





لا اله الا انت سبحانك انى كنت من الظالمين