خبر عاجل
قرر الرئيس الفاضى قصدى الفاضل
انه يخلى مصر 28 محافظة بدل من26 محافظة
هيخلى اكتوبر محافظة وحلوان محافظة
يا حلولى يا حلولى
طبعا هتقولولى وايه يعنى ايه حصل
هتفرق 26 من 28
مبقتش تفرق سينا من سونيا
اه صح بس حاول تفكروا شويه هو ليه عمل كدة
للدرجه دى حاسس ان مصربتاعته وعمال يقسمها
ولا أكنها التركه اللى سبها بابا الباشا
طيب انا اعمل ايه بقى
حفظت العيال فى المدرسة ان مصر 26 محافظة
والعيال خلاص اتبرمجوا على كدة
ارجع اقولهم لا هما 28 اصل الريس غير الخريطة
والنبى ده راجل فاضى ومش لاقي حاجة تشغله
بالرغم ان عنده مليون مشكلة فى مصر تستدعى انه يفكر بحلها
احتمال كبير تطلع فى دماغه بكرة انه يخلى القصر بتاعه هو عاصمة مصر
ماهى هاصت بقى
اللى خلى مصر بقت 28 محافظة يخلى قصرة العاصمة بس يا ترى انهى قصر فيهم
انا عارفه انكم هتقولوا يا رودى ما انتى كنتى جميلة ورومانسية ايه اللى دخلك فى السياسية
هقولكم
حال البلد بقى ميعجبش حد
وبدل ما بيحاولوا يصلحوا فيها بيخربوها اكتر
لان اكيد المحافظين الجدد عايزيين يبينوا انهم خلوا المحافظ جنه
وخد عندك
ايشى كام مليون جنيه علشان الصرف الصحى
وكام مليون جنيه علشان الكهربه والميه
وكام مليون قال ايه تجميل للمحافظة
وكام مليـــــــــــــــــــــــــــون للرصفان
واصرفى يا حكومة
واكتبى يا جرايد عن الانجازات
عموما
انا حاسة انى عايزة اعيط
مين هيجى يعيط معايا
ايهىء ايهىء ايهىء
23 comments:
يا رودى الفكرة مش فى كدة بس
الفكرة ان فى تهريج فى البلد مش ممكن يعنى ايه تعمل محافظتين جدد وميكونش للكل منهم مديرية ولا مجالس محليه
ايه ده
فى حد يزوق تورته قبل ما يحشيها كويس
بجد هتبقى تورته فاشله جدا
وطعمها وحش كمان
حماده
بلدو وهو حر فيها
هى بتعتكو ده انتو غربين اوووووى
لا ولا تعيطي ولا تتعبي نفسك هي بتاعتنا
وبالنسبه للعيال
ربنا معاهم انا مش بكلم على المذكرة بكلم
يترى هيلاقو حاجه فى مصر بيقلهم
لما يكبرو
وسلميلي على مصر
واحده معرفه
رودى
لو عالعياط, احجزى لى مكان وزودى المناديل .. انا جاى
الموضوع بقى مالوش معنى
يعنى خلاص حل مشاكل ال80 مليون ومش باقى الا انه يعمل محافظتين جداد
لا لا
يمكن هو اكتشف انه بيتشائم من رقم 26 ففكر يخليه 28
والله مش عارفه الحال هيوصل بينا لفين
ربنا يرحمنا برحمته يا رودى
ولو على الاطفال بتوعك فى المدرسه
ربنا يسترها اهو النهارده فى مدارس يمكن يصحى بكره ويقرر يلغى المدارس اساسا
فراشتى الصغيرة
اية الاخبار مالك متدايقة كدة ليه
يا بنتى من حكم فى ماله ما ظلم
البلد بلده يخليها 28 يخليها 280 براحته
ده ممكن يغير اسمها من جمهورية مصر العربية
الى مملكة مبارك وولده مثلا
والنبى شوفيلنا حاجة تانية نتكلم فيها
لاحسن انا مررتى اتفقعت
سلالالالالالالالالالالالالالام
حماده
عندك حق فى كل كلمه قولتها والله
لا والكارثه الكبرى ان الناس هتغير بقى البطايق وشهادتها وللاسف معندناش مؤسسات كافيه لكل ذلك
اما بالنسبه للتورته بقى
فانا متنازلالك عنها
لانى مش بحب التورت الا من عند لاماركيز
واحده معرفه
على اساس انى مش هعرف يا امنيه انك امنيه ماتشرين
ماشى يا منمن انتى خايفه على نفسك من الرقابه ولا ايه
على العموم اوعى تخافى
يا بت انتى فى مدونتى
وانا قريبت الريس......... متقال يا هبله
حازم سويلم
طيب عايز مناديل من ام ريحه "فلورا"ولا مناديل معفنه الاربعه بكوات بجنيه
يعنى توفير انت عارف الدنيا غاليه ازاى
علشان اعمل حسابى بس
ضى القمر
والله احسن انه يلغى المدارس اهو يريحنا ويريح العيال برضه
يعنى هما لما يكبروا هيعملوا ايه جديد
ويبقى الحال على ما هو عليه وعلى المتضرر اللجوء الى ؟؟؟؟؟؟؟
مين مش عارفه
بس مفيش احلى من ربنا اننا نلجأله
حدوته
وانا كمان مررتى اتفقعت
والنبى متشوفلنا مررتين حلويين بس اوعى الراجل يغشك ويدهوملك مضروبين انت عارف مفيش حد مررته سليمه الايام دى
اه يافراشتي
هنعمل ايه بس
حسبنا الله ونعم الوكيل يافراشه معلش
اهدي لحسن اعيط معاكي
تفاءلي الخير جاي
سلامي
حزلووووقه
مش غريبة علينا يا رودى
ده مصر ولادة وبتحب العزوة
وزيادة الخير خيرين
بدل ميكونوا 26 عيل اصدى محافظة يكونوا28
بتقلبى عليا المواجع ليه
مش كفاية مقلب ال 30% و حركة البنزين النص كم
السلام عليكم
ألف مبرووووووووك لا والله بجد فرحتونى بقسنا 28 ايه الحلاوه دى ده احنا بقى لينا عزوه والله ،،
والله يا مصر انتى غلبانه صعبانه عليا من اللى بيتعمل فيكى
ربنا معاكى والله بحبك
حزلووقه
اتمنى ان بجد يكون فى خيرجدا
وان بجد مش قادرة اوصفلك قد ايه نفسى اصرخ فى وصت الشارع واقول
اااااااااااااه
من الظلم اللى انت فيه
وان نصر الله لقريب
شهد الحب
ايوة والله يا سمسمه
بلده وهو حر فيها
يقسمها يغسلها يكويها
ان شالله يولع فيها
كلنا تحت اوامر السياده
بريك
اه يا بريك بيدى من هنا
علشان يا خد من الناحيه التانيه
الاهى ربنا يخرب بيته
بس انتى عارفه احلى حاجة فى الموضوع ايه ان السجاير غليت
لشان الشباب بقى يتلم ويبطلوا القرف اللى بيشربوه
وربنا يهديهم
ان شاء الله
الطبيبه الانسانيه
اكيد مصر صعبانه علينا كلنا
بس هنعمل ايه
اذا كان رب البيت بالدف ضاربا فشيمه اهل البيت كلهم الرقص
لو اتصلح حال رئيسنا او جه واحد تانى كويس
اكيد هيقضى كل كل الفساد اللى تحته ويقضى على الهليبه
بس هنعمل ايه
ربنا يخلصنا منه قريب
من أقوال الرسول صلى الله عليه وسلم
الخير في امتي الى يوم القيامة
اللهم اغفر لقومي فانهم لايعلمون
================================
اللهم يامقلب القلوب ثبت قلوبنا على دينك
اللهم فرج الكرب عن جميع المسلمين
اللهم انصر اخواننا المجاهدين في كل مكان
اللهم أبدلهم من بعد خوفهم امنا
اللهم مكن لدينك في الأرض
يضحك كثيروون ...وقلوبهم دامعة!
تعرف على الله بالرخاء يعرفك بالشدة
رب اجعل هذا البلد آمنا مطمئنا سخاءا رخاءا وسائر ديار المسلمين
Post a Comment