تساؤلاتى عن الدنيا وقسوتها
ليه لما نحب نعيش بحرمان؟
و لما نعشق جزانا ننهان
وليه لما نخلص ننخان؟
ولما نوفى نلاقى نكران
وليه الخبيث يعيش فرحان؟
والطيب بالدنيا مالهوش مكان
وليه دموعنا بتنزل من عيونا
لما أحزانا توصل لقلوبنا؟
وليه احاسيسنا بالوقت تتغير؟
وحبنا بالوقت يتمرد
حتى امانينا تموت فينا
واللى ما نحلم بيه نلاقيه قدمنا
وليه الحب بتولد بكلمة؟
ولكنه لا يمكن ابدا ان يموت بكلمة
والانسان مننا ايه غير كلمة
كلمة بين أمه وأبوة جه فى الدنيا
وبكلمة برضه راح منها
وعجبـــى عليكــى يا دنيا !!!؟
17 comments:
ليه نبره الحزن اللى فى كلامك
دى يا رودى
انتى زعلانه من ايه
لو من الدنيا فكلنا زعلانين منها
حماده
فراشتى الصغيرة
ولقد خلقنا الانسان فى كبد
مش هنحس بالسعادة غير لما نتعذب فى الاول
هى دى الحياة
سلالالالالالالالالالالالالالالالالالالالالالالالام
حماده
انا مش زعلانه من الدنيا
انا زعلانه عليها
وعلى اللى بيجرى فيها
حدوته
اكيد يا حدوته كلامك صح
وان نصر الله لقريب
بس المشكله انى حاسه ان كل حاجة متلغبطه حولينا
كل يوم نقول بكرة حالنا هيتعدل ان شاء الله وهنبقى احسن
بس للاسف زى ما فى نور
فى ظلمه كتييييييييير قوى
زهقت من كلمه خلي عندك امل فى بكرة
رودتى
لاسف مفيش اجابه لسؤالات دى
شيليني شيل جبونى فيها شيلينى شيل
وبكرة همشي منها شيلينى شيل
المهم انو بن الميلاد والموت حياه
لازم نعشها بحلوها ومرهاولازم نبص لجزأالمليان من الكوبايه
حتى ولو كان صغير
تحياتى
امنيه
المشكله ان الكوبايه كلها فاضيه
يا ريت فى مليان الواحد يبص له
معنديكيش حبه بيبسى نملى بيه الكوبايه الفاضيه دى
هههههههههه
والله هم يبكى وهم يضحك
سيبك انتى من الحزن و الكآبه دى
انتى كان بلوجك لما بدخله بحس انى بكلم فراشه طايرة
اما عن تساؤلاتك
فمش كل حاجة من حقنا نسأل عنها و ان سألنا فمش كل مرة هنلاقى اجابه
تحياتى
سخسوختى
زى ما بنحب نطير فى الهوا
لازم اقف انا وانتم فى محطات
مهمه جدا فى حياتنا
لعل وعسى نفكر احنا ليه نعمل كدة
وليه بنضيع الحاجات الجميل فى حياتنا
بتصرفات هوجاء
فعلشان كدة خليت البوست ده تساؤلات
واللى فى نفسه اجابه يقولها
بس للاسف لحد دلوقتى مالقتش اجابه واحده لاى سؤال فيهم
الفراشه الصغيره انا اسفه عارفه اني بقالي كتير معلقتش على أي موضوع بس مش معاكي انتي بس حتى حدوته بطلت اعلق فيها بقالي فترة برده ومدونات تانيه خلاص بجد مبقتش قادرة ارد على أى موضوع بيتكب خلاص زهقت وصلت لمرحله اليأس من ان شئ ممكن يتصلح او يتغير بس الكلام إلى انتي كتباه اثر فيا حسيت انه عبر عن الغضب إلى جوايا عن الي مش عارفه اقوله احنا خلاص وصلنا مرحله ميئوس منها خلااااااااااااااص
يتشرف جروب السته بتوع صيدله
بدعوه حضرتكم على حفل افتتاح بلوجهم الكريم :)
رحاب
ولا يهمك بس المهم انك بخير
وبعدين اوعى تزهقى
دى مهمتنا فى الدنيا دى اننا نكون خلافاء الله فى الارض
ونحاول الاصلاح فيها حتى ولو بالكلام
لان الساكت عن الحق شيطان اخرس
على الاقل احنا مش بنزيف حاجة ولا بنقول اننا فى استقرار ورخاء
لا احنا كل اللى بيحصل فى البلد بكل صراحه ووضوح
وربنا يدينا القوة ان شاء الله
ونقدر نصلح كل شىء بادينا
السته بتوع صيدله
مبرووووووووك على النيولوك
وبجد حلو قوى
وميرسى على الكلام الحلو
اللى قولتوه عنى
وهتلاقوا ردى عندكم
السلام عليكم
تقبلى مرورى بمدونتك الجميله
كلماتك صادقه و مبدعه
خالص تحياتى
rovy
رودى
تساؤلاتك كلها مهمه
وللاسف فيها حاجات او مش خاحات تقدرى تقولى كلها بتحصل
ومش لاقيه غير اجابه واحده
لان الدنيا اللى عايشين فيها دى دنيــــــــــــا
rovy
ميرسى يا قمر
انتى الاجمل والاحلى
ويارب تشرفنى
فى مدونتى المتواضعه باستمرار
ضى القمر
اكيد هى كدة الدنيا
دنيا فانيه وتحير
لا ترضى كبير ولا صغير
وليه الياس والحزن والكئابه دى كلها
اكيد لازم يكون فى امل
تحياتى
Post a Comment