Saturday, April 19, 2008

مصر دولة اسلامية ولا ايه بالظبط





مواكبة للأحداث الجاريه التى تحدث فى مصر


ومرورا بكل ما هو جديد حولنا


فأننى أردت أن اجرى مقارنة بسيطة بين فئتين مختلفتين فى كل شىء


الأخوان المسلمون -- الفنانون والفنانات
الاخوان المسلمين
-----------
الشعبية:- الحكومة اكتر ناس تعرفهم نيفر نيفر
المعاملة:-ما أحلى الضرب على القفى
التكريم :-البوكس يشيلهم من بيوتهم فى نص الليل
وسائل الترفية :-المعتقلات والتعذيب
الشعار:-الثبات الثبات فنصر الله أت
-------------------------
الفنانون والفنانات
------------
الشعبية :-الناس كلها تعرفهم حتى العجل فى بطن امه
المعاملة :- ما أحلى البدى جارد والدفا
التكريم:-المداليات فى المهرجانات والاحتفالات
وسائل الترفية:- الفنادق والاوتيلات
الشعار :- اقلع أكتر تتشهر أكتر
------------------------

يا جماعة أنا مش بهاجم حد ولا أؤيد حد
الموضوع كله فى انى مضيقه من اوضاع فى البلد
حاسة انها متناقضة
منين احنا مسلمين وبنهاجم المسلمين اللى زينا
لا كمان الدولة بتوصفهم انهم جماعة ارهابية
فى حين انها بتكرم الفنانين اللى فى بعض الاحيان بيقدموا اشياء بتفسد البلد مش بتصلحها
اية الثقافه الغريبة دى
ان اللى لابس محترم يبقىمتطرف
وان اللى لابسه على الموضه وعريان
يبقى فلة شمعة منورة

ده حتى فى الانتخابات اللى فاتت استبعدوا كل مرشحين الاخوان المسلمين
طب ليه علشان علشان بيتبعوا سنه محمد صلى الله عليه وسلم
يقولوا عليهم متطرفين
أى دين او مله تقول كدة
و فى اضراب 6 ابريل
اسكندرية كانت مليانة ضباط وعساكر أمن مركزى
وكانوا بيوقفوا أى واحد بدقن
على اساس انه مشبوه او لابس ملابس خليعه
هى مصر مش دولة اسلامية ولا ايه بالضبط
بجد حسبنا الله ونعم الوكيل

ملحوظه هامة:- ابقى حضرولى بقى العيش والحلاوة
بس انا مش بحب الحلاوة ممكن جبنة تركى لو سمحتم

9 comments:

ماء تشرين said...

طبعا مصر مش دوله اسلاميه
ده اسم بسموجود في الدستور زاى حاجات ياما اسماء مصر دوله علمانيه حتى النخاع دى الحقيقه وده مش لانى مع الاخوان انا في حاجات متعجبنيش عندهم بس بحترم رايهم وده المفروض مهو مفيش اتنين في العالم هيتفوقو على كل حاجه الاختلاف ده سنة الحياة بس يارب يفهمو اصحبنا البعده
ايه الكلام الانا كتبتو دة
رودى شكلى هجيب جبنا ليه وليكى
تحياتى

Anonymous said...

ايه اللى دخلك فى السياسه
يا فراشة يا صغنونه

break said...

للأسف


:(

العيش بئا صعب يتجاب

و الحلاوة غليت

الفراشة الصغيرة said...

امنيه
وليه نجيبوا جبنه يا منمن
هى مصر مش ديمقراطيه وفيها حريه
طيب يبقى ليه يقبضوا علينا
احنا بنعمل حاجة غلط
حقى وحقك اننا نقول اللى جوانا من غير خوف
لان كتر الكبت يجيب انفجار

الفراشة الصغيرة said...

انيميوس
معلش بقا حكمت ربنا
ان الفراشه الصغننه الرومانسيه
وتكبر كدة مرة واحده
ويوم ما تفكر انها تفتح موضوع معاكم
تتكلم فى السياسه

الفراشة الصغيرة said...

بريك
لا يا بريك قصدك تقولى ايه
اننا عندنا ازمه فى العيش لا متقوليش كدة اومال وزارة التضامن الاجتماعى ووزارة التموين بيعملوا ايه
دول وزارتين مسئول عن العيش شوفت الهنا اللى احنا فيه
ويا ريتهم عارفيين يعملوا حاجة

حـــــدوتـــــة said...

فراشتى الصغيرة
ايه الاخبار خلصتى ملف الانجاز ولا لسة

انا مختلف معاكى فى اللى قولتيه
اولا انا ضد ظلم اى حد فى البلد اخوانى او عضو فى اى جماعة اخرى
ثانيا انا بحب اتعامل مع الاخوان على انهم جماعة سياسية ذيها ذى الوفد او الغد او اى حزب تانى
ثالثا النظام بيعمل مع الاخوان كده مش عشان هما مسلمين او عشان بيتبعوا محمد (صلى) لكن عشان هما اكتر ناس ليهم قاعدة جماهيرية
رابعا اعتبار الاخوان ملائكه وفى اديهم حل كل مشاكلنا اعتقد انه غلط بس الظلم اللى بيتعرضوله بيخلى فى تعاطف من الناس
اسف لو طولت عليكى
بس الاختلاف فى الرأى لا يفسد للود قضية
سلالالالالالالالالالالالالالالام

الفراشة الصغيرة said...

حدوته
اكيد الاختلاف
لا يفسد للود قضيه
احترم رايك كتييييير
ومقدرش اعترض عليه لان كلامك برضه صح

Anonymous said...
This comment has been removed by a blog administrator.