زمن العجب .... ربنا يهدينا

ياترى الزمن بتاعنا ده

هو ده الزمن اللى اتكلم عنه الرسول عليه الصلاه والسلام

لو فكرنا شويه هنلاقى فعلا بقت حياتنا غريبة قوى والناس اغرب

تفتكروا ايه السبب فى اللى احنا فيه ده

عارفيين ايه ؟؟

انعدام الاخلاق الحميده

يعنى بقت كل حاجة فى حياتنا عادى نغلط ونقول عادى

ربنا غفور رحيم وهيسمحنا ان شاء الله

نوقع الدنيا فى بعض ونقى خاينين وماكريين ونقول عادى

دى اسمها نصاحه

نكذب نسرق نشرب اى حاجه ونقول عادى

بكره ربنا يهدينا

طب ليه مش انهارده طب ليه مش دلوقتى أقول انا هبطل اى حاجة وحشه بعملها ليه نستنى لبكرة

ليه ناس كتير معندهاش نفس لوامه تقولها انتى احلى واجمل من كده

ربنا خلقك علشان تعبديه وتكونى خليفته فى الارض

طيب خلاص ماشى يا رودى انا هقول من انهارده هقلع مثلا عن التدخين

وانا يارودى هقول انا هبطل كذب من انهارده

وانا هبطل اتكلم على الناس

خلاص يا رودى كده كويس

لا طبعا

الاهم من القول فعل القول

يعنى انتى عايزة ايه دلوقتى

عايزاكم تاخدوا سلم اكتساب الاخلاق الحميده من الاول صح

يعنى ازاى ؟؟

1 ) نبطل الحاجة اللى انت عارف ومتاكد انها غلط

2 ) نؤمن بالله حقا ونتقرب منه بأى عمل صالح فقد قال الله تعالى

عن أنس بن مالك رضي الله عنه عن النبي صلى الله عليه وسلم

فيما يرويه عن ربه عز وجل، قال: ((إذا تقرب العبد إلي شبراً تقربت إليه ذراعا

ً

، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري

3 ) مجالسة ومصاحبة أصحاب الخلق الحسن

فان للأصحاب أثر كبيرفى سلوك الانسان لذلك

قيل : عن المرء لا تسل وسل عن قرينه فكل قرين بالمقارن يقترن

4 ) محاسبة النفس

فقد خلقت أمارة بالسوء نزاعة للشر فعاتب نفسك وحاسبها

وقدها ولا تنقدها فالنفس كالطفل ان تهمله شب على حب الرضاع

وان تفطمه ينفطم

5 ) قراءه سير السلف الصالح

فأنها من الاسباب المعينه على التخلق بالخلق الحسن

فالحديث عن العلماء ومحاسنهم وقد اتفق علماء النفس و التريية

على ان القصص والاخبار والسيرمن أقوى عوامل التربية

6 ) الدعاء

وهو من اعظم الأسباب الموصلة الى محاسن الأخلاق

وقد كان الرسول - صلى الله عليه وسلم -يسأل الله تعالى

أن يهديه الى احسن الخلق فأن الانسان يستطيع ان يكتسب مايريد من الاخلاق الحميده

فاختر منها ما تحب واستعن بالله وجاهد نفسك لتحقق ما تريد

واخيرا وليس اخرا

عايزين نكون امه صالحة مؤمنة تحب بعض وتخاف على بعض

اخوانى واخواتى

أحبكم فى الله