تسألونى الحلم أفلس بائع الأحلام
ماذا أبيع لكم!؟
وصوتى ضاع ... وأختنق الكلام
مازالت أصرخ فى الشوارع
أوهم الأموات انى لم أمت كالناس
لم أصبح وراء الصمت شيئا من حطام
مازلت كالمجنون
أحمل بعض أحلامى وأمضى فى الزحام
***
لا تسألونى الحلم
افلس بائع الأحلام
فالأرض خاوية
وكل حدائق الأحلام يأكلها البوار
ماذا أبيع لكم ....؟
وكل سنابل الحلم فى عينى دمار
ماذا أبيع لكم ....؟
وأيامى انتظار...... فى انتظار
****
فاروق جويده
19 comments:
فراشتى الصغيرة
كل بوست بتسبتى قد ايه احساسك جميل
اختيار موفق لشاعر رائع
انا زعلان منك علشان مبتزورنيش ذى زمان
بس اعمل ايه بجد مدونتك بتوحشنى
سلالالالالالالالام
ولكننا سنظل رغم الأسي نحلم انا لايضيع الحلم هباء
وانا يبقى بائع الاحلام في الطرقات
تحياتى
للاسف كل حاجه بتضيع
حتى الاحلام كمان بقت كتير علينا
ايامنا الصعبه قتلت كل حاجه جميله حتى الاحلام
كلمات سهله بمعانى صعبه
واختيار دقيق فى وقت مرير
حدوته
انتم بجد اللى وحشتونى
بس اوعى تزعل منى النت رخم قوى الايام دى حتى لما بدخل وعايزة ابعت تعليق يدينى ايرور او يهنج
من الواضح ان الشهر المجانى بشايره هلت
بس بجد وحشتووووووووونى كتير
امنيه
ومن غير الحلم مش هنقدر نعيش
بس المشكله ان احلامنا دلوقتى بدأت تتشوه
بحس فى احيان كتير ان مبقاش لها معنى
علشان كدة فلس بائع الاحلام
ضى القمر
وحشانى كتير قوى
وان شاء الله مش هأخر بوستاتى تانى
علشان الناس الحلوة دى تظهر كتير
اما بالنسبه للاحلام
فانا بقيت بخاف احلم
لاحسن الحقيقه تيجى عكسه تماما
فاحس ساعتها بالاحباط
بس مش هقدر اقول انى مش بحلم
بس احلامى دى مش لحياتى
لحياه نفسى انها تكون موجودة
ضي القمر انا بجد بحيكى لانى قرات البوست ومرضتش اعلق عليه لانى كنت ح اكتب اللى انتى كتباه ومرضتش لاتقولوا على معقد تحياتى محمد
ضي القمر انا بجد بحيكى لانى قرات البوست ومرضتش اعلق عليه لانى كنت ح اكتب اللى انتى كتباه ومرضتش لاتقولوا على معقد تحياتى محمد
مهو انت معقد ياحمادةيالولو وكلنا عارفين كده المهم ياشباب بس منبطلش نحلم طب بالله عليكو هيبقلنا ايه بعد الحلم حلم محصلش غيرو هيحصل المهم نستمر صح معاكو زمنا وحش وكل حاجه فيه بتدعونا للافلاس حتى من الاحلام لكن لازم نكون متفائلين ولا ايه قيمة حياتنا من غير حلم نسعى وراه بلا هدف
سوري انى طولت ومحدش يزعل منى
وتحياتى
محمد
انا اقدر برضه اقول عليك انك معقد يا محمد
انت سوداوى بس
بس ميمنعش من انك طيب حبه واحده
ههههههههه
طيب خلاص متزعلش حبتين يا سيدى
حد واخد منها حاجة
امنيه
ماشى يا منونه يا متفائله كلامك صح
بس للاسف الكلام حاجة
وساعة لما تتحطى فى موقف احباط من شىء معين
هيحس كل واحد فينا بضياع جزء من حلم كبير حلم انه يحققه
وتيجى حاجة تانيه تحبطه تضيع حته تانيه تحس لحد لما تحسى ان حلمك الكبير اما قدرتى تحققى جزء منه
او لم تحققى اى شىء
مش تشاؤم والله بس واقع
احساسك طبعا كالعادة
فوق الوصف
بس علفكرة
انا عندى احلام رخصية جدا
الحلم ب 25 قرش
يعنى هيبئا ارخص من رغيف العيش كمان
break
لو بطلنا نحلم نموت فلاتقنطى من رحمة الله
بجد احساس جميل وصادق معرفش ليه لما قرآت الكلام حسيت اد أيه هو صادق وكأن انا إلى بأقولة حسيت قد ايه الشاعر قدر يعبر عن إلى جوانا بكلام بسيط وجميل تحياتي لك وللبوست الجميل وفى انتظار مواضيعك الجديدة
بريك
ههههههههههه
ماشى يا بريك
والنبى ادينى بقى باتنين جنيه احلام
بس محبشين
موناليزا
انا عارفه والله
وعلى راىء الفنان الكبير محمد منير
حبه صبر حبه حماس يبقى الحلم صورة وصوت
تفتكروا ده ينفع الايام دى
رحاب
بجد انا فرحانه انى بدأتى تدوامى على مواضيعى من تانى
وتبقى متشوقه ليها
ميرسى يا روبى
وان شاء الله انزل موضوع جديد قريب
الانسان بلا احلام كالجسد بلا روح
بس المهم تكون احلام قابلة للتحقق مش احلام وردية
لازم نحلم احلام واقعية
Post a Comment