ِ
عارفيين اية معنى كلمة طز؟؟؟؟؟؟
طبعا متصوريين انها بمعنى "مش مهم" لا طبعا
طز--- كلمة تركيه ومعناها الملح
نعم!!!!!!!!!!!هههههههههه
اه والله يا جماعة
ودى بقى لها حدوته
عايزين تسمعوها
طيب نقعدوا حلويين ونسمعوا الكلام
واحد .. ادينا على بوئنا
اتنين..ضهرنا لورا
تلاته.. مسمعش اى نفس
كان يا ما كان يا سعد يا اكرام ما يحلى الكلام الا بذكر النبى عليه "الصلاه والسلامّ
زمان ايام الحكم العثمانى كانت الحكومة العثمانية تفرض الضرائب على التجار فى جميع بضائعهم ماعدا الملح
فكان التجار العرب اذا مروا على المفتشين الاتراك قالوا طز
اى لا يوجد معنا الا الملح
وكانوا المفتشيين يقولون لهم "فش" اى عدى بالتركى ايضا
وشيئا فشيئا صار التجار يقولون الكلمة للمفتشيين الاتراك بهدف السخريه منهم
وهكذا اصبحت الكلمة تعنى هذا المعنى السيىء..... بينم هى فى الاصل بمعنى الملح
يوووووه قصدى طز بالتركى
وتوته توته خلصت الحدوته حلوة ولا منتوته
عايزاكم بقى لما تروحوا للبقال تقولوله عايزيين كيسيين طز لو سمحت
اهوه اما كانش البقال بطحكم بحاجة فى وشكم
ولما تاكلوا مع ماما تقوللها
ايووووة يا ماما الاكل نقصة شويه طز
ولا لما تزعلى مع صحبتك وتقوله
يااااه دحنا واكلين مع بعض عيش وطز
عموما انا ماليش دعوة لو البقال قالكم طز فيكم وفى .....؟؟؟
ولا لو ماما قامت دلئت الاكل عليك
بقولكم اية
انا ماشية وكفايه عليكم كدة
سلام عليكم
20 comments:
هههههههههههه
لا بجد
طب هو الطز بكام انهارده
لمعلوماتك يارودى مصر من اكبر منتجى الطز في العالم وبجد معلومه جامدة موت
تشكرات بتركى برضو
موضوع جميل اوووووى ويا ريت تشوفى معنى كلمة ليمون لانى كنت فى مطعم وباكل كبدة فبقول للويتر(المفروض)انت عارفه قالى اية؟؟؟؟؟ قالى ح اشوفلك فعاوز اروحله تانى انا والاثنين اللى كانا معى واقله طز ههههههههههه
انيميوس
هو الطز انهارده مش غالى قوى
يعنى نص جنيه
مش كتير صح
لاننا بنحبه قوى ومش بنستغنى عنه فى الاكل
امنيه
مصر يا بنتى من اكبر منتجى كل حاجة واى حاجة
حتى الطز
هو احنا راحمين
داحنا واكلنها والعه
بس بقى لحسن الطز يخلص عندنا ومنعرفش ننتجه
محمد
اكيد هحاول انى اعرف المعلومه دى
علشان الويتر ميبصلكش باحتكار بعد كدة وانت بتقوله هو مفيش ليمون مع الكبد يروح قايلك هشوفلك
اكنها حاجة غريبه
يا نهار ابيض يا محمد
لو كنت قلتله الاكل عايز شويه طز
كان عمل فينا اية
اكيد كان رامنا برا المحل
معلومه للساده القراء
ان الاتنين اللى كانوا معاه
انا وامنيه
واكيد لما نروح عنده تانى هندخل المحل اللى جنبه عن كبده فهمى ونطلعله لسانا ونقوله طز
سلام عليكم
مسمعش أي نفس؟؟!! واضح إنك مدرسة شديدة أويييي
:)
طيب ميث ميث...أنا بث كان ثؤال
ماما دايما تقوللي "كخ" لما أحط حاجة وحشة جوا بؤي، و أخويا كمان بيقول "يع" لما يشوف أكل مش بيحبه
يعني إييييييه بأة؟؟
:))
شكرا على المعلومة يافراشة ياصغيرة. معلومة بسيطة ودمها خفيف
تحياتي
معلومة جااااااااااااااامدة بجد والله
:D
هاهاهاهاها
يا فراشه يا أروبة جبتيها منين دى
الاقيش معاكي كيس شيبسي بالطظ
او فول سوداني مطزز مملح يعني
عموما
الطظ الكتير بيعلي الضغط
تحياتي
تمنى الفراشات
اولا انا اسفه بجد على التاخير فى الرد
ثانيا انا مدرسه طيبه قووووى وحنينه
تحبى تجربى
ثالثا
وهو الاهم انتى عايزة تعرفى معنى كلمه كخ ويع
اقولك يا ستى
كلمه كخ اول ما اعرفها هقولهالك
اما يع بقى
فاكيد اول ما انتى هتعرفيها هتقوليهالى
بريك
ميرسى يا بريك
من بعض ما عندكم
لا لا لا يا جماعه
بلاش ايدى
لا لا انتم كمان هتبوسوا رجلى
لا لا كتير كدة
كتفى بقى بلاش
سخسوخه
انا اروبه برضه
امال انت ايه يا قمر
عموما انتى المصدر الرئيسى لهذه الكلمه
وخليكم شاهدين يا جماعه
سمير
ولما ضغطك بيعلى
بتاكل طز كتير ليه
غاوى مصاريف
ومراويح للدكتور كتير
بقولك اية
انا مبلعبش مع عيال مش بيحبوا الطز
خايف الحكومه الذكيه تغلى الطز بعد الشعب ما بقى كله فش
رئيس جمهوريه نفسى
وانا والله خايفه
بس ازاى يغلى
دحنا حتى الايام اللى جايه هنعانى من ارتفاع منسوب البحر
يعنى هيبقى عندنا طز بالهبل
ميرسى لزيارتك يا ريس
ويا ريت متكونش الاخيرة
من كتر ما البلد بتنتج الطظ اطبح الطظ شعار البلد ياخوفى من ان الرئيس يحطه بدل النسر على العلم
شهد
كل حاجة ممكن تحصل
اهو يبقى بيغزى العين من الحاقدين والحاسدين على الشعب المصرى
والرفاهيه اللى هو عايش فيها
ولا ايه
وحصوه فى عين اللى ما يصلى عالنبى
لووووووووووولى
حلوووووووووه
وجديده
هنفضل داااااااايما نتعلم!
Post a Comment