وبعد عام من الهجرة لهذا العالم
عالم المدونات الذى هو جزء منى
عدت لكم من جديد عدت لأتقوقع داخل مدونتى واعيش فيها بكل حرية
فقد مللت من كل شىء
وأحبطت من كل شىء
كنت فى بداية الثورة على الرغم من خوفى الا اننى فرحت بدخول مبارك واعوانة السجن
وتوقعت مثل أى مصرى يريد النصر أن يتم الحكم عليهم
بحكم عادل لفساد ثلاثون عام فى مصر
ولكن عدنا من جديد نجر وراءنا أذيال الخيبة
وتم تبرءت حسنى مبارك وأولاده من التربح
وتبرءت مساعدى وزير الداخلية من تهمة قتل المتظاهريين ازاى
بجد أول ما سمعت الحكم بكيت وببكى أكتر على دم كل شهيد
واتقهرت على أهالى الشهداء ولم يشفى غليلى
إن مبارك وحبيب العدلى يتحبسوا سجن مؤبد لأنه شىء مش أكيد
لانهم نقضوا الحكم وطبعا هتروح القضية لدايرة تانية وساعتها مبارك هيطلع براءة
ياااااااااااااااااااااااااااااااااااارب
أنت العادل أنت القادر والمقتدر
يارب تأخد بحق كل شهيد من كل جبار عنيد
بقولكم ايه بجد أنا خايفة أكتر الايام الجاية
كان عندنا أمل ان الحال يتعدل لكن بعد كم هذا الظلم
بعد كل هذه الاستفزازات للشعب المصرى من نجاح أحمد شفيق وبرأءة مبارك ونجلية
تفتكروا البلد دى رايحة على فين ؟؟؟؟؟؟؟؟؟؟؟؟؟؟
6 comments:
حمد الله ع السلامة والحمد لله حكم فوق الثورة من نومها
فروشه حمد الله على السلامه
بصى انا واثقه انها مش رايحه فى حته
هى هتفضل معانا ومحدش هياخدها غظب عننا ابدا والدليل لما شفيق بقى المركز التانى بالتزوير البلد قامت من جديد ولما الحكم طلع ظالم البلد قامت اكتر ومحدش هيستسلم بسهوله بس المهم ان الكل يبقى ايد واحد ويكونو متفقين وميكنش كل جزء بفكر مختلف عن الاخر
بس محسبى الله
الثورة فعل آخره آي إن جي .. الثورة أسقطت الحكومة
طب مين يكنس فضلاتها..؟
الجواب من رأيي:حتى يغيروا ما بأنفسهم
شفيق ناس كتيير باعت الثورة بانتخابه..مش بس هو زوّر
لسه الشعب ما وعاش ..ولا اتغير اللي كانوا أيام الثورة على الأعراف لازم يختاروا قرار
سلامة رجوعكوا للتدوين ..الفيس بوك أغنى وخطف المدونين
اشتراهم بلحظات التعبير وبيّعهم أعمار من التدوين
فراشة السلام عليكم
عودة سعيدة علينا وعليكم
والله انا شايف ان الشعب غلبان جدا
والغلابة كتير
يعنى اللى انتخبو احمد شفيق من اجل 100 جنية واللى انتخبة من اجل انة فلاح غلبان
ما يقدرش يجيب كيماوى للارض
وكفاية جدا التزوير
بس الحمد لله ربنا بعدة عننا
احنا بهرنا العالم بخلع مبارك ومطلبة بمحكمتة
بس كنا هنبهر العالم اكثر لو كان شفيق مسك البلد
اللهم انصرنا على اعدائنا
واعداء الوطن اللهم امين
مودتى
وبجد سعيد لعودتك
على فكرة انا كمان راجع من غيااااااااااااااااااااااااااب طويل جدا
مودتى وتقديرى
اسير الجراح
ماحدث ماهو الا بدايه للثوره
وكلمه الثوره مستمر واقع
لكن الثورات تهدأ وتثور كالبركان
حتى اذا وصلت لزروتها ( تكنس ماتخلى )
تحياتى
كل سنة و انتى طيبه يا فروشه
عيد سعيد عليكى وعلى اسرتك يا قمر
Post a Comment