Friday, April 3, 2009

أيام الطفولة



يا ليت أيامى تعود من جديد




أيام الصبا والفرح والشباب




أيام الطفولة واللعب فى التراب




أيام المدارس والخروج عن النظام




يا ليت أيامى تعود من جديد




يا ليتنى أعود طفلة من جديد




أمرح وألعب وأفرح وأطير




مثل الحمام الحر الطليق




يسبح فى الفضاء بدون أى قيد




اننى الأن اشعر بالضيق




اشعر بأننى عجوز كبير




تمر به الأيام والسنين




فيشعر بان حياته لا تدوم

70 comments:

ماء تشرين said...

اول تعليق

ماء تشرين said...

وتانى تعليق

ماء تشرين said...

وتالت تعليق

هههههههههههه

براحتى بقه

مفيش حد غيري

ماء تشرين said...

رابع تعليق

لا خلاص عيب بقه

فكرتينى اوى

باأغنيه فيروز

طيري ياطياره طيري
ياورق وخيطان
بدى ارجع بنت صغيره
على سطح الجيران
ومن تانى الزمان
على سطح الجيران


يسلام عليكى يافيروزه


تحياتى

romansy said...

قد نشعر بالتعب عندما نتحمل المسئوليه
ولكن ما اجمله من تعب عندما نحقق ما نريد
نتكر ايام الطفوله
ولكن لا ننسى ايام الشباب
لا ننسى اول حب لا ننسى اول صديق
نتذكر ايام الطفوله
ولكن نشعر انها تدفعنا الى الامام

ماء تشرين said...

وخامس تعليق
غلاسه

ماء تشرين said...

لا لا ايه يارومانسي ده
اسحب تعليقك
مينفعش المدونه بتاعتى

romansy said...

مـــــــــــــــــــــــــــــــــاء
تــــــــــــــشـــــــــــرين


مــــــــــــِشــــــــــــــ

هـــــــــســـــــــــــــحـــــــــب


التعـــــــــــــليـــــق

romansy said...

مـــــــــــــــــــــــــــــــــاء
تــــــــــــــشـــــــــــرين


احتليتى المدونه
ولا ايه

romansy said...

يلا بقى

الاحتلال بالنص


علشان فراشه
تفقد الذاكره خالص


وتبطل ذكريات

ماء تشرين said...

ايوة
لا المدونه كلها بتاعتى
وهديلك حته صغيره

ماء تشرين said...

وبعدين ذكريات ايه دى هتولع فينا
استنى مش هتبقه فراشه خالص بعد الاحتلال العملناه

معلش يافراشتى اوعى تزعلى

mohamed ghalia said...

ايه ده
بجد كلماتك روعه يا فراشه
اسم على مسمى فعلا
ربنا يسعدك دايما

رحلتنا في الحياة said...

مش عارفة اقولك ايه دى امنية كل الناس بس لو فكرنا ان لكل مرحلة حلوها ومرها اكيد هنحب الفترة اللى بنمر بيها

romansy said...

مـــــــــــــــــاء
تـــــــــــشِـــــــــــــرين

انتى طماعه
قوى
حته صغيره بس

طيب بقى انا عاوز الورك
ههههههههههه

romansy said...

مـــــــــــــاء تشرين

فراشه مش هتبقى فراشه
لا خلاص هنبطل احتلال لغايه كده

احنا عاوزينها تفضل فراشه
وتفرش لنا الارض ورد

موناليزا said...

لكل مرحلة جمالها:)

موناليزا said...

لكل مرحلة جمالها:)

الشاعر الحزين said...

والله ياريت

وبقول معاكى بعلو صوتى ياااااااااااريت

نفسى أرجع لأيام الطفوله

لأيام البرائه

لأيام اللعب الحر

ياااااااااااااااااااه

فكرتينا بأحلى أيام

شكرا ليكى والله على الفرحه دى

ابو المفاصل الواصل said...

اغنية للبيبى
البيبى عبد الرحمن جانا بالفرحة والامـــل
وبيــه الدنيا فرحــــــت وفرحــنا اكـــــتمل
وفى لفته قــــــــط مقطقط بهيـــــبة جمـــــل
ومهما اتدلع وبكى بالحب والرضا هنحتمل
لان حبه فى قلوبنا اتكلــــــــبش واعتمـــــل

نبض الحياة said...

رجعتينا لأحلى ايااااااااااام
بس دايما اللى فات مش بيرجع واحنا اللى بايدينا نحلى ايامنا بقدر المستطاع فلا تكونى حزينة فأنتى الشىء الجميل فى هذه الايام
دمتِ حبيبتى بكل خير

فراشة said...

آآآه يا فراشة
كلنا هذه الطفلة المحبه للعودة لطفولتها
بس ماباليد حيلة لو تعمقتى اكتر حتلاقى وانتى صغيرة كنتى مضايقة ونفسك تكبرى وادينا كبرنا عايزين نرجع تانى
سبحان الله طبيعة عمرها ما حتتغير
بس اللى بيصبر الواحد اننا الحمد لله عيشنا طفولة هادئة بسيطة مش الطفولة العنيفة اللى بيعيشوها اطفال اليومين دول
معلش بصى للى جاى جايز يكون احلى انا عارفه ان شوقنا للماضى عمره ما حينتهى
فكرتينى باغنيه (زمان وانا صغير كنت بحلم ابقى كبير تعب القلب واتغير من الدنيا ومن المشاوير)
أصلى بحب دايما اربط المواقف باغانى ليها ذكريات معايا
تحياتى لكى فراشة متشوقه لعودة الطفولة

الفراشة الصغيرة said...

ماء تشرين ورومانسى
*******************
ايه
ايه ده
اللى انتوا عاملينه ده

هو ايه مولد وصاحبه غايب

ماشى
من عنيا الاتنين
بس جد طلعتونى من حاله الملل اللى كنت فيها
بس برضه غلاسة عليك

اشعر بأننى عجوز كبير

تمر به الأيام والسنين

فيشعر بان حياته لا تدوم

ههههههههههههه

الفراشة الصغيرة said...

ماء تشرين
********
انا اقدر ازعل منك خالص

ده انا هموتك بس
ماشى يا امنيه
وبعدين فكرتك باغنيه فيروز
وتغنيها وتقوليلى فى الاخر
يسلام عليكى يا فيروز
طيب مفيش يسلام عليكى يا رودى
ماشى ماشى
ده انتى هتتقطعى
زى ساميه

الفراشة الصغيرة said...

رومانسى
*******
ماشى يا رومنس
عايز الورك
ومين قالك انكم ورثتونى بالحيه
دى الفرخه قصدى المدونه بتاعتى

اما بالنسبه للارض اللى هنفرشها ورد
فان شاء الله
هفرشهالكم
بومب وصواريخ ومفرقعات كمان لو تحبوا

الفراشة الصغيرة said...

محمد غالى
*******
والله انت اللى مفيش زيك
غالى وانت غالى فعلا

ميرسى كتير لكلماتك الجميله التى تعطينى دائما قوة للاندفاع الى الامام

الفراشة الصغيرة said...

ايوشه
*****
اكيد طبعا
بس محدش يقدر ينكر ان احلى فتره مرينا بيها
ايام طفولتنا

الفراشة الصغيرة said...

موناليزا
*******
اكيد معاكى فى كلامك
بس برضه حبنا لطفولتنا
فى برائتنا
واد ايه كنا ساذجيين
ووخدين الحياه بمنتهى البساطه
مش عقد وكلاكيع

الفراشة الصغيرة said...

الشاعر الحزين
*************
كلنا بنقول ياريت

بس لازم نعيش ونتعايش مع اللى احنا فيه

kimo said...

لقد مرت الايام
لا.. لقد ضاهت الايام
ولن يرجع ابدأ يوم من هذه الايام
ولكن هل يجوز ان اعيش ايامي
هل يجوز ان احب كل الناس ؟
هل يجوز ان انزع الحقد من قلوب الناس ؟
هل يجوز ان افعل ما اريد ؟

سأعيش يومي كما هو ...وكما انا
ولن يمنعني احد من ان اعيش حياتي
حتي ولو قالو انك تعيش في ايام الطفوله.......

الفراشة الصغيرة said...

ابو المفاصلالواصل
**********

افتكر انى دخلت عندك وعلقت على ما اعتقد
هى اغنيه جميله خالص
وربنا يخليهالك

الفراشة الصغيرة said...

نض الحياه
********
دايما بتحرجينى وبتكسفينى
بعباراتك الجميله دى

بجد انسان جميله خالص
ربنا يكرمك يا جميل

kimo said...

قلم رائع يا فراشه ... الله ينور .. بس متنسيش لكل مرحله جمالها الخاص بها ... خدي اللي انتي عايزاه من مرحله الطفوله لو عايزاها كلها خديها .. والله ما تغلي عليكي .. بس سنك الحالي والجاي واللي بعده في سحر خلص وجمال تاني اصنعي حياتك كما تعشقي انت .. لا كما يفرد عليكي فانتي من يحيا بها لا غيرك
وقد ما يلائمك لايلائم غيرك

الفراشة الصغيرة said...

فراشة
*******
ااااااااااااااه تصدقى
جد كنت وانا صغيره اقعد اقول امتى اكبر بقى
واشتغل واستقل بذاتى
واحط ميكب
والكلام ده
بس بجد مفيش احلى من برئتنا فى طفولتنا
يمكن اكون مطلعتش منها قوى
لان ناس كتير بتقولى انتى لسه طفله
بس انا بحس ان فيا حاجات كتير اتغيرت

الفراشة الصغيرة said...

كيمو
******
لا لا تعليقين مرة واحده
وليا مش ليك
تتحسد
ههههههههههههه

لا خلاص بجداكيد كل مرحله ليها جمالها
بس انت عارف ان اكيد الظروف بتفرض عليك انك تعمل حاجات انت مش مقتنع بيها وانك تكون مسئول عنها لانك عملتها
لكن احلى حاجة فى الطفوله
ان اساسا مش بتفكر غير
هشوف صحابى هرسم فى الفصل
يا ترى الرسمه دى هتعجب الميس
تتخانق مع اللى جنبك علشان مصاصه
تضربى صحبتك وتشديها من شعرها لو عملتلك حاجة
تعيط لو جبت درجه وحشه
الحاجات الجميله دى
اللى مهما عدت عليك ايام مش هتنساها
تروح حديقه الحيوان مع بابا واخواتك
تتصور وانت راكب الجمل
ياااااااااااااه
حاجات كتير قووووى
تفتقدها
وتفتقد الناس اللى كانوا معاك فيها
بقولك ايه يا كيمو كفايه كده
لحسن بجد هعيط

kimo said...

اكبـــــــــــــر دليل
علي ان لسه في ناس
عايشين في ايام الطفوله
رومانس .. وماء تشرين
وكلامك اللي انت كتباه
هههههههه

الفراشة الصغيرة said...

كيمو
*****
مبلاش انت
فاكر شكوش

شعرك منكوش

ولا نسينا لما كنت عايز منى
بوجى وطمطم
وعالم سمسم
خلاص نسينا
عموما انا مش بسيح خالص
ولا بقول ان كريم
كان عايز منى كرتون وجبتله كرتون كتير على الفلاشه ولا حاجة خالص

kimo said...

يامو نياظي ضبش حرااااامي
هههههههههههههههه
الصراحه بتكتمي السر

ماء تشرين said...

انا كنت ناويه ارد عليك ياكريم بس دودو قامت بالواجب
طفوله ايه احنا عالم كبيره مش اوى بس كبرنيه دى ليها ناسها واحنا ناسها تقدر تقول حاجه ؟؟
وعموما ربنا يسمحك

Tamer Nabil Moussa said...

السلام عليكم


كل انسان يتمنى يرجع طفل صغير

ولكن الايام لاترجع

كل مرحلة ليها عيوب وميزات بمعنى الحياة وعلينا التأقلم وياها


ربنا يوفقك ويكرمك

تحياتى

momken said...

يا ليت ايامى تعود

كلنا بنتمنى ده

الشىء الى يغيظ انى كنت بتمنى اكبر وانا صغير

علشان اخلص من تحكم الكبار فيا

ولما كبرت ندمت ندم شديد على الامنيه دى


البوست رائع وكلامك رايق وجميل اوى


تحياتى

kimo said...

انا والله ماقصد
بس هي دودو قامت بالواجب وزياده حبتين وهو الموضوع اللي حكم
منها لله دي فراشه دي
دي بغبغان
ههههههههههه

روابط said...

حنينك وشجنك للطفولة بهذه الكلمات البسيطة, ذكرنى بأغنية "طيرى يا طيارة" للرائعة فيروز

تحياتى

روابط said...

على فكرة بعد ماكتبت التعليق, خدت بالى ان ماء تشرين تقريبا علقت بنفس التعليق... مشيها توارد خواطر, او اجماع على حب فيروز

ماء تشرين said...

ايه ياحازم ده التعليق ده ملكيه كتابيه بلوجريه واى سطو عليه يعرضك للمسأله البلوجريه
وانا هبلغ عنك البلجورتيه الكبار يخدو حقى

رومانسى مشاكس said...

السلام عليكم

ايه الجمال ده بجد البوست


رووووووووووووعة


تحياتى

رومانسى مشاكس

رومانسى مشاكس said...

اه

ليكى تاج عندى

مستنيكى تجوبيه


سلام

kimo said...

الي البغبغانه الصغيره
كيمو مواظب اهو
احب اقولك ان انا مبيهمنيش؟ هه ؟
عيب يقي احنا علي النت مش علي الشات
وبعدين انت جبتيلي بوجي ومطم بس ؟
فين عالم سم سم
هههههههههههههههههههههههه

MaNoO said...

هيا فعلا من اكتر الحاجات اللى مش بنعرف نرجعها هيا العمر بس برده نقدر نتحكم فيه اننا نحاول نحقق كل اللى نقدر عليه عششان منرجعش نندم خالص بعد كدا حكاية عجوز كبيرة دى كلمة تقيلة اوى اسحبيها بقى هههههه

تقبلى تعليقى واتمنى التواصل بالمدونات

الفراشة الصغيرة said...

كيمو
*****
حد من ولاد الدهشانه
خد خبر بالريش

ده ولا مأمور هولندا هيعرف هو فين
هههههههههههه

عادى يا كوكى سرك فى بير
بس مخروم حبتين

الفراشة الصغيرة said...

ماءتشرين
*******

ولا تتعبى نفسك يا منمن يا حبيبتى

انتى وراكى رجاله
مش سوسن

الفراشة الصغيرة said...

تامر نبيل
***********
وانت كمان ربنا يوفقك

ميرسى لزيارتك ومتابعه المدونه
وموضوعاتها

الفراشة الصغيرة said...

momken
*******
كلنا كنا كده وحياتك

مكناش عارفين الهم اللى مستنينا

الفراشة الصغيرة said...

كيمو
*****
اخص عليك يا كيمو
انا بغبغان
يعنى بدل ماكونوا بيغنولى
كان فى فراشه صغنتته

بقوابغنولى
كان عندى غغان
غلاوى بنص لسان

عموما تستاهل
اللى يزعل القطه
يستحمل خرابشها

الفراشة الصغيرة said...

حازم سويلم
**********
نمشى اى حاجة

انت عايزها
هو احنا عندنا كام حازم

الفراشة الصغيرة said...

ماء تشرين
********

يعنى هو عمال يقولك توارد افكار

وانتى تقوليله سطو

حازم بقولك ايه
متلعبش مع البت دى تانى

الفراشة الصغيرة said...

رومانسى مشكاكش
**************
كميرسى كتير يا رومنس

على الكلام الحلو

ومتابعه المدونه

اماالتاج
فان شاء الله
هاجى اخده قريب

الفراشة الصغيرة said...

كيمو
******
ايه ده
انت ماخدتش عالم سممسم
ده حتى فى اغنيه جميله للحروف
علشان تتعمل أ ب

خلاص ولا تزعل نفسك
هديهولك
بس تدفع كام

الفراشة الصغيرة said...

manoo
******
سحببناها
يا سلام

ده كفايه الزيارة
الجميله دى لمدونتى
ميرسى لمرورك الجميل
وهجيلك المدونه ان شاءالله
قريب

kimo said...

يابغبغانه
الزير مش مخروم... ده اساسأ من غير قاعده
هههههههههههه
وانت اللي ساميتي نفسك سوسن
يبقي ناقص سعاد
هههههههه
اتحداكي لو فاهمه انا قصدي ايه
هههههههه
وعند كيمو الخبر اليقين

kimo said...

اخص عليكي يا فراشه
بقالك قد ايه

ماقولتليش
اخص عليك يا كيمو
هههههههههههه

الفراشة الصغيرة said...

كيمو
****
طب من غير سيفون كمان

اصل اهم حاجة السيفون
اللى بيرشش فشاش

وبعدين ايه عند كيمو الخبر اليقين دى

انت فاكر نفسك عبد الرحيم عمرو

ماء تشرين said...

لا لا لا لا

ماء تشرين said...
This comment has been removed by a blog administrator.
ghorBty said...

ااااه ليتها تعود

ما احلي الحياه بلا قيود

بلا مسئوليه ولا حدود

طفولتي ليتها تعود

سلمت يمناك يا رب

وحشاااااااااااني جدا علي فكره :)

الفراشة الصغيرة said...

غربتى
****
وانتى كمان اكتر

يا جميله

فينك يا بنتى
وفين تعليقاتك الحلوه
انا عارفه انى مقصره معاكى

بس صدقينى دماغى مدووشه شويه الايام دى

Anonymous said...

الي ماء تشرين

***************
انا كريم
ليه كده دنا بقول عليكي
زهره التيوليب
حتمشي ورا كلام الفراشه
الله يسمحك

ماء تشرين said...
This comment has been removed by the author.
سمكه واحده said...

ياااااااااااااااه علي زمان وايام زمان
تعرفي؟
عمري ما اتمنيت اكبر وانا صغير بس كنت زهقانه ايمها مش عشان اني اكبر بس معرفش ليه
ولما كبرت حنيت اوي لايام زمان
كان الواحد مش في دماغه الهوي

الفراشة الصغيرة said...

سمكه واحده
**********
بجد كانت احلى ايام

بس غريبه موضوع عمرى ما كنتى عايزة تكبرى دى ازاى كل الناس كانت عايزة تكبر
علشان تستقل
بس للاسف لما كبرت لقيت سجن اكبر اسمه الحياه وبرضه معرفتش تستقل