وصلنى تاج

طبعا احب اشكر

رومانس مشاكس

ونبض الحياة

على التاج الذيذ ده معلش سامحونى

انى أتاخرت فى أجابته

**************
اسمك؟

رودينا

المشهور بيه وسط صحابك؟

بابا الله يرحمه كان بيقولى دّوده

وصحابى بيقولولى

رودى - دودو - رورو

واللى عايز يخترع اسم يتفضل مبحبش احرم

حد من حاجة


سنك؟

ليه الاحرج ده

فى حد يسال موزمزيل زى عندك كام سنه عيب

عموما انا مش بيهمنى انا هقولكم سنى

ايه يعنى

انا عندى

18

وماشيه فى

15

هههههههههههههه

لا بجد انا عندى 24



أسم مدونتك؟

الفراشة الصغيرة


صورتك الرمزية في المدونة بتعبر عن أيه؟

طفلة صغنونة معفنه ماسكه صوبع رجلها

شوفتوا قرف اكثر من كده

ههههههههههههههههههه

هل فكرت في أغلاق المدونة؟ والسبب؟

لا طبعا - اقفلها واقرف مين يعنى



أيه رد فعلك لو حد قل أدبه عليك في تعليق؟


هربية جت عليه

منا بربى اجيال فى المدرسة

هتيجى على حته واحد قليل الادب

ههههههههههههه بهزر طبعا

هحذفة بمنتهى السهول

تعليق يفوت ولا حد يموت



أسوء مدونة؟

مدونة قطة الصحراء

وده لعده أسباب

أولا : لانها كاتبه بوست عن المنقبات

وبتقول عليهم كيس زبالة وده منتهى قلت الذوق وده اللينك بتاعه


http://catofdesert.blogspot.com/2009_02_01_archive.html


ثانيا : الشعار اللى حطاه بتاع كفايه جهل

على صورت اتنين منتقبات

ثالثا : الصورة بتاعت السلفيين تقول عليهم معفنين يييع

بجد مش عارفة أقول عليها غير

حسبى الله ونعم الوكيل


هيحصل أيه للإيميل بعد ما تموت؟

هتعيط علشان مش هتلاقى حد يسال فيها



عطيت الباسوورد لحد قبل كده؟

تؤتؤتؤتؤتؤتؤ

دى أمنيه حياة اخواتى انهم يخدوه

ومعرفش أقعد عالنت تانى

بس على مين

أختكم ناصحه



السفر بالنسبة لك؟

بعشقة فى الشرقية

عند اهل بابا حياة بجد جميلة جدا

ريف وزرع وخضرة وبدائية جميلة

بنسى فيها كل هموم الدنيا

وناس جميلة وعيلة كبيرة

مش ببطل معاهم ضحك



المود بتاعك ايه؟

كل ساعة فى حال

اللى أحبه انهارده اكره بكره

وممكن تضحك عليا بمصاصة

غالبا بحب الضحك

بس لما تقلب نكد ييييييييييييي

ببقى ايه تكنه على الاخر

بتعمل أيه في وقت فراغك؟

بكتب خواطر أو اقعد على النت

أو ارسم أو ارقص أو اقرا كتاب

الأكلة المفضلة؟

ساندوتش تشيكن سبايسى

من عند مؤمن ستانلى

اقعد انا ومنمن انتيمتى فوق فى مؤمن قدام البحر

ونحكى لحد لما نزهق

وعلى فكر لينا تربيزة معينه هناك



الصفات التي أخذتها عن والدك؟

الطيبة

الضمير الصاحى والامانة

العشرة والاجتماعية

حب الناس ولو فى ايدى أخدم حد متاخرش عنه


الصفات التي أخذتها من والدتك؟

الحنية اللى ملقتهاش فى حد

العصبية للاسف


اكثر ست حاجات بتحبهم؟

بعد ربنا وماما وبابا طبعا

البحر

السما

الفراشات

انس ابن بنت خالتى لما يعيط ووشه يحمر

الكبده

أصحابى



اكتر ست حاجات بتكرههم؟؟
الكذب

الظلم

الناس المملة

الناس المغرورة

العيال الرزلة

العيال الزنانة


شخصيتك نوعها أيه؟

منا قولت مزاجية

لما اكون رايقة بحب الهزار جدا لكن لما اكون مكتئبة

مش بحب أكلم حد علشان ميبقاش دمى تقيل


لماذا دخلت عالم التدوين من الأساس؟

بالصدفة

اساسا انا معرفتش المدونات غير من

صديقى اللدود هشام علام

وكنت لما بعلق عنده

لازم أكتب اسمى تحت

فكنت بضايق قوى اشمعنى هما كاتبين اسمهم

بالازرق فوق وانا اكتبه تحت

فلازم اعمل زيهم المهم سجلت نفسى فى جوجل

واتارينى كنت بعمل مدونة

والاخر حصلت المأساة وفتحت مدونة

أحلى جملة قيلت في وصف مدونتك؟

هى جمل كتير قوى

بس احلى جمل لما الاقى حد

مدون جديد بيقولى مدونتك حلوة

واول مرور له ومش هيكون الاخير

بحس انها عملت معاه


أهمية التعليقات بالنسبة لك؟

زى الترمومتر

اللى بيقيسوا بيه الحرارة

بس الفرق الوحيد

الدكتور دايما عايز الحرارة منخفضة

اما انا عايزاها دايما عاليا


احلى بوست كتبته؟ وضع اللينك ثم أذكر السبب؟
كله زفت

وانا أكتب حاجة عدله

ههههههههههههه

لا بجد البوست بتاع عيد ميلادى اللى فات

http://rodebutterfly.blogspot.com/2009/01/blog-post_22.html#links

لانى أتكلمت فيه عن ناس كتير بحبها


افضل مدونة قرأتها؟
كتير والله

مصر لسة فيها مبدعيين

الشغل بالنسبة لك؟

حياتى

من غيره محسش انى موجوده



الأنترنت بالنسبة لك؟

وسيلة لقضاء وقت الفراغ



تمرر التاج ده لمين؟

كيمو

علشان يفتتح مدونته بقى


ماء تشرين

علشان عارفه انها

مش بتحب التاجات وهتموتنى

رومانسى
أفتكر انه لسه مجاوبش التاج ده

الرجولة بمفهومها الخاطىء

ماذا تعنى الرجولة لديكم ؟

هل تعنى أن تشعر بذكورتك فقط؟

أم تعنى القوة لدى البعض

وهل كل رجل ذكر ؟

وكل ذكر رجل؟

أم أن هذه المقاييس قد اختفت مع هذا العصر

فالرجولة فى مفهومها العام هى أتخاذ القرارات السليمة المناسبة

فى المواقف الذى يقع فيها الرجل

فالرجولة أيضا هى أن تكون بين الرومانسية والشهامة

ولكن ماذا تفعل عندما تجد الرجولة عند أشخاص

هى السيطرة والاستقواء

والفن فى الايذاء

وهذا الاستقواء لم يكن على الرجال أكثر من انه يكون على البنات والنساء

فقد تجده يغار منهم ليشعر بنقص فى ذاته

لتجده يحاول ايذائهم بأى من الطرق

فالبعض يستجيب لما يقوم به ويصدقة

والبعض الأخر لا يعنيه ما يفعله شيئا

ماذا تفعل فى مثل هذه الشخصية السيكوباتيه المريضة

هل تقول له عيب فى وجه

أم تحاول تجنبها

أم تهزأ بما يقوم به من أفعال

وتسخر بداخلك على تفاهت ما يقوم به

وتضحك على هذا الشخص المريض الذى يحتاج الى نوع خاص من المعاملة

فمن وجهه نظرى

أن مثل هذا النوع من الرجال الذى كبرت أجسامهم وصغرت عقولهم

لا نهتم به لأن اهتمامك به سيعطيه

الاهمية الذي يريدها

أما تجاهلك له سيجعله يشعر اكثر بالنقص

ويحاول أن يظهر ذاتة أكثر بكل حركات الايذاء التى لديه

حتى فى النهاية يموت غيظا

لاننا الحمد لله بنقول كلمة واحدة

حسبنا الله ونعم الوكيل

{ويمكرون ويمكر الله والله خير الماكرين}

ولكن بعد كل ذلك

تفكر بداخلك وتنظر اليه ويصعب عليك

لتحاول أن تحل له هذه المشكلة

لأن أفكاره العدوانية قد تصيب البعض بالايذاء النفسى

لذا اناشدكم من موقعى هذا أن نجمع له بعض النقود

عايزيين نلم اكبر تبرعات سواء كانت مادية أو عينية

فتعاطفك وحده مش كفاية

و نحجز له عند اقرب طبيب نفسى

لكى يعالجة من الهف هف اللى عنده ده

ويبقى كسب فيه وفينا ثواب

ولا ايه رايكم

هههههههههههههههههههه

سؤال خارجى

********

ماهى الرجولة من وجهه نظركم وهل لها مقاييس ؟

هل تتغير الرجولة أو تختلف بأختلاف العصر ؟

قلة الاصل ... علامة مسجلة

ان دار عليك الزمن يا ابن الاصول وطى

وعز نفسك ولا تمشى مع الواطى

وان سبك الندل ماتردش عليه واطى

تنام مبسوط باذن الله تغلبهم

ياصحبى ان بعتنى خللى التمن غالى

وغلى سعرى وخلينى كدا عالى

دا انا ابن اسياد ومتربى على الغالى

لايوم هانونى وخلونى كده غالى

يادنيا مالك كده خاينه ماليك امان

خليتى الاخرس نطق فيك بالف لسان

قال يازمان العجب دايما كده خوان

كل اللى عنده ادب قافل على نفسه

ساب الطريق للبوم يمشى مع الغربان

يا قلب فضك من اللى عشرته تقطع

انت تحبه يا قلب لكن هو من وراك يقطع

والله ان كسيت الردى من الحرير مقطع

دا طبعه النداله وعمره ف سيرتك يقطع

كلمه اخيره وخدها حلقه فى ودانك

عمرالخسيس مايجى يوم ويصفى لك

مايجى يوم و يصفى لك

مايجى يوم و يصفى لك

يغور ويغور

ويغورالله الغنى عنه

خسيس

منقوول

هذه التدوينه وهذا العنوان

كتب بناءا على صديق عزيز قوى عليا

اتمنى انها تعجبه

بس والله

هى مش ليه

هى لاى حد فكر فى يوم

انه يقل باصله مع حد

بغض النظر عن الهزار

لان اكيد فى فرق بين الهزار

وقله الاصل

اتمنى انها تعجبكم

وربنا يبعد عنكم قللات الاصل

أيام الطفولة

يا ليت أيامى تعود من جديد

أيام الصبا والفرح والشباب

أيام الطفولة واللعب فى التراب

أيام المدارس والخروج عن النظام

يا ليت أيامى تعود من جديد

يا ليتنى أعود طفلة من جديد

أمرح وألعب وأفرح وأطير

مثل الحمام الحر الطليق

يسبح فى الفضاء بدون أى قيد

اننى الأن اشعر بالضيق

اشعر بأننى عجوز كبير

تمر به الأيام والسنين

فيشعر بان حياته لا تدوم