Thursday, January 22, 2009

عيد ميلاد رودى




مر من عمرى عام واليوم قد اتممت السنه الرابعه والعشرون من عمرى




ولكن قبل أن ابدأ سنه جديدة فى حياتى




أود أن أوجه بعض الكلمات لبعض الناس الهامة فى حياتى




لم يكن شكر لهم أكثر من انه حبا لهم




أمى : أحلى واعظم واجمل أم فى الدنيا معتقدش انى فى ام فى حنيه وطيبة امى عليا انا واخواتى




بحبك بحبك بحبك قوووووى يا أمى ربنا يديكى الصحة والعافيه يا رب




أخواتى (مصطفى ومحمد ) أحلى اخيين وأحن قلبين عليا بالرغم من رزالتهم لما يعملوا دويتوا ويتفقوا هما الاتنين عليا




ويقعدوا يناكفوا فيا لكن أعمل ايه بقى اخواتى ولازم احبهم معلشى هعصر لمونتين على قلبى وأحبهم بس يبطلوا غلاسه عليا




أمنية : حبيبت قلبى بجد ربنا يخليكى ليا على الرغم من اننا مختلفين دايما فى وجهات النظر الا انى شايفه اننا بنكمل بعض




يعنى المدرسة متبقاش مدرسة من غيرنا ومن غير المناكفه بتاعتنا للمدرسين ومزاول مستر ناصر ونورا ولا الواد احمد سالم




ولا فاكرة الواد محمد لما كنا بنشتغله كتير السنه اللى فاتت وبعد كده نقوله دى كدبه ابريل هههههه يا عينى زمانه بيدعى علينا دلوقتى




بجد يا منمن انتى احلى انسانه عرفتها ربنا ميحرمنيش منك وبوسه منى ليكى هديه




شوفتى بقى يعنى عيد ميلادى وانا اللى اديكى الهديه يلا طول عمرك طيبه يا رودى وقلبك كبير




وسام : صديقه عمرى عشرة 11سنة معلشى يا بوسى عارفة انى قصرت فى حقك ومتصلتش بيكى يوم عيد ميلادك




بس انا والله كنت محنة وكنت تعبانة خالص احلى حاجة بقى لما متصلتش بيها يوم عيد ميلادها قعدت يومين كده وراحت متصله بيا قال يعنى


علشان تهزقنى وتبهدلنى على عدم الاتصال بيها لقتنى تعبانه وبحكيلها على التعب اللى كنت فيه وجلسات العلاج الطبيعى لقيتها راحت معيطه




وانا قاعده اهدى فيها يعنى بدل ما هى اللى تواسينى بقيت انا اللى بسكيتها هههههههه هم يبكى وهم يضحك




بس الحمد لله على كل شىء وبجد يا بوسى انتى صديقة متتعوضش معايا على الحلوه والمره ربنا يخليكى ليا يا قمر




شيماء : أختى وجارتى وصحبتى وانتيمتى وكل حاجة يمكن كنا مع بعض فى اعدادى وفى ثانوى فى مدرسة واحده وطول عمرنا جيران




لكن متصحبناش الافى الكلية بالرغم من اختلاف الاقسام لدرجة ان الجيران بقوا مستغربين طول عمرنا جيران وعمرنا ماكنا صحاب




اشمعنى اتصحبنا دلوقتى الله اعلم بس اقول على حاجة يا شوشو انتى احلى واجمل صاحبه




ايناس : الطف وأظرف صديقة قبلتها فى حياتى مش ممكن استحالة اقعد معاها وابطل ضحك فيها كاريزما جميله كده فى وشها يخليك تشعر




بانك مبسوط ربنا يكرمك يا بت يا نوسه بعريس حليوه كده بدل المنيل على عينه سيد خطيب الاولانى والنبى حد يجوز واحد اسمه سيد




طب كنتى هتدلعيه ازاى ده وصراحه دودى اللى كنتى بتقوليهاله دى مكنتشى لاقيه عليه يلا اهوه راح لحاله




المهم بقى




والان




سوف ازف اليكم نبأ




سعيد




انا




هكمل




24






سنه




ااااااااااااااااااااااااااااااااااه






بالله عليكم محدش منكم عنده عريس




بجد شكلى بقى وحش قووووى




هههههههههههههههههههههه






كل سنه وانتم طيين




مش هوصيكم على الهدايا






مش هقبل اقل من سولتير والماظ




دباديب بقى وكلام فارغ انا مش عايزة


26 comments:

blue-wave said...

كل سنه وانتى اجمل فراشه فى عالم التدوين

طوبه فضه وطوبه دهب said...

تخيلى انك نفس يوم عيد ميلادى وكمان نفس سنى تخيلى الصدف الغربيه بس اسفه انى لسه جيه وما قلت لكيش ساعتها كل سنه وانتى بالف خير ياقمر ويارب السنه اللى جايه يكون معاكى اجمل عريس

Anonymous said...

حبيبتي كل سنه وانتي طيبه وعقبال 60 دقيقه وتكملي ساعه وليه العجب بقي في علاقتنا اكيد ده نصيب ومتنسيش العيال ال بنا ومتفكريش في كلام الجيران والناس كبري دماغك يا قمر المهم اننا مع بعض وشوفيلي عريس معاكي بس تكون مامته الله يرحمها بقي واقرء عليها الفاتحه عارفه اني وجعت دماغك كل سنه وانتي طيبه ياروح قلبي واقرب صديقه

لا اله الا الله اختك شيماء الامير

romansy said...

كل سنه وانتى طيبه يا احلى فراشه
وعقبال ميت مليون سنه


ياريت بقى الهديه تعجبك

بالرغم ان التورته صغيره قوى
ويارب يخلى لك ماما واخواتك واصداقاءك

http://alfrasha.maktoob.com/ups/u/14957/17774/
228348.jpg

http://www.3bir.com/web/a/
33438_51188991670.jpg

ادم المصرى said...

كل سنه وانتى بكل حب وخير وسعاده

واشتياق واتمنالك السعاده الدائمه

والله لو كنت استطيع ان اقددملك هديه كنت قدمتها ولكن هديتى لكى انى ادعيلك ان ربنا ميدخل قلبك حزن ابدا ويجعل ايامك كلها فرح وحب وسعاده اخوكى ادم مستنى زيرتك يا فراشه

الفراشة الصغيرة said...

blue-wave
********
يااااااااااه دكتور عمرو فينك من زمان
ميرسى كتير على الزيارة الجميله والكلام الحلو ده

الفراشة الصغيرة said...

طوبة فضه وطوبه دهب
****************
على فكرة شكلك كده لغبطتى فى الحساب لان انتى يوم 12 /1 وانا يوم22 /1
يعنى انا اللى اسفه انى مزورتكيش ومقولتلكيش كل سنه وانتى طيبه

اممم سووورررى

الفراشة الصغيرة said...

انيميوس
******
شيمو حبيبت قلبى انا اقدر انسى العيال
وبعدين اكمبر دماغى اكتر من كده
دى هتطير من كده التكبير
ههههههههه

عموما ربنا يخليكى ليا يا قمر وميحرمنيش منك ابدا يا رب

الفراشة الصغيرة said...

رومانسى
******
ميرسى كتيييييييييير يا رومنس
على الهدايا الحلوة دى

وحلو اوووى العقد والخاتم دول
شبكتى دول صح
هههههههههههههههه
عريس يا اماى

الفراشة الصغيرة said...

ادم المصرى
********
وانت طيب يا ادم
احلى هدية انك تشرفنى وتحضر عيد ميلادى فى مدونتى
بجد ميرسى كتير جدا
وهاجى ان شاء الله ازورك فى مدونتك عن قريب

hasona said...

كل سنة وانت طيبة
وربنا يخلي كل اللي بتحبيهم ويسعدك واياهم
،،،
ويا ريت تكثري من التورتة والجاتوه

ولو فيه لحمة يبقي كويس
،،،
فيه ناس بتكون أكبر هدية لناس تانية
يعني ممكن الاصدقاء يكونوا أكبر هدية لبعضهم البعض

وعلي ذلك فأنت أكيد تملكي الكثير من الهدايا


تقبلي تحياتي

الفراشة الصغيرة said...

hasona
******
وانت بخير وصحه وسعاده
يا حسونه
واكيد الاصدقاء اغلى هدية ممكن ربنا يهديها لحد
على الاقل يكونوا معاك وهما اللى يحلوا ايامك ويحسسوك انك عايش وموجود
ربنا ما يحرم حد من اهله ولا من صحابه
يارب

zainab said...

حبيبتى الفراشه الصغيرة

هنا كمان عيد ميلاد

كل سنة وانتى طيبه يا قمر

وعقبال مليون سنه

وتكونى فى احسن حال

ربنا يحقق لك كل احلامك و يرزقك بابن الحلال

تحياتى

mohamed ghalia said...

كل سنة وحضرتك بخير
سعيد إنى أول زيارة لمدونة حضرتك تكون فى المناسبة السعيدة دى
ربنا يبارك فى عمرك ويسعدك

الفراشة الصغيرة said...

zainab
********
ميرسى كتير ليك يا زوزو
على الكلام الحلو ده
ربنا يخليكى وميحرمنيش منك يا قمر

الفراشة الصغيرة said...

محمد غالى
*******
وانا كمان يا محمد مبسوطه
انك زورتينىفى عيد ميلادى
ويارب تكون المدونه عجبتك
وتزورها باستمرار

ماء تشرين said...

انا جيت متأخره خالص بس المهم انى جيت والصراحه مش عارفه اقول ايه غير بجد ربنا ميحرمنيش منك واختلفنا فعلا بيخلينا نكمل بعض ودى احلى حاجه يارودينا بجد جميل ان الصديق يكون شبهك بس الاجمل انك تحسي انو بيكملك بجد كلام كتير اوى عليا ربنا يخليكى ليا يارب وكل سنه بجد تكون احلى كل سنه وانت طيبه ياجمل وارق واطيب قلب قبلتو
أمنيه

حياه بلا عنوان said...

كل سنه وانتى طيبه يا فراشه عقبال مليون سنه ان شاء الله

الفراشة الصغيرة said...

ماء تشرين
*********
منمن حبيتى ميرسى ياجميل عل الزيارة الحلوة اتمنى ان الكمبيوتر تكون صحته كويسه ويحترم نفسه ويخف من البرد اللى عنده علشان الاجازة جت بقه

وانتى كمان يا منوه ربنا ما يحرمنى منك يارب ونفضل اصحاب على طول

الفراشة الصغيرة said...

حياه بلا عنوان
**************
وانتى طبيه يا جميل

ميرسى كتير

بس على فكرة انتوا جمامين فين الهدايا
ربنا يخليك ليا يا رومنس
الوحيد اللى جاب هدايا
مردوداك فى الافراح يا رومنسى بس

M.a.r.y.o.o.o.m said...

كل سنة وانتي بالصحة والسلامة يارب

الفراشة الصغيرة said...

maryooom
********
ربنا يخليكى يا روما
ميرسى يا جميل على تشريفك عيد ميلادى
ويارب تزورينى كده باستمرار

حـــــدوتـــــة said...

السلام عليكم

اولا انا اسف على التأخير بس ربنا وحده عالم انا ظروفى ايه اليومين دول

ثانيا كل سنة وانتى طيبة وعقبال 240 سنة
على فكرة انا كنت متوقع سنك اكبر من كده بكتير
وده لانى نادرا لما بلاقى بنت سنها صغير ودمغها كبيرة فى نفس الوقت
وياريت تسمحيلى اعتبر نفسى من اصدقائك وده فعلا شئ يشرفنى
كل سنة وانتى طيبة مرة تانية وسلميلى على امنية وقوليلها مكنش العشم

سلالالالالالالالالالالالالالالالالالالالالالالام

الفراشة الصغيرة said...

حدوته
*****
ماشى يا حدوته سماح المرة دى
بس اوعى تعملها تانى

ماشى وهعملك مرسال وابعتلك السلام لمنمن هانم
واقولها حامد بيقولك مكنش العشم

»-(¯`shahd´¯)-»* said...

يااااااااااااا
انا جيت متاخر اوىىىىى
كل سنة وانتى طيبة وعقبال 100سنة
وان شاء الله تكتبلنا السنة الجاية ان العريس جه و انك عيزة هدايا للبابى

الفراشة الصغيرة said...

شهد الحب
*******
سمسم ماشى يا سومه مكنش العشم
بس عمموما ميرسى يا جميل انك برضه زورتينى وقلتلى كل سنه وانا طيبه