Saturday, September 29, 2007

الملايكه الصغيرة






دول بقى الكتاكيت الصغننه





او ممكن نسيميهم الملايكه الصغيريين

ياسين و يحيى


اولاد اعز اتنين من اصحابى

وانا حبيت اعمل البوست ده علشانهم علشان اقولهم


انى... بحبهم قوى


فانا اعتبر نفسى خالتهم


بما انى معنديش اخوات بنات


وعمرى ما هاخد اللقب ده


على العموم ربنا يخليهم ليا ولمامتهم وباباهم


بس اللى خلانى كتبت البوست ده موضوع اكبر من كدة

ازاى هنربى الملايكه الصغيريين دول هما او غيرهم


ونخليهم احسن ناس فى الدنيا



دايما بقول انا هعمل لاولادى اية وهربيهم ازاى



بفكر فى الموضوع ده كتير


والمشكله اللى دايما بفكر فيها وعايزاكم تفكروا معايا فيها


هو اننا عايزيين اولادنا يتربوا صح


وميعملوش حاجات كتير غلط وقعنا فيها واحنا صغيريين



طب ازاى احنا عارفيين ان فاقد الشىء لا يعطيه



هتقولولى مش فاهمين



افهمكم



لو انا عندى عيب ما فى شخصيتى وانا مش حباه

وبحاول انى اصلحه ومش عارفه
ومش عايزة العيب ده يكون فى اولادى


هنقول ازاى هقولكم


يعنى مثلا


انا طول عمرى بعانى من خوف ماما الزياده عليا


وبالرغم انى مش حابه الحاجة دى اللى انى اتعلمت الخوف والقلق ده من ماما


لدرجه انى لو حصلت اى حاجة حتى ولو كانت صغيرة


ببقى برضوة خايفه وقلقانه جدا


بالرغم من انى فى ساعات كتير بحس انى خلاص قدرت


اخلص من موضوع القلق ده بس برضه فى بعض الاحيان لا


وقيسوا على ذلك حاجات كتير ممكن تاثر فى شخصيه الطفل
الدلع-ضعف شخصيه .........؟

6 comments:

Anonymous said...

مش انتي لوحدك لى بتعاني من موضوع خوف الأهل الزايد علينا واحنا صغيرين ده كمان بقي موجود جوانا دلوقتي وبنطبقه على أولادنا وتصدقي ان إلى مانوا اهلنا بيعملوا زمان بقي لازم وضرروى نعمله دلوقت لا دلوقت الأمان قل والناس ضمايرهم ماتت يعني اقول مثال من اسبوع بنتي وهي راجعه من المدرسة الباص نزلها قدام البيت وراحت واحده قعدت تتكلم معاها واخدتها ومشت بيها واخدت منها حلقها وبد كده ثابتها فى الشارع بس الحمد الله انها ثابتها فى نفس الشارع مش فى حته تانيه ورنا ستر علشان كده أنا بأقول أن الخوق الزايد على اولادنا ضرورى وضرورى جداً كمان ولازم نكون حاطينهم قدام عنينا على طول

الفراشة الصغيرة said...

والله يا رحاب انا عارفه انهم بيخافوا علينا حبا لينا بس ساعات ده بيخلينا منعتمدش على نفسنا فى بعض الحاجات ونعتمد عليهم وهو ده اللى بيضايقنى انى ساعات كتير لما تطلب ماما منى حاجة ومعرفش اعملها بتلومنى بالرغم انها كانت بتخاف عليا زمان
ومبقتش عارفه ايه الحاجات المسموح بيها واسمح بيها لعيالى امتى

على العموم حمد على سلامه بنتك وربنا يخليهالك

kareem azmy said...

هاااااااااى

اول مرة ازورك و متشكر على زيارتك ليه

و مبروك على الاولاد الجمال دول و ربنا يخليهم ليكي و لباباهم و ماماتهم

طبعا موضوع تربية الاولاد ده صعب جدا

بس اهم شىء ان الحب و الحنان يكون موجود
و تعلميهم الاعتماد ع النفس بس تحت اشرافك ووجودك جنبهم

و تكوني ليهم كصديق او صديقة .. يعنى ده هيكون احسن من فرض السيطرة و ده هيخليهم اقرب ليكي و مش خايفين منك

حتى لو غلطوا ففهميهم اخطأهم عشان يتعلموا منها و بلاش عقاب لا بدني و لا معنوي


ربنا يخليهم
تحياتي
كريم عزمي

الفراشة الصغيرة said...

انا اللى بشكرك يا كريم
وميرسى لتشريفك مدونتى

Sдmo said...

اولا ماشاء الله اطفال جميله جدا ربنا يخليهم لباباهم ومامتهم

ثانيا ياستى احب اقولك ان مجرد تفكيرك فى انك تربى اولادك انشاء الله تربية صحيحه وجيده ده شئ عظيم واكيد اكيد ده هيخليكى تحاولى تتفادى اخطاء كتير ممكن تكون حصلت ليكى او شوفتيها مثلا فى حياة ناس تانية واكيد برده باذن الله ربنا هيوفقك وهتقدرى تحققى احلامك فيهم

بس اهم حاجه فعلا وقبل مانفكر فى تربيتهم, نفكر ازاى نخلق الجو الاسرى الهادى المستقر ومن قبل ماييجوا اولادنا كمان لان ده اساس نجاح اى علاقه
سواء علاقتنا مع اطفالنا
او حتى العلاقة الزوجيه

اتمنى لك النجاح والتوفيق فى حياتك دايما :)


ســامح جوده

Anonymous said...
This comment has been removed by a blog administrator.