هييييييييييييه واجب

هذا الواجب من الجميله رحاب

بس ايه واجب على حق

منا طول عمرى بدى واجب للعيال وبعاقبهم لو معملهوش

معلش بقى يا رحاب

انا اتأخرت فى عمايل الواجب

اوعى تضربنى اقول

وقفنى طول الحصة وبلاش تضربنى

علشان ايدى هتوجعنى

السؤال الاول : أذكر اسم من طلب منك حل هذا الواجب؟

طلبته منى رحوب صاحبه مدونة فى حب الله

ويااااااارب اعرف اعمله

السؤال التانى : أذكر القوانين المتعلقة بهذا الواجب؟

هو قانون واحد مشهور عند كل الناس

if you want happy

ارمى الكتاب وصلى على النبى

السؤال الثالث : تحدث عن ستة أسرار قد لا يكتشفها من يقابلك للمرة الأولى؟

1) ممكن اى حد يتخم فيا ويفتكرنى هادية بس مجرد ما اتعود عليه يعرف الحقيقة المرة

2) بيبان عليا انى جريئة ومش بيهمنى حاجة بس أنا من جوايا ببقى خايفة جدا جدا

وبحاول اتماسك علشان ميبنش أى نقطة ضعف ليا

3) ناس كتير بتفتكر أن دماغى طئه وانى مبعرفش اتكلم جد

بس لا

أنا اه بحب الهزار بس برضه وقت الجد جد ولما حد يتكلم معايا فى موضوع بيلاقى واحده تانية

غير رودى المرووشة

4) صدقاتى المتعددة تعطى انطباع انى حبيت كتير قوووووووى

بس انا فى الحقيقة محبتش فى حياتى كلها الا مرة واحده

وكانت احلى سنه قضيتها فى حياتى كلها

5) انا ممكن انصح الناس كلها لكن معرفش انصح نفسى

ومتردده فى أى حاجة تخصنى لأنى بخاف قوى من الفشل

6)لما بحط حاجة فى دماغى بعملها أيا كانت الحاجة دى

وأيا كانت نتائجها ولما بتكون نتيجة افعالى خطأ

بقعد اقول لنفسى احسن علشان مأخدتيش بالك من كذه وكذه وكذه

لكن لو نتيجة افعالى حاجة كويسة يااااااااااااه على الفرح والظئططه اللى ببقى فيها

السؤال الرابع والاخير : حول هذا السؤال الى ستة مدونين

وأذكر اسماءهم مع روابط مدوناتهم فى موضوعك؟

اممممممممممممممممممممم

استنوا كدة لما افكر

بصوا احسن حاجة

اول سته مدونين يعلقوا عندى ليهم الواجب ده هديه

سوفنير يعنى

والنبى قبل الهدية

الحب أو الزواج

الحب أو الزواج

صعب قوى أنك تشيل الألف من حرف ( أو) ونخليها

الحب و الزواج

تحس انها معادله صعب جدا انك تحققها

وكتير قوى من بنات اليوم بيقولولى

(يا بنتى الحب حاجة والجواز حاجة تانية)

بس حتى هذه اللحظه لم اقتنع بتلك المقولة

ولم اقتنع بأن الحب كلام افلام

صحيح أن شباب هذا اليوم مرووش حبتين

ومش بيتحمل مسئولية

وبيفضل يحب ويهيم على وجه فى الحب كتير

الا انه عندما يصل به الحب الى الزواج

تبدأ اجراس ناقوس الخطر فى الدق

وتجده يفكر مليون ألف مرة

قبل اتخاذ هذا القرار

بل وتجده يظهر كل عيوب الحبيب امامه

بدون اى مميزات أو أولويات

حتى يصل به المطاف الى نهاية هذه القصة الجميلة

بنهايه مؤلمة لعينة

ومع كل ذلك لسه عندى أمل

ولسه مؤمنة بأن الزواج بدون حب خطأ كبير

وأن الزواج هو الترجمة النثرية لقصيدة حب جميلة

من انا؟

يعنى يا ربى أول تاج ليا يبقى صعب كده

ماشى يا بريك

ايه يا رودى وانا عملتلك ايه

اصل اصعب حاجة ان حد يتكلم عن نفسه

لانه لو اتكلم حلو هيقولوا عليه مغرور

ولو اتكلم وحش هيقولوا عليه مبيثقش فى نفسه

عموما انا هتكلم وسيبوا اللى يقول يقول بقى

استعنى على الشقى بالله

أولا : أكتب عشر اشياء عن نفسك

------------------------

1-اسمى رودينا

وبشتغل مدرسة دراسات اجتماعية فى مدرسة ابتدائى

وبلاش اقولكم على اسم المدرسة لأن اسمها وحش قوى

2-وانا صغيرة مكنتش بحب اسمى خالص

لان فى ناس كتير كانت فاكرانى مسيحية فكنت بضايق وأقول لماما

فبقت تلبسنى ما شاء الله علشان يعرفوا

وبرضه مفيش فايده

3-مشكلتى انى رقيقة ودلوعة والله مش بصطنع بس انا كده

لأن بابا الله يرحمه كان بيدلعنى كتير قوى

وكنت لما اتكلم زى اخواتى الصبيان حبه كان يزعقلى

ويقولى انتى بنوته والمفروض انك تكونى رقيقة

بس المشكله الاكبر ان مستر وليد زميلى فى المدرسة بيقولى يا بنتى حرام عليكى

هتخلصى رصيد الرقة والدلع اللى عندك وتقلبى على دكر بعد الجواز

4-اللى يشوفنى وميعرفنيش يقول عليا تكنه وهاديه

بس اللى يتعامل معايا يحس بكمية الشقاوه والشيطنة اللى مخزونة عندى

5-بحب قوى ازاول الناس وخصوصا اصحابى وبعمل فيهم مقالب كتير قوى

ودايما اعمل فيهم كل حاجة واقولهم كذبه ابريل بس من الواضح ان الشهور عندى كلها ابريل

ومع ذلك أنا بكره الكذب جدا جدا جدا ومش بسامح بسهوله

6-من مواليد شهر واحد شهر العباقرة يعنى

ده انا طبعا انا عارفه والله من غير ما تشاوروا علياو تقولوا عبقرينوا

7-انا مواليد برج الدلو برج هوائى وانا فعلا كده

الحاجة اللى احبها انهارده اكرها بكره ومن السهل انك تقنعنى بأى حاجة

وتضحك عليا بمصاصة هههههههههههه

8-بحب جدا الحرية والاستقلال والصداقات المتعددة

واحب اعمل اللى انا عايزاه بدون اى قيود ومحبش حد يفرض عليا رأيه

او يفرض عليا اى حاجة لأنى عنيده جدا ومبنفذش الكلام طول ما أنا مش مقتنعه به

9-ذاكرتى ضعيفة نسبيا علشان كده تلاقينى دايما عاملة رسائل تذكير على الموبايل

ولما بيرن مش بفتكر انا كنت عملاها ليه اساسا

وتلاقينى قاعده افتكر انا عملت الرساله دى امتى علشان افتكر ايه هو اللى انا عايزه افتكرة

10- بحب بابا وبدعيلى دايما بالرحمة

وبحب ماما واخواتى واصحابى وبحبكم كلكم

ثانيا : وجه التاج لخمس تانيين

---------------------------

مأتشرين

شهد الحب

فى حب الله

سفاح كرموز

حدوته

همسة عتاب

ورجعت من تانى

رودى بشقاوتها

وخفة دمها

رودى اللى مفيش حاجة تقدر تهزمها

الحب الضائع

لا تنتظر حبيباّ باعك

وانتظر ضوءاّ جديداّ

يمكن ان يتسلل الى قلبك الحزين

فيعيد لأيامك البهجة

ويعيد لقلبك نبضه الجميل

وبكرة تلاقى اللى يصون حبك

يا قلبى

منقوول

تساؤلات

تساؤلاتى عن الدنيا وقسوتها

ليه لما نحب نعيش بحرمان؟

و لما نعشق جزانا ننهان

وليه لما نخلص ننخان؟

ولما نوفى نلاقى نكران

وليه الخبيث يعيش فرحان؟

والطيب بالدنيا مالهوش مكان

وليه دموعنا بتنزل من عيونا

لما أحزانا توصل لقلوبنا؟

وليه احاسيسنا بالوقت تتغير؟

وحبنا بالوقت يتمرد

حتى امانينا تموت فينا

واللى ما نحلم بيه نلاقيه قدمنا

وليه الحب بتولد بكلمة؟

ولكنه لا يمكن ابدا ان يموت بكلمة

والانسان مننا ايه غير كلمة

كلمة بين أمه وأبوة جه فى الدنيا

وبكلمة برضه راح منها

وعجبـــى عليكــى يا دنيا !!!؟

لولولولولو لى لى بقينا 28 محافظة

خبر عاجل

قرر الرئيس الفاضى قصدى الفاضل

انه يخلى مصر 28 محافظة بدل من26 محافظة

هيخلى اكتوبر محافظة وحلوان محافظة

يا حلولى يا حلولى

طبعا هتقولولى وايه يعنى ايه حصل

هتفرق 26 من 28

مبقتش تفرق سينا من سونيا

اه صح بس حاول تفكروا شويه هو ليه عمل كدة

للدرجه دى حاسس ان مصربتاعته وعمال يقسمها

ولا أكنها التركه اللى سبها بابا الباشا

طيب انا اعمل ايه بقى

حفظت العيال فى المدرسة ان مصر 26 محافظة

والعيال خلاص اتبرمجوا على كدة

ارجع اقولهم لا هما 28 اصل الريس غير الخريطة

والنبى ده راجل فاضى ومش لاقي حاجة تشغله

بالرغم ان عنده مليون مشكلة فى مصر تستدعى انه يفكر بحلها

احتمال كبير تطلع فى دماغه بكرة انه يخلى القصر بتاعه هو عاصمة مصر

ماهى هاصت بقى

اللى خلى مصر بقت 28 محافظة يخلى قصرة العاصمة بس يا ترى انهى قصر فيهم

انا عارفه انكم هتقولوا يا رودى ما انتى كنتى جميلة ورومانسية ايه اللى دخلك فى السياسية

هقولكم

حال البلد بقى ميعجبش حد

وبدل ما بيحاولوا يصلحوا فيها بيخربوها اكتر

لان اكيد المحافظين الجدد عايزيين يبينوا انهم خلوا المحافظ جنه

وخد عندك

ايشى كام مليون جنيه علشان الصرف الصحى

وكام مليون جنيه علشان الكهربه والميه

وكام مليون قال ايه تجميل للمحافظة

وكام مليـــــــــــــــــــــــــــون للرصفان

واصرفى يا حكومة

واكتبى يا جرايد عن الانجازات

عموما

انا حاسة انى عايزة اعيط

مين هيجى يعيط معايا

ايهىء ايهىء ايهىء

مصر دولة اسلامية ولا ايه بالظبط

مواكبة للأحداث الجاريه التى تحدث فى مصر


ومرورا بكل ما هو جديد حولنا


فأننى أردت أن اجرى مقارنة بسيطة بين فئتين مختلفتين فى كل شىء


الأخوان المسلمون -- الفنانون والفنانات
الاخوان المسلمين
-----------
الشعبية:- الحكومة اكتر ناس تعرفهم نيفر نيفر
المعاملة:-ما أحلى الضرب على القفى
التكريم :-البوكس يشيلهم من بيوتهم فى نص الليل
وسائل الترفية :-المعتقلات والتعذيب
الشعار:-الثبات الثبات فنصر الله أت
-------------------------
الفنانون والفنانات
------------
الشعبية :-الناس كلها تعرفهم حتى العجل فى بطن امه
المعاملة :- ما أحلى البدى جارد والدفا
التكريم:-المداليات فى المهرجانات والاحتفالات
وسائل الترفية:- الفنادق والاوتيلات
الشعار :- اقلع أكتر تتشهر أكتر
------------------------
يا جماعة أنا مش بهاجم حد ولا أؤيد حد
الموضوع كله فى انى مضيقه من اوضاع فى البلد
حاسة انها متناقضة
منين احنا مسلمين وبنهاجم المسلمين اللى زينا
لا كمان الدولة بتوصفهم انهم جماعة ارهابية
فى حين انها بتكرم الفنانين اللى فى بعض الاحيان بيقدموا اشياء بتفسد البلد مش بتصلحها
اية الثقافه الغريبة دى
ان اللى لابس محترم يبقىمتطرف
وان اللى لابسه على الموضه وعريان
يبقى فلة شمعة منورة

ده حتى فى الانتخابات اللى فاتت استبعدوا كل مرشحين الاخوان المسلمين
طب ليه علشان علشان بيتبعوا سنه محمد صلى الله عليه وسلم
يقولوا عليهم متطرفين
أى دين او مله تقول كدة
و فى اضراب 6 ابريل
اسكندرية كانت مليانة ضباط وعساكر أمن مركزى
وكانوا بيوقفوا أى واحد بدقن
على اساس انه مشبوه او لابس ملابس خليعه
هى مصر مش دولة اسلامية ولا ايه بالضبط
بجد حسبنا الله ونعم الوكيل

ملحوظه هامة:- ابقى حضرولى بقى العيش والحلاوة
بس انا مش بحب الحلاوة ممكن جبنة تركى لو سمحتم

واليك قبلاتى

حبـــيـــــبـى

كيف حتى غبت عنى

أتعرف أن لى احداّ سواكا

***

أراك هجرتنى هجراّ طويلا

وما عودتنى من قبل ذاكا

عهدتك لا تطيق الصبر عنى

وتعصى فى ودادك من نهاكا

فكيف تغيرت تلك السجايا

ومن هذا الذى عنى نهاكا

فلا والله ما حولت غدراّ

فكل الناس تغدرما خلاكا

وما فارقتنى طوعاّ ولكن

دهاك من المنيه ما دهاكا

***

فيا من غاب عنى وهو روحى

وروحى لا أطيق لها انفكاكا

لقد حكمت بفرقتنا الليالى

ولم يك عن رضاى ولا رضاكا

****

البهـــــــــــــــــاء زهيــــــــــــــــــر

أحلى مفاجأة

استيقظت من نومها على صوته

كنت تشعر انه موجود معاها ولكنها لا تراه

ولكنها سمعت صوته

كان يهمس لها فى اذنها"افقى حبيبتى يا نور عيونى يا روح قلبى"؟

وأخدت تبحث عنه بعيناها

لكنها لم تجده فأدركت انا كانت تحلم به

فأخذت تبكى وتنظر من حولها

وكأنها شعرت بوحدتها بدونه

شعرت بفقدانها له

فراحت لتأخذ مذكراتها لتنظر فى تقويمها

فوجدت انه مر على سفره أقل من شهر

ومازال الوقت طويل حتى يعود

فعادت الى نومها تبكى

وأذ تجد هاتفها يهتز

فتنظر اليه وتشعر بانه هو

واذا تفتح الهاتف

حتى تنطق فتسمع صوته

فيهتز قلبها من الفرحة

ولم تجد على شفتيها سوى كلمات الحب والاشتياق

وكل كلمات الحب والأشتياق لا تكفى حبها وتلاهفها

فهو كل ما لديها فى دنياتها

فحبها له يسرى فى دمها

وحبه لها يفوق كل المحبين العاشقين

فعادا يتهامسان من جديد

فأخذ يهمس فى أذنها بكلامه الناعم

حتى شعرت بوجودها وعدم وحدانيتها

شعرت بوجود مملكتها

واذا بالهاتف ينهى مكالمته

ولكن بدون استأذان فأخدت تنظر اليه

وكأنما تلومه على هذا الفعل الأثيم

وعادت الى نومها تنتابها مشاعر كثيرة

حب وفرح

حزن واشتياق

فراحت تستعيد ذكرياتها معه

حتى ذهبت فى نومها الى حلما جميل بينهما

بائع الأحلام

تسألونى الحلم أفلس بائع الأحلام

ماذا أبيع لكم!؟

وصوتى ضاع ... وأختنق الكلام

مازالت أصرخ فى الشوارع

أوهم الأموات انى لم أمت كالناس

لم أصبح وراء الصمت شيئا من حطام

مازلت كالمجنون

أحمل بعض أحلامى وأمضى فى الزحام

***

لا تسألونى الحلم

افلس بائع الأحلام

فالأرض خاوية

وكل حدائق الأحلام يأكلها البوار

ماذا أبيع لكم ....؟

وكل سنابل الحلم فى عينى دمار

ماذا أبيع لكم ....؟

وأيامى انتظار...... فى انتظار

****

فاروق جويده

دورة فاشلة جدا

عندما ذهبت الى المدرسة الاسبوع الماضى

لكى نحضر انفسنا الى الترم التانى

وجدت ميس سناء الوكيله تنادى عليا

يا ميس رودينا

نعم يا ميس سناء

خدى امضى !!؟

امضى على ايه

عندك دورة تدريبة لمدة يوم واحد

انتى واسماء وميس فاطمه

ايوة يعنى هنعمل اية

قالتلى هنروحوا الساعة تسعه الصبح الادارة التعليمية

وهنحضروا التدريب ده حلو قوى هتستفيدوا منه

بجد والله يا حلولى

قلت بقى لنفسى احضر كل الاسئلة اللى عندى والمشاكل اللى بتواجهنى وانا بشرح

طالما ان الدورة فيها ناس متخصصين اكيد هيفدونى

المهم جه ميعاد التدريب

وروحت الصبح الادارة

واسئل الناس يا جماعه هو فين التدريب فى قاعة الاجتماعات

ايه ده شكله بجد

والله شكلهم بيحترمونا ومقدرنا

وروحت القاعة لقيت اسماء وفاطمه مستنينى فى القاعة

وقعدنا بتاع ربع ساعة نشوف اية اللى هيحصل

وبدا الساده المدرسين فى الحضور الى القاعة لحضور التدريب

وبعد ما اتخذ كل منا مقعده

جه الفراش يقولنا:

"يلاه يا اساتذة من فضلكم بره شويه"

نعم ليه

اصل احنا هنضف القاعة الاول

ليه هو انهاردة يوم التنضيف

ولقينا الموجه الاولى للقسم بتزعق لرئيس قسم التعليم الابتدائى

لانه عارف من الاسبوع الماضى انه فى تدريب

قعدنا نسلك شويه بينهم

وقعدنا بتاع نصف ساعة برة القاعة مستنين

وبعد كدة قلنا اتفضل بقى ادخلوا

ندخل فين بعد التراب العفارة اللى انت عملها دى

ودخلنا خير اللهم اجعله خير لقينا الدنيا بيظه والكراسى مليانة تراب

بصراحه يا جماعة بيحترمونا قوى

فى النهاية الحمد لله الدنيا اتضبطت وبدأ التدريب

وكان الحاضر الموجه الاولى لقسم الدراسات الاجتماعية

وموجه مسئول عن ملف الانجاز

وموجه قسم التعليم الابتدائى

ثم بدات الموجه الاولى فى الكلام

وقالت سوف ناخذ محاضرتان

الاولى بعنوان "ملف الانجاز وكيفيه تطبيقه"ا

والثانيه بعنوان "القصة التعليمية واستخدامها كوسيله للشرح"ا

ولوفى وقت هناخد محاضرة كمان عن الوسائل التعليمية

يييييييييييييييييي محاضرات تانى دحنا خلصنا الكليه خلاص

المهم بدأ الموجه فى شرح ملف الانجازوشرح مزاياه ولماذا تم تطبيقه

والكلام ده......؟

وقعد يقول "اننا اردنا ان نتفادى عيوب النظام القديم ونقوم بتطبيق نظام جديد

لكى يكون الطالب قادر على حل مشكلات المجتمع الذى يعيش

فيه وقادرعلى الابداع والتفكير السليم

ايه ده ايه الكلام الكبير اللى انت بتقوله ده

ماهى الشعارات دى قولتوها ميت مرة

تانى هترجعوا تعملوا نظام وبعد كام سنه تلغوه

المهم قعد يلوك بتاع ساعتين فى الموضوع ده

والحمد لله مطلعتش منه بحاجة اكتر من طريق التحضير الجديدة اللى ابتدعوها

والى المفروض اننا نكون بنحضر بيها من الترم الاول

بس مفيش ولا موجه بلغنا بيها

طيب وتاعب نفسك ليه يا راجل مكنت بعتها مع الموجه وخلاص

هيييييه انتهت المحاضرة الاولى

اخدنا بريك نصف ساعة كدة

وروحت صليت الظهر

جيت القاعة لقيت المحاضرة التانية شغاله

وفيها واحد ماسك كام ورقة وعمال يقرا منها

بفكرنى بدكتور كنت بكرهه ومش فاهمه من حاجة

صراحه الراجل محبش يطول علينا

ربع ساعة قرأ فيها الكام ورقة اللى فى ايده واقلب

طيب نستنى بقى المحاضرة التالتة

مفيش انتم كدة خلصتم كفاية عليكم كدة

بجد والله

ما شاء الله مفيش احسن من كدة نظافة

زى ما دخلنا زى ما خرجنا

هو ده بقى التدريب اللى بتقوله عيه

طيب انا مستفدتش حاجة

لا لا لا انتى مفتريه

مش الراجل الاولانى اداكى طريقة التحضير الجديدة انتى هتنهبى

ماشى خلاص بقى هى دى مصر الحلوة

اااااااااااستنوا نسيت اقولكم اظرف ما حدث فى التدريب

واحنا فى المحاضرة كانوا بيمرروا علينا ورقة نسجل فيها اسمينا

ولما وصلت للموجة لقيت اللى حاضر 40 مدرس فقط

فراحت قيللنا لو سمحتم يا جماعة اللى معاه مدرس دراسات اجتماعية فى المدرسة

يكتب اسمه حتى لو مجاش

انا عايزة الورقة مليانه اسامى

مش كنت كبرت دماغى ومروحتش وقولت لصحابى يكتبوا لى اسمى

اهى مرة وعدت

واكيد التدريب اللى جاى

هبقى افكر كويس

اروح ولا مروحش

تفتكروا انتم اعمل ايه؟؟؟

اروح ولا مروحش

حكاية طز

ِ

عارفيين اية معنى كلمة طز؟؟؟؟؟؟

طبعا متصوريين انها بمعنى "مش مهم" لا طبعا

طز--- كلمة تركيه ومعناها الملح

نعم!!!!!!!!!!!هههههههههه

اه والله يا جماعة

ودى بقى لها حدوته

عايزين تسمعوها

طيب نقعدوا حلويين ونسمعوا الكلام

واحد .. ادينا على بوئنا

اتنين..ضهرنا لورا

تلاته.. مسمعش اى نفس

كان يا ما كان يا سعد يا اكرام ما يحلى الكلام الا بذكر النبى عليه "الصلاه والسلامّ

زمان ايام الحكم العثمانى كانت الحكومة العثمانية تفرض الضرائب على التجار فى جميع بضائعهم ماعدا الملح

فكان التجار العرب اذا مروا على المفتشين الاتراك قالوا طز

اى لا يوجد معنا الا الملح

وكانوا المفتشيين يقولون لهم "فش" اى عدى بالتركى ايضا

وشيئا فشيئا صار التجار يقولون الكلمة للمفتشيين الاتراك بهدف السخريه منهم

وهكذا اصبحت الكلمة تعنى هذا المعنى السيىء..... بينم هى فى الاصل بمعنى الملح

يوووووه قصدى طز بالتركى

وتوته توته خلصت الحدوته حلوة ولا منتوته

عايزاكم بقى لما تروحوا للبقال تقولوله عايزيين كيسيين طز لو سمحت

اهوه اما كانش البقال بطحكم بحاجة فى وشكم

ولما تاكلوا مع ماما تقوللها

ايووووة يا ماما الاكل نقصة شويه طز

ولا لما تزعلى مع صحبتك وتقوله

يااااه دحنا واكلين مع بعض عيش وطز

عموما انا ماليش دعوة لو البقال قالكم طز فيكم وفى .....؟؟؟

ولا لو ماما قامت دلئت الاكل عليك

بقولكم اية

انا ماشية وكفايه عليكم كدة

سلام عليكم

كل سنة وانا طيبة

ودعت سنة ماضية

وجاءتنى سنة جديدة

هذا هو يوم مولدى

يوم وجودى فى الوجود

سنه حلوة يا جميل

يلا بقى نطفى الشمع

فوووووووووووف

هيييييييييييييه

كل سنه وانا طيبة

قصدى

كل 23 سنه وانا طيبة

فى حاجة غلط

ليه كل حاجة غلط فى حياتنا

شهادتنا كثيرة و منطقنا أقل

معرفتنا كثيرة وحكمتنا أقل

نتكلم كثيرا ونحب قليلا

ونكذب كثيرا كثيرا

نشاهد التليفزيون كثيرا

ونادرا ما نصلى

حتى النت والشات

أصبح استخدامهم فى حياتنا غلط

مأساة الحب

كلما مر الوقت بنا

وجدنا قصه من قصص الحب الجميلة

وكلما مر الوقت عليها كلما فقدت جمالها

فلا نجد منها الا اطلال

يبكى فيها الحبيبين على ألم الفراق

وتجد نفسك امام مأساه

لم تكن مأساه العاشقين

اكثر من انها مأساه حبهما

فنجد الشاعر بيرون يقول

مأساه الحب تتلخص

فى:(( ان الرجل يريد ان يكون أول من يدخل قلب المرأة

والمرأة تريد ان تكون أخر من يدخل قلب الرجل))؟

وقد لخص هذا الشاعر الجميل مأساه الحب فى جملتين

فدرجة تملك الحببيبن لبعضهما

اعطتهم الحق فى ان يحاسب كل منها الاخر

هو يريد ان يكون ماضيها ولا يوجد غيره

وهى تريد ان تكون مستقبله ولا توجد غيرها

ونسوا الحاضر

انشغل كل منهما فى محاسبه الاخر على ماضيه وعلى مستقبله

فنسوا الحب ودفئه

والاستمتاع بكل لحظة مرت عليهما

نسوا ان الحب ينطوى على الاذلال

على الغفران على النسيان

فدعوه الى كل المحبيين العاشقين

عيشوا الحب بحلوة ومرة وفرحه وجرحه

واهاااااته

فاننا لا نشعر بجمال الحبيب

الا عندما يغيب

وسيبكم بقى من الحسابات

سبحانك ربى

الرجل الشجرة .....ديد

رجل اندونيسى يتحول الى شجرةحيث صار جسمه شبيها بالجذع

بينما تحولت يديه الى ما يشبه الفروع وذلك بعد ان اصيب جهازة المناعى بفيروس

(HPV)

وبالرغم من قيامة باجراء جراحة لازالة بعض هذه الزوائد الغريبة

الا انها عادت تنمو من جديد وبسرعة كبيرة

وفسر الاطباء هذه الحاله على انه يعانى من مشكله جينيه نادرة ساعدت على زيادة حجم الاورام مما جعل الفيروس يتمكن من جسمه بالكامل

ويرى دكتور امريكى اخصائى فى الجلد ان هناك املا فى علاج حالتة لو سمحت السلطات الاندلسية بذلك وحصل الرجل الشجرة على تاشيرة دخول للولايات المتحده

افتراضات

اذا ما افترضنا

بانك لست حبيبى

فماذا اكون؟

وماذا تكون؟

اذا ما افترضنا

ان هذا ليس حبا

اذن

فما هو الحب يا سيدى

يا من غيرت مسيرتى

لكم اشعر بالاحباط

ولكن لا تؤاخذنى فى الافتراضات

اذا ما افترضنا

انك لا تريدنى

اذن اعطينى انت الافتراضات

يا هادىء الاعصاب.. انك ثابت

وانا على ذاتى ادور ...ادور

وهم فى البعد اغلى

لـــمـــــــــــــــــــــــــــاذا؟

عيد حب سعيد

عيد حب سعيد


عيد حب سعيد


بل افضل ان تقول لى


ان حبكى فى وجودى


هو حب سعيد


يا مالكى ويا مليكى


ما اجمل ان تكون حبيبى


قل لى : أحبك


كى تزيد قناعتى


فأنى امراءة


قل لى : أحبك


كى أصير بها


شفافه كاللؤلؤه


يا من تزيدنى عشقا فيك


وتأخذنى بسحر عينك


وتذوبنى فى احضانك


فما اجمل طعم قبلاتك


امنيتى.....؟


بان اكون قلما او ورقا بين يديك


امنيتى.....؟


بان اكون كتاب تحتضنه بين يديك


فانى اغار من قلمك الذى تكتب به


ومن الورقه التى تكتب عليها


فليتنى كنت ورقه بين يديك


تكتب عليها ما يحلوا اليك


فعذرا يا حبيبى


ان كنت اهزوا


فذلك من كثرة شوقى اليك


فأنت فى مكان


وأنا فى مكان


ولكن قريبا ما نلتقى فى مكان


ونقول به اجمل كلام


ونعيش فيه بأحلى غرام


فكل عام وانت حبيبى