الفراشة الصغيرة

ليا الشرف

2011-02-11T10:10:00.000-08:00

فى يوم 25 يوليو كتبت البوست ده للريس

أنت ايه لزمتك

ناس كتير مرضتش تعلق

وناس كتير خافت تعلق

واتصلت بيا تطمن عليا

وقالولى خافى على نفسك

ودلوقتى بقولهم ليا الشرف انى كتبت كده

ودلوقتى فرحانه جدا جدا

لان الحمد لله

ربنا استجاب لدعايا

مبرووووووووووووووووك لمصر

وكل المصريين الشرفاء اللى بجد بيحبوا البلد دى

دمااااااااااااار

2011-02-03T00:40:00.000-08:00

إنكسرت الأقلام وجفت الأحبار

ولا أعلم كم كل هذا الدمار

تصادم الأشخاص وتلاقت النار

أصبحت الحياة كلها فى أنفجار

خسارة خسارة يا شعب الحضارة

خسارة خسارة يا شعب السلام

تأمر الأحزاب أو تأمر الأخوان

الكل مصرى ومصر تنهار يا أخوان

دماؤنا تسيل فى كل مكان

فى محطة مصر وفى شوارع الميدان

كفانا كفانا دماء كفانا

كفانا دمار كفانا خراب

تقولوا أنها ثورة حرية

ولكنى أراها حرب أهلية

شىء من التفكير شىء من المسئولية

أعطونا فرصة للشعور بالاستقرار

كلمات تستحق القراءة

2010-12-09T08:46:00.000-08:00

كثيرة هي المواقف التي نمر بها

سواء كانت في عالم الانترنت والمنتديات خصوصاً
او في الواقع الذي نعيشـه

وكثيرة هي الردود الجارحة او المسيئة لنا
والتي قد تضعنا في موقف رد الاهانة بالاهانة
او ربما التجاهل والترفّع عن التعليق ..

فقد قال الأمام علي بن أبي طالب

(رضي الله عنه)
خاطبت عالماً فغلبته بعلمي وخاطبت جاهلاً فغلبني بجهله

يقول الشافعي رحمه الله :

يخاطبني السفيه بكل قبح .. فأكره أن أكون له مجيباً
يزيد سفاهة فأزيد حلماً .. كعود زاده الاحراق طيباً

عندما تجد نفسك في مثل هذه المواقف التي قد تدفعك للدخول في نقاش عقيم
أو في ردود قد تخرج عن الأدب والاحترام
أو ربما تقع في مواجهة مع سفيه قد يخطئ عليك وأنت في غنى عن الرد عليه .

لذا أقول

اذا خاطبك السفيه فلا تجيبه فخيرا من اجابته السكوت ،

فأن اجبته ارحته وان تركته كبدا يموت ،

فالنار ان لم تجد ما تأكله تأكل نفسها حتي تموت

الى القمة يا نفسى

2010-12-03T11:37:00.000-08:00

طول ما احنا بنبص للى تحتنا

عمرنا ما هنوصل لحاجه ابدا

لو كل واحد فينا مبصش على التانى

وشغل فكره بنفسه هنوصل للقمة

لو كل واحد فينا

حدد عايزة يكون ايه

هنوصل للقمة

لذلك أقول لنفسى

"إلى القمة يانفسي.. فأعلى القمة مكاني"

مشاعر تموت بالوقت

2010-11-28T02:21:00.000-08:00

كانت مشاعرى نحوه

كأى مشاعر

مشاعر حب مشاعر عشق أسر

تتجمل وتتزين حياتى بوجوده

وتتفتح أزهارى بقدومه

فظللت أبحث عنه أياماَ

وتمر الأيام لتأتى الشهور

وينتهى الصيف ليبدأ الشتاء

ولكن بحثى عنه فى الهباء

وتمر السنين وانتظر لقياه

وقلبى يموت ولا ينبض بهواه

حاولت أبحث عنه بين الناس

عن وجه عن عطره أو نظرة عيناه

وقد باءت محاولاتى فى الهواء

دون أن ألقاه

كم ضاعت أيامى هباء

فى حب ليس له دواء

اعداء النجاح

2010-11-17T03:00:00.000-08:00

يرى الدميم في الجمال تحدّياً له، والغبي في الذكاء عدوانا عليه

وأسوؤهم الفاشل عندما يرى في نجاح الآخرين ازدراءً لشخصه وتهديدا لاستمراريته.

قديما قال أحد حكماء التبت:" إذا تمنيت أن تنجز إنجازا عظيما، تذكر أن كل إنجاز يتطلب قدرا من المجازفة، وأنك إذا خسرت فأنت لا تخسر كل شيء لأنك تتعلم دروسا. لن تضل الطريق لو تمسّكت باحترام الذات ثم احترام الآخرين وتحمل مسؤولية كل فعل".

ما إن تظهر مواهب وضعها الله لدى إنسان، حتى يتطاول في البنيان دون وجه حق من يريد علوّا في الأرض وفسادا كبيرا، فيُطوى جناحه على غضب مكتوم وضيق ظاهر ورغبة بزوال النعمة عن الآخرين، ولا يريحه إلا انطفاء العظمة وانبلاج الإخفاق، إذ لا تكف محاولات أولئك في التعرّض لنجاح الآخرين والتشكيك به وزرع الشبهات حوله. هم في كل واد يتيهون وينفثون في مسارات الناجحين كثيرا من السّموم، ويتقنون رمي العصي في دواليب الراكضين. وقد يظهرون لك على هيئة "أعدقاء": أي بذات الوقت أصدقاء و أعداء تحت التمرين، ليس ظاهرهم كباطنهم.. هم العدو فاحذرهم!.

طريق النجاح يعلو وينحدر ويتسع ويضيق لكن مساره واحد: الصبر والأيمان والثقة بالنفس والاطمئنان. ومادام الإنسان يسطع ويلمع ويعطي ويبني فهو بلا شك سيتعرض لحرب ضروس من التحطيم المعنوي لا هوادة فيها. فالناس لا ترفس كلبا ميتا والجالس على الأرض لا يسقط، والقافلة تسير والكلاب لا تكفّ تنبح.

لا أعبأ بمن ينسج الكثير من خيوط العنكبوت والقصص الزائفة حول ما أكتب وأقدّم ولا أرد على أحدهم إلا بعطاء أكبر وثمار أنضج، فتزول آثارهم مع انبلاج الصبح وسطوع شمس يوم جديد، وإن غدا لناظره قريب. فالحياة رحلة، والطريق ممتدة ولا أماني تتحقق دون جهد ودون أخطاء وأحزان وخسران. فعسى أن تكرهوا شيئا وهو خير لكم. ولا يحق إلا الحق وكل إناء بما فيه ينضح..

قال رجل لأبي بكر:" والله لأسبنّك سبّا يدخل معك قبرك"

" فأجابه رضي الله عنه :"بل يدخل معك قبرك أنت

كثيراً ما أفكر في أمر هذا الإنسان المخدوع المظلوم بضباب يعمي بصيرته وغيوم تجثم على قلبه فتحرمه نعمة الرؤية والفهم وتجعله يخرج بسلاح من الهدم بدلاً من البناء. أحزن عليه لأنه لا يعلم في أي فلك والى أي هدف يسعى كل ما يعرفه أن عليه فقط تغطية مشاعر النقص التي يشعر بها وذلك بهز غصون شجر مثمر لعله يحظى بشيء يخفف عنه حدة معاناته وشقائه.

حكمــــــــة،،،،،،،،،،،،،،،،،،،

النجاح خطيئة يرتكبها المرء بحسن نية ومع ذلك لا يغفرها له الآخرون.

فلا تيأس أمام قـُبح أعداء النجاح. ولن أيأس.

"الرأي" ،،، اعجبني ،،،، اتمنى ان يعجبكم ،،،

الخــــــروف خـــــرف

2010-11-14T01:54:00.000-08:00

الخروف خرف لما طلع من الحظيرة

شاف الدنيا واتمرد قبل المسيرة

كان مكانه هناك بين القطيع

جه وعاش فى مكان و بعد عن عيالة الخرفان

أوعى تعمل فيها واد فهمان

وأنت أصلا خروف غلبان

ولا أقولك أنت يا حرام خروف

من فوق وتحت بالحبال ملفوف

بتضحك على مين وأنت من التعسين

مش عارف تعيش فى الدنيا مع مين

يلا يا خروف يا أبو كرش ملفوف

أرجع للقطيع وخليك مطيع

لحد لما يجى أمر السميع

وتلاقى نفسك فى فرن فظيع

من فوق نار ومن تحت نار

وأنت يا عينى فى النص زنهار

بتبكى أنك سمعت كلامـــــــــى

ههههههههههههههههههههههه

***********************

بجد صعبت عليا الخرفان

كل سنة وانتم طيبين

إنك لمن الخاسرون

2010-10-29T06:55:00.000-07:00

تعودت أنت أيها الجبان على إيذاء النفوس

وسيأتى لك يوما وتخف العقول

فوالله الذى فوق كل ظالم ومظلوم

سيأتى لك يوما تقول يا ريتنى ما أكون

وتمكث وحيدا تعانى الهموم

وتظل تفكر حتى تصاب بالجنون

وتنظر حولك فلن تجد صديق يصون

قبيح أنت ووجهك ملعون

مكير أنت وصوتك مسموم

حقير أنت وفكرك ملغوم

تعتقد أن افكارك شيطانية

وأنك أذكى من تعلب الليل

ولكنى أعلنها اليك

فأنت أغبى من يكون

فلا تعرف أن ربك فى السماء موجود

وأنه أنقذ يوسف من أخواته الماكرون

فالله دائما مخيب الظنون

فصبرا جميلا وإنك لمن الخاسرون

قم الليل حبا لله

2010-08-24T08:31:00.001-07:00

هذا مقطع من كتاب (اولياء الله ) لفضيلة الشيخ محمد متولى الشعراوى

فقيام الليل بمثابة الماء للارض العطشى فهو رى القلوب ..

بحب الله والمثول بين يديه والوقوف على بابه عسى ان يجيبنا

فركعتان فى جوف الليل يعبد فيها العبد ربه باخلاص

ويقين ورغبة فى لقائه كافيه لجعل العبد محبا لخلوة الله

ان قيام الليل دليل ع مدى يقين العبد فى وعد الله ووعيده

فما الذى يجعل انسان ينفض لحافه ويترك فراشه

ويقاوم النوم لكى يصلى ركعات فى ظلمة الليل وبرد الشتاء

ما الذى يدعوه لذلك الا ان قلبه امتلا ايمانا ويقينا

بان الله حى سميع بصير يراه وقت نام الناس وهجعت الابدان....

انتهى كلام الشيخ

بالله عليكم فى أحلى من أنك تناجى ربك

أمر الله تعالى نبيه بقيام الليل في قوله تعالى: { يَا أَيُّهَا الْمُزَّمِّلُ (1) قُمِ اللَّيْلَ إِلَّا قَلِيلاً (2) نِصْفَهُ أَوِ انقُصْ مِنْهُ قَلِيلاً (3) أَوْ زِدْ عَلَيْهِ وَرَتِّلِ الْقُرْآنَ تَرْتِيلاً }

وعن عائشة رضي الله عنها قالت: { كان النبي يقوم من الليل حتى تتفطر قدماه. فقلت له: لِمَ تصنع هذا يا رسول الله، وقد غُفر لك ما تقدم من ذنبك وما تأخر؟ قال: أفلا أكون عبداً شكوراً؟ }

ما بالك ده حال رسول الله وهو من يغفر له ذنبوبة أومال أحنا فين

يارب ارزقنا حلاوة الايمان

وتقبل منا صيامنا وقيامنا وقنا عذاب النار

كل سنه وانتم طيبين

2010-08-04T14:23:00.000-07:00

طبعا أحب أشكر الناس اللى علقت عالبوست اللى فاتت

واحب اشكر برضه الناس الكتيييير اللى دخلوا وشافوا البوست ومعلقوش

واحب اشكر الناس اللى شافوا البوست واتصلوا بيا يقولولى

احنا بنطمن عليكى

عموما متقلقوش انا كويسه عااااااااااادى

واحب اقولهم يا جوبنا خايفين تعلقوا ليه ؟؟

المهم بقى مش هطول عليك وسيبكم من السياسة والهم ده

واحنا داخليين على شهر كريم

شهر الحب بالملايين

شهر الرحمه والغفران

شهر التقوى والحسنات

يا رب بلغنا رمضان

وتقبل منا الصيام

أنت ايه لزمتك

2010-07-25T01:14:00.000-07:00

قولى أنت ايه لزمتك

لما الناس تصبح تبات

فى هم وغم وفقر وعذاب

يبقى ايه لزمتك

لما الوزير يصبح غفير

ويكون سبب موت أمتك

يبقى ايه لزمتك

لما الفقير يكون شريف

ويروح شرفه من سطوتك

يبقى ايه لزمتك

غدر وهوان مفيش أمان

الكون ظلام مفيش كلام

والروح بتموت من سطوتك

يبقى ايه لزمتك

كفاية جراح سيبنا وارتاح

أكيد هيجى يوم صباح

وتعيش فيه أمتك

وهتكون دى لزمتك

أمشى وريح أمتك

القبلات بين الشباب والفتيات

2010-07-17T13:44:00.000-07:00

أفتي المفكر الإسلامي جمال البنا بجواز تبادل القبلات بين الشباب والفتيات غير المتزوجين

معتبرا أن ذلك يأتي في اطار الذنوب الصغري التي تمحوها الحسنات.

وكان البنا قد استند في فتواه خلال لقاء معه بقناة "الساعة" الفضائية

علي عدم قدرة الشباب والفتيات علي الزواج نظرا للظروف الإقتصادية الصعبة.

وفي تصريحات له للعربية نت قال "لا يكلف الله نفسا إلا وسعها" وليس كل محرم من الضروري ألا يفعله الإنسان.

وقال إن ارتفاع تكاليف الزواج وتأخره هو المسؤول عن هذه "الذنوب الصغيرة".

واعتبرت الدكتورة عفاف النجار ، عميد كلية الدراسات الإسلامية والعربية

بنات بجامعة الأزهر آراء البنا شخصية بحته لا تعبر عن الدين الإسلامي خاصة

وأنه له سوابق كثيرة في الفتاوى الغريبة التي أثارت العالم الإسلامي.

وقال الدكتور محمد فؤاد شاكر ، أستاذ الحديث ورئيس قسم الدراسات الإسلامية

بجامعة عين شمس إن فتاوى البنا كثيرا ما ينظر إليها بعين الريبة خاصة

وان من أطلق الفتاوى لم يترك مجالا إلا وأفتى فيه بأموراً لا ترتبط بالإسلام

مثل تدخين السجائر في رمضان لا يفطر لعدم ورود دليلاً على ذلك من السنة النبوية .

والمفكر الاسلامي جمال البنا هو الشقيق الاصغر لحسن البنا مؤسس جماعة الاخوان المسلمين

لا حول ولا قوة الا بالله ازاى دول أخوات الله اعلم

******************************

حسبى الله ونعم الوكيل

اتقى الله

من افتى بغير علم فقد ضل

تزوجها أكبر تكسب

2010-06-22T11:25:00.000-07:00

كنت امس اقرأ كتاب للكاتب الكبير أنيس منصور

كتاب دعوه للابتسام

اننى اكن كل احترام وتقدير لهذا الكاتب وابداعة وثقافته

ولكنى اختلف معه

"فى جزئية بعنوان "تزوجها أكبر تكسب

فهنا يطرح أنيس وجهه نظر الفيلسوف الامريكى بنيامين فرانكلين

فهذا الفيلسوف ينصح أن يتزوج الرجل امرأة أكبر منه فى السن

:وذلك لثمانية أسباب

أنها سوف تكون أكثر معرفة بالدنيا . وأكثر تجربة

عندما لا تكون المرأة جميلة أو رشيقة فإنها

تحاول أن تكون مفيدةوتحرص على تحقيق مئات الخدمات

وسوف لا يكون هناك مشاكل للأطفال وماتحدثة الأطفال من ارتباك

فى الحياة الزوجية وعدم توازن فى العلاقات والارتباطات والنفقات

وإذا أنت غلطت ... وارتكبت حماقة خارج البيت فسرعان

ما يجد الناس بك عذرا . يقولون معذور إنه تزوج سيدة أكبر منه

وهى سوف تجد لك العذر وسوف تسامح وتصلح ما فسد بينكما

ليس أسهل من أن تجعل فتاة صغيرة تعيسة .. وليس أصعب

من أن تجعل سيدة كبيرة تعيسة .. بل ليس أسهل من إسعادها

إذا مت أنت فلن تتزوج من بعدك .. لأنها ترى أنك كنت

كريما معها فى حياتك فلن تهينك يعد موتك

ليس صحيحا ما يقال أن الصغيرة تنعش الإنسان جسميا

ونفسيا . بل هى مرهقة له . ولكن التى ترعاك نفسيا وصحيا

والحريصة على راحتك واعتدال مزاجك هى الأكبر سنا

أهم من كل ذلك أنها سوف تكون شديدة الامتنان لك .. فأنت فضلتها

على كل الصغيرات ؟؟ وانت لا تزال تعطى بحرارة وهى محرومة

منها . أما الصغيرة فهى ترى أن الذى تعطية عادى وليست له ميزة

يمكن أن يكون ما يقولة الفيلسوف صحيح

ولكن ليس كل ما يقال يصدق وليس كل حلو سكر وليس كل ما يلمع ذهب

فأنا أرى من وجهه نظرى أن عمق التفاهم

وتقارب الافكار أهم شىء سواء كانت أكبر أو أصغر

فيمكن أن تكون المرأة أكبر ولكن تافه ويمكن أن تكون مغرورة

والاهم من ذلك أنها غيوره لان لديها عقده بالنقص فزوجها يمكن أن ينظر للاصغر منها

وهناااااااك أشياااااااااااااااااااااااااء كثيرة

أختلف فيها مع هذا الفيلسوف

**********************************

سؤال للرجال

هل يمكن أن تتزوج امرأه اكبر منك سنا؟

سؤال للبنات

هل يمكن أن تتزوجى رجل أصغر منك سنا

ربنا اتنا فى الدنيا حسنة وفى الاخره حسنة وقنا عذاب النار

2010-06-05T09:16:00.000-07:00

كان ثعلبة بن عبدالرحمن رضي الله عنه، يخدم النبي صلى الله عليه وسلم في جميع شؤونه وذات يوم بعثه رسول الله صلى الله عليه وسلم في حاجة له ، فمر بباب رجل من الانصار فرأى امرأة تغتسل وأطال النظر إليها. ثم بعد ذلك أخذته الرهبة وخاف أن ينزل الوحي على رسول الله صلى الله عليه وسلم بما صنع، فلم يعد الى النبي ودخل جبالا بين مكة والمدينة، ومكث فيها قرابة أربعين يوماً،وبعد ذلك نزل جبريل على النبي صلى الله عليه وسلم فقال : يا محمد إن ربك يقرؤك السلام ويقول لك:أن رجلاً من أمتك بين حفرة في الجبال متعوذ بي، فقال النبي صلى الله عليه وسلم لعمر بن الخطاب وسلمان الفارسي:انطلقا فأتياني بثعلبة بن عبدالرحمن فليس المقصود غيره فخرج الاثنان من أنقاب المدينة فلقيا راعيا من رعاةالمدينة يقال له زفافة، فقال له عمر:هل لك علم بشاب بين هذه الجبال يقال له ثعلبة؟

فقال لعلك تريد الهارب من جهنم؟ فقال عمر : وما علمك أنه هارب من جهنم قال لأنه كان اذا جاء جوف الليل خرج علينا من بين هذه الجبال واضعا يده على أم رأسه وهو ينادي ياليتك قبضت روحي في الأرواح ..وجسدي في الأجساد.. ولم تجددني لفصل القضاءفقال عمر: إياه نريد.فانطلق بهما فلما رآه عمر غدااليه واحتضنه فقال : ياعمرهل علم رسول الله صلى الله عليه وسلم بذنبي؟ قال لاعلم لي الا أنه ذكرك بلامس فأرسلني أنا وسلمان في طلبك. قال يا عمر لا تدخلني عليه الا وهو في الصلاة فابتدر عمر وسلمان الصف في الصلاة فلما سلم النبي عليه الصلاة والسلام قال يا عمر يا سلمان ماذا فعل ثعلبة؟

قال هو ذا يا رسول الله فقام الرسول صلى الله عليه وسلم فحركه وانتبه فقال له : ما غيبك عني يا ثعلبة ؟ قال ذنبي يا رسول الله قال أفلا أدلك على آية تمحوا الذنوب والخطايا؟ قال بلى يا رسول الله قال قل

ربنا آتنا في الدنيا حسنة وفي الآخرة حسنة وقنا عذاب النار

قال ذنبي أعظم

قال الرسول صلى الله عليه وسلم:

بل كلام الله أعظم

ثم أمره بالإنصراف الى منزله فمر من ثعلبة ثمانية أيام ثم أن سلمان أتى رسول الله فقاليا رسول الله هل لك في ثعلبة فانه لما به قد هلك؟

فقال رسول الله فقوموا بنا اليه ودخل عليه الرسول صلى الله عليه وسلم فوضع رأس ثعلبة في حجره لكن سرعان ما أزال ثعلبة رأسه من على حجر النبي فقال له لم أزلت رأسك عن حجري؟

فقال لأنه ملآن بالذنوب

قال رسول الله ما تشتكي؟

قال :مثل دبيب النمل بين عظمي ولحمي وجلدي

قال الرسول الكريم : ما تشتهي؟

قال مغفرة ربي

فنزل جبريل عليه السلام فقال: يا محمد ان ربك يقرئك السلام ويقول لك (لو أن عبدي هذا لقيني بقراب الارض خطايا لقيته بقرابهامغفرة)

فأعلمه النبي بذلك فصاح صيحة بعدها مات على أثرها فأمر النبي بغسله وكفنه،فلما صلى عليه الرسول عليه الصلاة والسلام جعل يمشي على أطراف أنامله، فلما انتهى الدفن قيل لرسول الله صلى الله عليه وسلم،يا رسول الله رأيناك تمشي على أطراف أناملك قال الرسول صلى الله عليه وسلم

والذي بعثني بالحق نبياً ما قدرت أن أضع قدمي على الارض من كثرة ما نزل من الملائك لتشييعه

كل واحد منا يخطي وله ذنوب يعلمها

وذنوب لايعلمها فخير الخطائين التوابيين

فالواجب علينا ان نعود انفسنا على ذكر الايه الماحيه للذنوب

ربنا آتنا في الدنيا حسنه وفي الآخره حسنه وقنا عذاب النار

ما أحلاها من أيام

2010-03-28T11:36:00.000-07:00

طبعا انا عارف انكم بتسألوا انا اختفيت فين الايام اللى فاتت

ومكنتش بكتب حاجة من ساعة عيد ميلادى

صراحة لان كنت مشغول فى حاجة اجمل واحلى منها مش لاقية

انشغلت فى الحاجة اللى فعلا مش ممكن ننساها كلنا

فى الحاجة اللى بكيت فيها وانا طالعة من السعودية وبودعها

الحمد لله يارب انى اتمنيتها ولقيتها

وربنا يتقبلها منى

ويكتبهالكم انتم كمان

طبعا مهما حاولت اوصف مدى سعادتى مش هقدر أقولكم

على جمال هذا المكان

مهما حكيت مش هقدر أقول فيه كلام

جمال المكان وقدسيته

والروحانيات الجميل اللى هناك

تحس انك ناسى الدنيا

عشرة ايام مش فاكرة هما مروا ازاى

ومش مصدقة انهم مروا بالسرعه دى

كعبة تخطف قلبك

وبخصوص الكعبة ليا بوست خاص بيها

لانها فعلا حاجة ما شاء الله تخطف قلبك

بجد بحسد كل سعودى موجود فى المكان ده

وبتمنى انى اروح تانى وتالت ولحد اخر عمرى

يارب اكتبهالى تانى

وليا معاكم عوده اخرى

كل ربع قرن وانا طيبة

2010-01-21T22:10:00.000-08:00

((.............................................. ))

اليوم اتممت 25 سنه من عمرى

فرحت فيهم وضحكت

بكيت فيهم وحنيت

لكل ايام الطفولة

وحب أبى وحنانة

وهذه الاقواس

لكل من أراد أن يضع فى حقى كلمة

لكل من أراد أن يبلغنى بتعليق

حسن كان أو سيىء

فلا تردد وضع ما تريد

الفراشة الصغيرة

رودى

كل عام وانتم بخير

2010-01-01T03:19:00.000-08:00

وحشتونى وحشتونى بجد

يااااااااااااااااااااااه الكتابة وحشتنى قوى

والمدونين وحشونى خالص

خلاص فضتلكم واخيرا رجعتلكم

ييييييييييييييي على الرغى

انا كنت داخلة اقولكم كل سنه وانتم طيبين

والسنة دية تحققوا كل امانيكم

بس طبعا انتم عارفين الفضول

......عايزة أسأل سؤالين إجبارى

اية الحاجة اللى ندمت انك عملتها فى 2009 ؟

اية هى الحاجة اللى كنت تتمنى انها تتعمل مقدرتتش تعملها ؟

يلا سلام ومستنية إجاباتكم

ااااااااااااااه نسيت أقولكم

بحبكم كلكم

كل سنة وانتم طيبين

2009-11-26T05:09:00.000-08:00

اولا انا بعتزر لكل المدونين عن غيابى الطويل

بس انا عارفه انكم هتعزرونى لما تعرفوا ان وزير التربية والتعليم الله يعمر بيته

عامل فينا مقالب مش مقلب واحد

المعتمدة من منظمة اليونسكو icdl اول حاجة شهادة

لاوايه مش على حسابهم لا على حسابك

وامتحنت ونجحت فيهم الحمد لله itالمهم الحمد لله ذكرت الويندوز و

عقبال الباقى

اما بقى المقلب التانى فهو امتحان الاكاديمية المهنية للمعلمين

وده كان الجمعة اللى فاتت 20/11

كان فى اللغة الانجليزية والتربوى واللغة العربية وماده التخصص

كل ده فى يوم واحد

دخلت الكلية وهى منورة طلعت منها والدنيا ضلمة

عمرها ما حصلت فى حياتى انى اقعد طول النهار امتحن

لا وكمان

icdl والنتيجة بتاعته محجوبة لاحضار شهاده

عااااااااااااااااااااااااااااااااااااااا

مش بالزمة ده حرام

دخلت كلية ليه وأخدت منها شهادتى لما أنت مش معترف بيها

يلاه هنعمل ايه

بقولك ايه يا رودى

ايه الرغى بتاعك ده

انتى داخلة تعيدى ولا داخله تشيليهم الهم

لالالالالالا خلاص

انا كنت داخله اقولكم كل سنة وانتم طيبين

انتوا ماكلم انتم بهم التربية والتعليم

ادى اللى نبنا منها شقاء ثم شقاء ثم شقاء

عموما انا بهنيكم كلكم بالعيد الكبير

واوعى تأكلوا لحمه كتير

لحسن تجيلكم انفلونزا الحمير

قصدى الخنازير

ههههههههههههههه

لالالالالالالالا خلاص بألف هنا

وعيد سعيد على كل الأمة الأسلامية

كله أوهام

2009-10-16T04:56:00.000-07:00

اللى بتحبية

وبتفكرى دايما فيه

لا يستاهل حبك

ولا يستاهل قلبك

بمشاعرك وحلاوتك

تستاهلى اللى يديكى عنيه

بتقولى فيه كلام

ما أحلاه من كلام

لكن فى النهاية يا روحى

بيطلع كله أوهام

بتقولى أنه بيحبك

لكنه دايما بيغشك

وبيسلب منك مشاعرك

ما أنتى اللى بتصدقية

بيقولك أنتى حبيبتى

ولا غيرك دق له قلبى

لكن قلبه يا حبيبتى

بيدق له كل يومين

فوقى من اللى عيشاه

والوهم اللى معلقه قلبك معاه

ده قلبه عمره ما حبك

ولا سهر الليل فى هواه

ليكن الرحيل

2009-10-11T13:38:00.000-07:00

أختلف معاها هذا العام عن كل الأعوام

أصبحت فيه بئر يفيض بالالام

أختلفت الأهتمامات وتغيرت الأحلام

وأصبح كل شىء فيها بلا أنام

فنظرتها لم تصبح تلك النظرة الساحرة

وابتسامتها لم تكن مثل ابتسامتها الأخذه

وأصبحت حياتها خالية من وجد الحبيب

فقد أصبح قلبها مقفل ومغلق للتحسين

حتى يحين وقت الرحيل

فالبرود قد تملك قلبها

والموت قد أقترب من جسدها

وأصبح صموتها أشب بالصمت الرهيب

فقد تمنت يوما التخلى عن دورها

وأن تستطيع الهروب من نفسها

حتى استطاعت ما استطاعت

وجمعت أشلاء عمرها

وكممت كل جراحها

والان

لا تستطيع أن تقول وداعا

ولكن ليكن الرحيل

ماذا تفعل لو كنت وزير للتعليم ؟

2009-09-28T02:23:00.000-07:00

طبعا كلكم عارفين ان الوزير بتاعنا مصمم انه مش هيأجل التعليم

وانه شايف اننا نقدر لو حصل حاجة نواجهها بمنتهى السهولة

ياعم صلى أنت فى مصر

يعنى فى علاجات كفاية للشعب لما يتصاب

ومعندكش تلوث والاكل زى الفل بيغذى ويقوى المناعة

وعندك تطعيمات

الا صح بخصوص التطعيمات

اخر حاجة سمعتها اللى هيخدها يبقى على مسئوليه الخاصة

لانها بتسبب تلات حاجات مهمين جدا

أولا : السرطان

ثانيا : الزهيمر

ثالثا : الفشل الكلوى

يعنى تموت أحسن بالفيرس

ده غير أن الوزير قال بمنتهى السهولة لو طالب اتصاب فى الفصل او اتنين هنقفل الفصل

ده على اساس انه قاعد طول النهار فيه مش بختلط فى طابور وفسحه بالطلاب التانيين

ايه الذكاء اللى انتوا فيه ده الراجل كلامه واضح

انتوا مش فاهمين حاجة

انتوا هتفهموا اكتر منه

وعادى لو حصل جائحه فى المدرسة هتتقفل اسبوعيين

يرشوا فليت ويموتوا النمل والصراصير

وهتبقى المدرسة فله شمعه منورة مفيهاش فيروس ولا اى حاجة

ده كله كوم

وغسل ايد العيال كل نص ساعه كوم تانى

طبعا هو شىء كويس

بس احسبوها لو كل العيال نزلوا يغسلوا ايديهم كل نص ساعة

مش اسمه تجمع برضه

حتى لو اتقسموا كل مجموعه تنزل تغسل ايديها يبقى قدامك حل من الاتنين

يا تقف فى الحوش تلم العيال علشان يطلعوا الفصل

يا اما تشرح فى الحمام

على الاقل العيال هعيش حياتها ويذروطوا براحتهم

يا لهوووووووووووى

دى هتبقى سنه هنا والله

ولا فى شرح لا نيله

هو وجع قلب عالفاضى

عموما يا سياده الوزير المحترم نشكرك على هذا الجهد العظيم

ومش عايزة اقولك احنا بندعى عليك قصدى بندعيلك قد ايه

صراحه رايحتنا احنا والطلاب

عادى خالص ان الدراسة تشتغل طول الاسبوع

وان المدرس يطحن طول الاسبوع

عايزة اقولك لسيادتك حاجة

لو احنا حتى عندنا صحة

فهى خلاص بح

راااااااااااااااااااااااااحت

طبعا أنا عارفه ان فى حاجة اسمها قانون الطوارىء

بس مش على حساب صحتنا

واللى انا متأكده منه انه على الاقل

لو اتنين فى الفصل واحده عنده انفولنزا عادية والتانيه انفلونزا خنازير ادخل الفصل

فأنت كده قدمت للفيرس الجو المناسب لتتحور

وهتدوروا قريب على علاج جديد للفيرس الجديد

عموما مش هقدر أقول غير شكرا

والعيب مش فيك

*********************

عايزة كده اسألكم كام سؤال

ايه رايك فى التعليم فى مصر ؟

انتوا شايفين ان مهم قوى ان الطلاب يروحوا المدارس دلوقتى ؟

يحصل إية لو عملنا زى الدول العربية وأجلنا الدراسة؟

أخيرا وليس أخرا

لو انت كان وزير التعليم هتتصرف إزاى؟؟؟؟؟؟؟؟؟؟

**********************************

على فكرة ممكن بمناقشتنا دى نوصل لحل أحسن

على الأقل نأخد كلنا القرار

بدل ما نسيبه لفرد واحد بس هو اللى يأخده

رودى فى قناه أنا

2009-09-16T13:33:00.000-07:00

إن شاء الله البرنامج هيجى انهارده

اللى عامله فيه تقرير عن رمضان

على قناه( أنا )على النايل سات

البرنامج اسمه قطايف

المفروض انه بيجى كتير

فى ميعاد بليل الساعه 9.45

فى ميعاد الساعه11.45

وفى ميعاد تانى يوم الصبح الساعه 11.45

والساعه 12.45

وفى مواعيد تانيه هو المفروض بيجى باستمرار

هيتعاد لحد الساعه 3

والمواعيد دى مش محدده قوى

مكن تلاقى ربع ساعه زياده ربع ساعه ناقصه

بقولكم ايه انت تشغلوا القناه طول النهار لحد لما يجى

معلش انا عارفه ان المواعيد مش دقيقه

بس والله مش زنبى

عموما هبقى هحاول انزلهولكم على اليوتيب والفيس بوك

وأبقى احكيلكم ايه الحصل وشوفت مين

بجد هى تجربة لذيذة جدا

جديده عليا

قابلت فيها ناس عسوله خالص

واكيد استفدت منها

تحديث

****

ده لينك تحميل الفيديو

للى ملحقش انه يشوفه

http://www.4shared.com/file/133167196/9c51c3da/rodaina.html

معلش هتلاقوا الصورة مش حلوة شويه

بس زى ما قولتلكم هحاول اجيبه من القناه

وانزله عاليوتيوب

واكيد ليا معاكم عوده أخرى

احكيلكم فيها على التجربة دة

وايه حصل فيها

ومين المدونين اللى قابلتهم

نفاحات رمضانية

2009-08-24T00:03:00.000-07:00

السلام عليكم ورحمة الله وبركاته

طبعا إنهاردة اليوم الثاالث لينا فى رمضان

والحمد لله صومنا وصلينا التروايح

وقرأنا قرأن والحمد لله

كويس جدا كل اللى حصل ده

بس هل ياترى قيمه الصبر اللى هى أهم عنصر بيدربنا عليه ربنا فى رمضان

عامل ايه معاكم انهارده

يا ترى لما كنت فى الجامع بتصلى التراويح

والجامع كان زحمه واحد اداك كتف عن غير قصد عملتله ايه

يا ترى وأنت بتركب موصلاتك الصبح وكانت زحمه

نفذ صبرك ولا لسه زى ما أنت

طيب هقولكم عن أشياء شوفتها من أول رمضان يمكن نستفيد منها

ونحاول نجاهد أكثر من ذلك علشان منضيعش ثواب صيام يوم

المشهد الأول

********

قبل الفطار طبعا كالمعتاد يعنى تبقى ماسك المصحف تقرأ فيه شويه

لحد ما المدفع يضرب وإذ تجد صوت عركه فى الشارع

أستغفر الله العظيم وياريت كده بس لا شتيمة وناس تهدى

وتقول يا عالم مش كده ده المدفع فاضل عليه دقايق

متضيعوش صيامكم ولا حياه لمن تنادى لسه بيكملوا وصله الشتيمة بتاعتهم

وطبعا لولا الأذان أذن مكنوش سكتوا طبعا لأنهم هيأكلوا لازم يسكتوا

المشهد الثانى

********

واحده كبيرة عايزة تركب المشروع هو واقف فى نص الشارع يعنى مخالف

ولازم يمشى بسرعة وهى عايزة تركب راح السواق ماشى

تقوم شتمه السواق وتلعن سلسفيل اهله علشان ازاى يمشى وهى متركبش

المشهد الثالث

*********

وواحد كبير ومراته بيركبوا الموصلات والدنيا زحمه

ويجى شاب يخبط مراته عن دون قصد يقوم الراجل ماسك فى الشاب إزاى يخبط مراته ويضربه

و الشاب عمال يتأسف وده بيكمل ضرب فيه

طلع يجرى وده وراه

هاااااااااااااااااااااااااا ايه رايكم

على فكرة المشاهد دى كلها الناس اللى فيها صايمه

مكنتش لسه فطرت

اومال لما يفطروا هيعملوا ايه

طيب هنقول يعنى وزه شيطان

لا كلنا عارفين أن الشياطين مسلسلة فى رمضان

لكن اللى هما فيه ده ضعف نفس

طبعا مش بأدينا نمسك أعصابنا

لكن ممكن نمسك لسنا

وأكثر كلمه ممكن تمسك لسانك عن أى شىء يغضب الله فى رمضان

كلمة

"اللهم إنى صائم "

صدقنى لو قولتها وأنت فى منتهى ثورتك ثلاث مرات

ستشعر بعدها وكأن شيئا لم يكون

بس المهم تقولها من قلبك

مش من وراء قلبك

صدقنى رمضان ده كل خير

حاول تكون إنسان جميل

حتى لو جاك حد لئيم كون أحسن منه ورحيم

يا قلبى اخشع لله لتزيد حسناتك

واغتنم نفحات رمضان بإيمانك

فالمولى يأتيك بشهرٌ

جزائه بكل الشهور الهجرية

يقول الرسول ـ صلى الله عليه وسلم ـ: "إن لربكم عز وجل في أيام

دهركم نفحات فتعرضوا لها لعل أحدكم أن تصيبه منهما نفحة لا يشقى بعدها أبدا"

رواه الطبراني

كل سنه وانتم طيبين

2009-08-19T01:26:00.000-07:00

كل سنه وانتم طيبين

ودايما عالسفرة متجمعين

وبتأكلوا خشاف وقمر الدين

أوعوا فى يوم تكونوا مش صايمين

أو تكتروا فى حجم المعازيم

فالشهر ده شهر الصايمين

مش شهر العزومات ولا شهر التين

ده شهر قراءة القرأن الكريم

وصلاة التراويح وقيام المسلمين

أما انتم ايها المدخنين

ربنا يهديكم أجمعين

وتبطلوا كل ما يغضب رب العالمين

بقولكم ايه

رمضان كريم

وأشوفكم دايما متهنين

رسالة أم الى صغيرها الذى لم يأتى بعد

2009-08-01T00:06:00.000-07:00

حبيبى حفظك الله من كل شر

وانار لك نورا فى كل طريق

فأنى احبك وسعيده بيك

فأرجوا ان تسعد بكل اللى حواليك

وانصحك يا صغيرى

فأسمع نصحيتى

لعلك يوما تنتفع بكلمتى

فأرجوك يا الاهى أن تستجيب

وأن تنير قلب حبيبى الصغير

وتحفظه من كل شيطان رجيم

النصيحه الأولى

**********

فنحن يا صغيرى فى شهر جميل

يتبعه يا حبيبى شهر كريم

نحن فى شعبان وتتبعه رمضان

ولكل منهم فضائل وأحكام

فأرجو يا صغيرى أن تكثر الصيام

فى شهر ترفع فيه الأعمال

فهل تعلم يا حبيبى ما فضل الصيام

انه تقرب الى الله تعالى

وغسل للذنوب ومحو للخطايا

فدمعت عينيك تكثر الحسنات

وتزيح بذلك كثير السيئات

فنحن يا صغيرى نقبل على ليلة

يقول العلماء فيها تقربا للمولى

وهى يا حبيبى ليله النصف من شعبان

فالله يا صغيرى يطلع على خلقه

حتى يغفر لجميع خلقه

الا لمن أشرك به

أو كانت بينه وبين أخاه عداوه

فأياك يا صغير أن تغضب ربك

وأن تعلق خرز بيدك

وأن تحلف بغير ربك

فهذا يا حبيبى شرك أصغر

وما أدراك ما الشرك الأصغر

واياك يا حبيبى أن تخاصم أخاك

فالخصام يا حبيبى ثلاث ليال

ولا يحل للمسلم فوق هذه الليالى

فالله لا يرضى بغير بذلك

فهذه أول نصيحه لصغيرى الجميل

فهل يا ترى سيسمع منى ويميل

عن أبي موسى الأشعري رضي الله عنه

عن رسول الله صلى الله عليه وسلم

قال: « إن الله ليطلع في ليلة النصف من شعبان

فيغفر لجميع خلقه إلا لمشرك أو مشاحن ».

رواه ابن ماجة وحسنه الألباني في السلسلة الصحيحة 1144.

حـــب حـتـى الـمـوت

2009-07-23T16:07:00.000-07:00

يهاجمنى صوتك فى وحدتى

وتأخذنى المشاعر من رغبتى

وأشتاق اليك دائما

كلما تذكرت كلماتك

حاولت أنسى حبك

ولكنى وجدت خيالاتك

تهاجمنى فى كل حلم أحلمه

لينتهى حلمى بلقائك

وشخصك يجول بخاطرى

يمزق قلبى ووجدانى

فأعود لأسئل قلبى ؟

هل سأشفى من معشوقى ؟

أم سأظل على ذلك

ولكن جوابة دائما !!!!!!!!!؟

لقد أستقر فى أنسجة دقاتك

وتخفى بداخل أحشائك

فكلما ينبض قلبك

تزيد بضرباته أشواقك

وسيظل حبة ملازم لقلبك

حتى الموت فى فراشك

قلبى فى حيرة

2009-07-17T01:16:00.000-07:00

توقف قلمى عن الكتابة

وسكت قلبى عن الدق

لا أعلم هل هذا حبا

أم هو مجرد فكر

فكلما حاولت كتابة حرفا

أجد الحرف شطب الحرف

فكنت فى يوما أظنك حبا

أو كنت فعلا حب

ولكنى الأن لا أعلم

ماهو معنى الحب ؟

هل هو قلب يدق ؟

أم هو أحتياجا وشوق !!؟

لا أعلم كيف خانتنى المشاعر

وصرت أنت هذا الحب

لا أعلم كيف ومتى أصبحت أنت فى هذا الحلم

كل ما أعلمه

أنى مازلت أحتاج اليك

ولكنى أريد البعد عنك

مازلت أشتاق لعينيك

ولكنى أخاف النظر اليك

كل ما اعلمه

أن مازال قلبى فى حيرة

تجهلها يا حبيبى بصمت شفتيك

2009-07-10T09:16:00.002-07:00

حاورت الشيطان الرجيم في الليل البهيم

لما سمعت أذان الفجر أردت للذهاب الى المسجد

فقال لي :عليك ليل طويل فارقد .

قلت: اخاف ان تفوتني الفريضة

قال :الاوقات طويله عريضة

قلت: اخشى ذهاب صلاة الجماعة

قال: لا تشدد على نفسك في الطاعة

...فما قمت حتى طلعت الشمس

فقال لي في همس : لا تأسف على ما فات فاليوم كله أوقات

وجلست لآتي بالأذكار ففتح لي دفتر الأفكار

فقلت: أشغلتني عن الدعاء

قال: دعه الى المساء

!وعزمت على المتاب ، فقال: تمتع بالشباب

قلت: اخشى الموت

...قال: عمرك لا يفوت

وجئت لأحفظ المثاني

قال: روّح نفسك بالاغاني

قلت: هي حرام

!قال: لبعض العلماء كلام

قلت: احاديث التحريم عندي في صحيفة

قال: كلها ضعيفة

ومرت حسناء فغضضت البصر

قال: ماذا في النظر؟

قلت: فيه خطر

قال: تفكر في الجمال فالتفكر حلال

...وذهبت الى البيت العتيق فوقف لي في الطريق

فقال: ما سبب هذه السفرة ؟

قلت: لاخذ عمرة

فقال: ركبت الأخطار بسبب هذا الاعتمار وابواب الخير كثيرة والحسنات غزيرة

قلت: لابد من إصلاح الأحوال

قال: الجنة لاتدخل بالاعمال

...فلما ذهبت لألقي نصيحة

قال: لا تجر الى نفسك فضيحة

قلت: هذا نفع العباد

فقال: اخشى عليك من الشهرة وهي رأس الفساد

قلت : فما رأيك في بعض الاشخاص؟

قال : أجيبك على العام والخاص

قلت : احمد بن حنبل؟

قال : قتلني بقوله عليكم بالسنة والقرآن المنزّل

قلت : فابن تيمية؟

قال : ضرباته على رأسي باليومية

قلت : فالبخاري؟

قال : احرق بكتابه داري

قلت : فالحجاج؟

قال : ليت في الناس ألف حجاج فلنا بسيرته ابتهاج ونهجه لنا علاج

قلت : فرعون ؟

قال : له منا كل نصر وعون

قلت : فصلاح الدين بطل حطين؟

قال : دعه فقد مرغنا بالطين

قلت : محمد بن عبدالوهاب؟

قال : أشعل في صدري بدعوته الإلتهاب وأحرقني بكل شهاب

قلت : أبوجهل؟

قال : نحن له اخوة وأهل

قلت : فأبو لهب ؟

!قال : نحن معه أينما ذهب

قلت : فلينين؟

قال : ربطناه في النار مع استالين

قلت : فالمجلات الخليعة ؟

قال : هي لنا شريعة

قلت : فالدشوش ؟

قال : نجعل الناس بها كالوحوش

قلت : فالمقاهي ؟

قال : نرحب فيها بكل لاهي

قلت : ما هو ذكركم؟

قال : الأغاني

قلت : وعملكم؟

قال : الأماني

قلت : وما رأيكم بالاسواق ؟

قال : علمنا بها خفاق وفيها يجتمع الرفاق

قلت : فحزب البحث الاشتراكي ؟

قال : قاسمته أملاكي وعلمته أورادي وأنساكي

قلت : كيف تضل الناس ؟

قال : بالشهوات والشبهات والملهيات والأمنيات والأغنيات

قلت : كيف تضل النساء ؟

قال : بالتبرج والسفور وترك المأمور وارتكاب المحظور

قلت : فكيف تضل العلماء؟

قال : بحب الظهور والعجب والغرور وحسد يملأ الصدور

قلت : كيف تضل العامة ؟

قال : بالغيبة والنميمة والأحاديث السقيمة وما ليس له قيمة

قلت : فكيف تضل التجار ؟

قال : بالربا في المعاملات ومنع الصدقات والإسراف في النفقات

قلت : فكيف تضل الشباب ؟

قال : بالغزل والهيام والعشق والغرام والاستخفاف بالأحكام وفعل الحرام

قلت : فما رايك بدولة اليهود (اسرائيل) ؟

قال : اياك والغيبة فانها مصيبة واسرائيل دولة حبيبة ومن القلب قريبة

قلت : فأبو نواس؟

قال : على العين والرأس لنا من شعره اقتباس

قلت : فاهل الحداثة؟

قال : اخذوا علمهم منا بالوراثة

قلت : فالعلمانية؟

قال : إيماننا علماني وهم أهل الدجل والاماني ومن سماهم فقد سماني

قلت : فما تقول في واشنطن؟

قال : خطيبي فيها يرطن وجيشي فيها يقطن وهي لي وطن

قلت : فما رايك في الدعاة ؟

قال : عذبوني واتعبوني وبهذلوني وشيبوني يهدمون

ما بنيت ويقرءون اذا غنيت ويستعيذون اذا أتيت

قلت : فما تقول في الصحف ؟

قال : نضيع بها أوقات الخلف ونذهب بها أعمار

هل الترف ونأخذ بها الأموال مع الأسف

قلت : فما تقول في هيئة الاذاعة البريطانية ؟

قال : ندخل فيها السم في الدسم ونقاتل بها

بين العرب والعجم ونثني بها على المظلوم ومن

ظلم

قلت : فما فعلت في الغراب ؟

قال : سلطته على أخيه فقتله ودفنه في التراب حتى غاب

قلت : فما فعلت بقارون ؟

قال : قلت له احفظ الكنوز يا ابن العجوز لتفوز فأنت أحد الرموز

قلت : فماذا قلت لفرعون ؟

قال : قلت له يا عظيم القصر

قل أليس لي ملك مصر فسوف يأتيك النصر

قلت : فماذا قلت لشارب الخمر ؟

قال : قلت له اشرب بنت الكروم

إنها تذهب الهموم وتزيل الغموم وباب التوبة معلوم

قلت : فماذا يقتلك ؟

قال : آية الكرسي منها تضيق نفسي ويطول حبسي وفي كل بلاء امسي

قلت : فما أحب الناس اليك ؟

قال : المغنون والشعراء الغاوون وأهل المعاصي والمجون وكل خبيث مفتون

قلت : فما أبغض الناس اليك ؟

قال : أهل المساجد وكل راكع وساجد وزاهد عابد وكل مجاهد

قلت : أعوذ بالله منك فاختفى وغاب

!كانما ساخ في التراب وهذا جزاء الكذاب

الشيخ عائض بن عبدالله القرنى

كل امرىء سيفنى ويبقى الدهر

2009-07-04T08:05:00.000-07:00

يحكى ان فتى قال لأبيه اريد الزواج من فتاة رأيتها

وقد عجبني جمالها وسحرعيونها ردعليه وهو فى فرح ومسرور

وقال: اين هذه الفتاة حتى أخطبها لك يابني؟

فلما ذهبا ورآى الاب هذه الفتاة أعجب بها

وقال لابنه اسمع يابني هذه الفتاة ليست من مستواك

وانت لاتصلح لها هذه يستاهلها رجل له خبرة في الحياة

وتعتمد عليه مثلي اندهش الولد من كلام ابيه

وقال له: كلا بل انا سأتزوجها يا ابي وليس انت؟

تخاصما وذهبا لمركز الشرطة ليحلوا لهم المشكله

وعندما قصا للضابط قصتهما قال لهم: احضروا الفتاة

لكي نسألها من تريد الولد أم الاب؟

ولما رآها الضابط

وانبهر من حسنها وفتنتها

قال لهم: هذه لاتصلح لكما بل تصلح لشخص مرموق في البلد

مثلي وتخاصم الثلاثة وذهبوا الى الوزير وعندما رآها الوزير

قال: هذه لايتزوجها الا الوزراء مثلى

وايضا تخاصموا عليها حتى وصل الامر الى امير البلد

هوعندما حضروا قال: انا سأحل لكم المشكله؟

احضروا الفتاة فلما رآها الامير قال: بل هذه لايتزوجها الا اميرمثلي

وتجادلوا جميعا ثم قالت الفتاة: انا عندي الحل؟

سوف اركض وانتم تركضون خلفي والذي يمسكني اولا انا من نصيبه

ويتزوجني وفعلا ركضت وركض الخمسة خلفها

الشاب والاب والضابط والوزير والامير

وفجأه

وهم يركضون خلفها

سقط الخمسة في حفرة عميقه ثم نظرت عليهم الفتاة من أعلى

وقالت: هل عرفت من أنا

انا الدنيا

انا التي يجري خلفي جميع الناس

ويتسابقون للحصول علي ويلهون عن دينهم في الالحاق بي حتى يقع في القبر

كل امرئ سيفنى ويُبقي الدهر ما كتبت يداه

فاحرص أن لا تكتب غير شيء يسرك في القيامة أن تراه

منقووول

ولدتك أمـك بـاكيـاً مسـتصرخا والنـاس حولـك يضحـكـون سـرورا

فاحرص لنفسـك أن تكون اذا بكوا في يوم موتك ضاحكاً مسـروراً

ما أجمله حبا

2009-06-29T13:18:00.000-07:00

كثيرا ما نبحث عن حبيبا ليسمعنا

وكثيرا ما نعيش حياة طويلة

ونموت دون أن نجد حبيبا واحد نصدق كلماته

!هل تريد حبا وحبيبا ؟

لماذا تتعجب

فهو موجود

موجود هذا الحبيب الذى يشعرك بالأمان

والحب والعطف والحنان

حبيبا يسمعك ولا يمل منك

حبيبا لا يكذب عليك

حبيبا لا يغدر بك

حبيبا يغفر لك

حبيبا رحيما ودودا كريما

فين تلاقى حبيب احسن من كده

ويحبك اكتر من كده ويعمل كل ده عشانك

ومهما طلبت منه يستجيب لكلامك

فغالبا ما يعامل الانسان اخوه الانسان من اجل مصلحه

الا هذا الحبيب

يعامله الانسان خليفته فى الارض لانه يحبه

فما أجمل هذا الحب

وما أجملك يا الاهى سبحانك وتعالى مالك الملك

لا اله الا أنت

:تنزل الى سماء الدنيا نزولا يليق بجلالتك فتنادى

هل من سائل أعطيه سؤاله

هل من مستغفر اغفر له

تعتقد لماذا ؟

لانه يحبك

فكم أعطاك وكم حماك وكم سترك

وكم رزقك وكم من عليك

تعتقد لماذا ؟

لانه يحبك

فحبه يفوق كل المحبين العاشقين

حبه أسمى انواع الحب وأعلاه

:عن أبي هريرة قال

قال رسول الله صلى الله عليه وسلم :" إن الله إذا أحب عبدا دعاجبريل

فقال إني أحب فلانا فأحبه قال فيحبه جبريل ثم ينادي في السماء

"فيقول إن الله يحب فلانا فأحبوه فيحبه أهل السماء قال ثم يوضع له القبول في الأرض

فهل تجد حبا أعظم من هذا الحب

فالحسنة عنده بعشر أمثالها الى سبعمائه ضعف الى أضعاف كثيرة

تعتقد لماذا؟

لان الله يحبك

السيئة عنده بواحده ويمكن أن تمحوا جبال خطاياك

وسيئاتك بدمعة توبة واحده

تعتقد لماذا ؟

لأنه يحبك

حديث قدسي "إذا هم عبدي بحسنة ولم يعملها كتبتها له حسنة

فإن هو عملها كتبتها له عشر حسنات إلى سبعمائة ضعف

"وإذا هم بسيئة ولم يعملها لم أكتبها عليه فإن عملها كتبتها سيئة واحد

تفتكر فى أحلى من كده حب ربنا يهدينا فى هذه الأيام المباركة

فنحن فى شهر رجب يعنى أيام مباركة ممكن نقرب فيها من ربنا

أكتر وأكتر ونحاول نحبه ونطيعه زى ماهو بيحبنا ويستجيب لنا

أرجو الدعاء الكثير لكى نبدأ باستدعاء قوانا حتى نستقبل الشهر الكريم

وأستغفر الله العظيم لى ولكم

************************************

طلب صغير : تعالوا نحاول نصوم كل اثنين وخميس فى هذه الايام ونحاول نجاهد

ونقرب من ربنا ونقوله احنا بنحبك قوى

وشوفوا الراحه اللى هتكونوا فيها بعد كده

استغفر الله العظيم لى ولكم

والسلام عليكم ورحمه الله وبركاته

حياتنا بين التجربة والمغامرة

2009-06-23T04:46:00.000-07:00

فى حياه كل منا حلم جميل

نحاول ونجاهد كثيرا لكى نحققه

ونجرب مرة واخرى واخرى

لكى نحقق ولو جزء صغير من هذا الحلم

ولكن التجربة دائما

تحتمل الفشل أو النجاح

وهذا يقف على معايير المكسب والخسارة فى هذه التجربة

فهل يمكن أن تكون حياتنا أيضا تجربة

ونكون نحن عناصر هذه التجربة

هل يمكن للانسان أن يجرب فى ذاته ما يحلو اليه

ام الاحسن ان يسير فى الطريق السليم ليأمن على نفسه من مخاطر التجربة

طيب متى يمكن أن نسمى التجربة مغامرة

لما نراهن على نفسنا فى تحقيق شىء مستحيل تحقيقه

طب ماهى المغامرة أحيانا يكون طعمها لذيذ

عندما تشعر فيها بالمستحيل الذى تستطيع تحقيقة

لذا من حقنا أن نحلم

من حقنا أن نجرب

من حقنا أن نغامر

ولكن

من حق اهلنا أن يأمنوا على حياتنا

من نتائج هذه التجارب والمغامرات

*************************

وحشتونى كلكم

وأحب اشكر احمد وايناس على سؤالهم عنى

وادينى كتبتلكم حاجة ياريت تعجبكم

وتعجب القراء

ومتقلقوش لو غبت حبه عنكم لانى محتاجه ارتب افكارى شوية

شباب الحوارات

2009-06-14T01:09:00.000-07:00

قلبه مش عربية صغيرة

لا دى

كبيرة بسبع ركاب

واحده بتمشى

وواحده بتيجى

لا والثالثة واقفة عالباب

عايز ديه ولا ديه

محتار يا عينى من كتر ما داب

ارسى يا بنى وكفاية تمشى

ورا كل واحده شوية كده

سهران تحب فالتليفون

والصبح تحب ميت مليون

ارحم نفسك وكفايه جنون

فكك وكفاية كده

ليه الكلام من غير غرام

والله انت واد مش تمام

فوق بقى يا حبيبى من الاوهام

وكفايه كلام حوارات

أنا جيت

2009-06-09T06:58:00.000-07:00

أولا : احب اعتذر للساده المدونين عن غيابى

وارجو انكم تعزرونى لانى مع الاسف مدرسة

وللاسف الايام دى فى امتحانات وتصحيح

ولسه مخلصتش لحد دلوقتى والله

بس هانت فاضل ثلاث ايام

يوم مراقبه ويومين تصحيح

ثانيا : ومن موقعى هذا أحب ابلغ حقدى الشديد على بعض الناس

اولهم الاستاذه ماءتشرين

طبعا بتضحكى دلوقتى يا سوسه

ماهو انت مجالكيش غير مراقبه تلاته يعنى يومين بس

والباقى فى البيت لا جالك تصحيح ولا اى حاجة

اخص على الصحاب اخص

يخونك العيش والكبده

ماشى ماشى عموما انا بحقد عليكى اوووووى

قاعده فى البيت وتلاقيكى ماسكه الريموت دلوقتى وعماله تتفرجى

واختك حبيبتك مطحونه فى الشمس والحر ده

مفكرتيش تجيبلها حتى كوبايه خروب

اما بقى الاستاذ التانى الحاقده عليه

فهو كيمو

بقاله عشر ايام فى بيته لا جاله مراقبه سنه تلاته ولا حتى سته

يا مفترى طب خد من اختك حبه ايام بدل ما انا معكوكه كده

وقال ايه جايين على نفسهم اوى وقالوا يخذوا العين وادولك يوم تصحيح ستة

مش بالزم كده حرام

ايهىء ايهىء

طيب يا كيمو انا بحقد عليك

انا عايزة ماما اااااااااااااااه

عموما يا وحشين خلاص هانت

فاضلى تلاث ايام يعنى يعنى اتنين وسبعين ساعة

وهرجعلكم تانى اوريكم رودى نيو لوك

يلا بقى أشوفكم يوم السبت

فى بوست جديد

تقعدوا بالعافية

مووووووووووووووووووووه

ده عدل ولا ظلم

2009-05-21T12:00:00.000-07:00

لقد تم اليوم أعلان الحكم بالاعدام

على

هشام طلعت مصطفى و محسن السكرى

لم يكن يطمئن قلبى لهذا الحكم

ولا لهذا القاضى المشهور بأحكامه المشدده

فأى قضية لم يتم فيها الحكم بالأعدام على شخصين

ده حتى ممدوح اسماعيل اللى قتل الالاف من الناس

لم يحكم عليه بالاعدام اتحكم عليه بثلاث سنوات

هل سوزان تميم دى اهم من الناس اللى كانوا فى العباره المشهورة ؟

طب ازاى

ممكن اكون مش بفهم فى المحاماه ولا القضاه

لكن هناك اشياء بديهيه وتخليك تستغرب

اولا : كل الادلة ملفقه لهشام طلعت

ثانيا : مين سوزان تميم دى

دى حتى مكنوش عارفيين هى متجوزه مين

عادل معتوق ولا رياض العزازى

يعنى هى مثلا مش انسانه مستقيمة

ومعلش هى مش حد سياسى مهم البلد افتقدته يعنى علشان هذا الحكم المشدد من القاضى

بصوا انا معاكم هشام غلطان بأنه كان عايز يتجوزها

أو انه يعرف واحده زيها بس اكيد فى حد مصلحتة

انه يحصله كل ده بحكم انه رجل مهم وصاحب أكبر مجموعة اقتصادية فى البلد

يعمل فيها اكثر من 63 الف موظف

والنتيجة ان انهارده المجموعة اسهمها نزلت فى الأرض

طب ايه الراجل هيروح فطيس كده

بس أدلة الادانة ضعيفة يكفى ان المتهم لحد دلوقتى لم يعترف بالقتل

الى جانب عدم شرعية التسجيلات الهاتفية التى اتخذها السكرى ضد هشام

لذا قام طارق طلعت مصطفى - شقيق هشام

بقياده حملة لتنديد بالقرار هو ومئات من العاملين بالمجموعة الاقتصادية

مرددا شعار " باطل باطل" عموما

فى كل الأحوال مش هقدر أقول غير

لو كان هشام قاتل فعلا فهو بذلك أخد حكم القصاص من قتل يقتل

أما لو كان مش هو القاتل فهو يحتسب عند الله شهيد

ان شاء الله

دعنى وحالى

2009-05-17T10:49:00.001-07:00

كنت يوما أذوب عشقا فيك

أنتظر حتى نظرة عينيك

كنت أغمض عينى لأراك أمامى

فارس يموج ببحر وجدانى

كنت أرتشف الحب من شراشيف شفتيك

وأتنفس العشق بين يديك

وكنت تشعر بى وبحالى

ولكن شخصك شخصا أنانى

جعلك تتمادى فى أحزانى

جعلك تفرح بهوانى

أما الأن سأقولها لك

دعنى وحالى

فأنا لم أكن بحاجة اليك

دعنى وحالى

كفانى ما رأيته على يديك

دعنى وحالى

كفانى ما رأيته كفانى

دعنى وحالى

فقد أصبحت لا أطيق حتى النظر اليك

دعنى وحالى

فقد تمنيت يوما أموت بين يديك

ولكنى سأعلنها اليك

سأكون سعيد وأنا بعيده عليك

دعنى وحالى

فقد مللت حبك الأنانى

دعنى وحالى

فقد فرقت بيننا الليالى

بقلمى

الفراشة الصغيرة

**************************
تحديث
********
أرجو نصره نبيك محمد

وقراه هذه التدوينه

حبيبى يا محمد