Saturday, October 27, 2007

بحبك يا اسكندرية




يااااه على جمالك يا اسكندرية


واحلى ما فى اسكندرية الشتويه


ساعه ما تلاقى الدنيا بتمطر


والبحر بموجه عالى ومتعطر


وتشوف البحر بالوانه الزرقه


كانه احلى صورة


بالالوان الرزقه مرسومه


وليه بيقولوا عليك يا بحر غدار


مع انى بحس فيك دايما بالامان


ياما نفسى يا اسكندرية


اعيش واموت فيكى


حتى لو عشت براكى


هجى واندفن فيكى


ولما يجوا يزوروا قبرى


يدوسوا فى ترابك يا


يا اسكندرية

Friday, October 19, 2007

رساله الى..........؟



قالولى الحب وجعه صعب


قلت يا ريت اعيش فيه


ولما عشت زمن حبه


شوفت الحب انا فى عينيه


ويمكن حبه وجع قلبى


واااااااه من وجع قلبى


لكن بحبه واعمل ايه


والبعد عنه انا مقدرش عليه


لانى بلاقى روحى فيه


وروحى دى يعنى هو


وهو فى عيونى جوا


لكن عيونى مبتنمش الليل


غير لما اسمع صوته


واطمن عليه وابوسه


واخده فى حضنى


ساعتها احس بالامان


وممكن يجى بعد كده المنام


ويظهرلى فى منامى


كأنه فارس قدامى


واخدنى لدنيا غير الدنيا


والدنيا دى


مفيهاش غيرى انا وهو


دنيا ابعد من الخيالِ


ساعتها اصحى وافوق انا من منامى


واقول يارب مش عايزة غيره قدامى


واطمن قلبى واقوله بكرة


هيجى يوم وياخدنى


اعيش معاه اكون جنبه


وميبعدش بينا غير المحال